Overview

Bydd y modiwl hwn yn rhoi cyfle i chi ddod i ddeall yr hyn rydych wedi dysgu yn ystod eich cyfnod fel myfyrwyr ac i drafod hynny mewn modd fydd yn eich helpu i ymgeisio a chael swydd. Bydd yn egluro Nodweddion Graddedigion Bangor and dangos i chi sut y gallwch eu defnyddio i ddatblygu arferion da o ran bod yn fwy cyflogadwy. Bydd yn dangos i chi sut i ddefnyddio'r wybodaeth yma i drafod eich llwyddiannau a'ch profiad wrth ymgeisio a chyfweld am swyddi. Bydd y modiwl yn trafod gweithio mewn tîm a delio gyda heriau sydd yn berthnasol i’ch gradd ym Mangor.

Bydd myfyrwyr yn dysgu am bynciau fel y canlynol: Y sylfaen ymchwil i nodweddion graddedigion Bangor ynghyd ag enghreifftiau ac astudiaethau achos pwnc penodol Technegau er mwyn cynnal a chefnogi’r ymddygiadau hynny yn y brifysgol, y gwaith a thrwy addysg gydol oes Creu a chynnal deinamig iachus mewn tîm ac ymdrin ag anawsterau
Adfyfyrio ar brofiadau o ddysgu yn y brifysgol er mwyn amlygu nodweddion graddedigion Bangor ac mewn ffyrdd sydd yn berthnasol i’r gweithle Ennill swydd a chynnal gyrfa lwyddiannus ar draws meysydd perthnasol i fyfyrwyr y Coleg megis: ymchwil, gwaith creadigol, gwaith cymdeithasol a gofal plant, polisi, menter a busnes, a’r gyfraith a phlismona

Assessment Strategy

Ardderchog: A- i A* Gwybodaeth gynhwysfawr ar lefel uwch gan wneud defnydd rhagorol o ymchwil a dealltwriaeth o: elfennau craidd Nodweddion Graddedigion Bangor. Tystiolaeth gref o gymhwyso'r wybodaeth hon i fyfyrio ar eich dysgu ac i wella arferion sy'n hyrwyddo eich cyflogadwyedd yn y dyfodol. Tystiolaeth o lwyddiant clir wrth ddefnyddio gwybodaeth a thechnegau pwnc penodol a chyffredinol i gydweithio ac arwain at ymateb i broblem yn y byd go iawn.

Da iawn: B – i B+ Gafael gref ar elfennau craidd Nodweddion Graddedigion Bangor, gyda chyfeiriadau â chefnogaeth dda at ymchwil, gan ddangos eu defnydd effeithiol o fewn dysgu myfyriol a meithrin sgiliau cyflogadwyedd. Tystiolaeth glir a chymhellol o hyfedredd mewn gwybodaeth a methodolegau pwnc-benodol, ochr yn ochr â chydweithio llwyddiannus i fynd i'r afael â her yn y byd go iawn

Da: C-, C. C+ Gwybodaeth a dealltwriaeth dda (gan gyfeirio'n dda at ymchwil): o elfennau craidd Nodweddion Graddedigion Bangor a thystiolaeth glir o fyfyrio ar ddysgu a gwella arferion fydd yn hyrwyddo eich cyflogadwyedd yn y dyfodol. Tystiolaeth o lwyddiant clir wrth ddefnyddio gwybodaeth a thechnegau pwnc-benodol ac o gydweithio i ateb problem yn y byd go iawn.

Trothwy: D-, D, D+ Gwybodaeth a dealltwriaeth foddhaol o: elfennau craidd Nodweddion Graddedigion Bangor a sut i'w defnyddio i fyfyrio ar ddysgu ac i wella arferion a fydd yn hybu eich cyflogadwyedd yn y dyfodol.

Learning Outcomes

• Arddangos cydweithio ac arweinyddiaeth effeithiol drwy weithio yn effeithiol ar y cyd mewn tîm amrywiol.

• Blaenoriaethu a chwblhau prosiectau'n annibynnol trwy osod nodau clir, a myfyrio ar gynnydd personol i feithrin twf proffesiynol parhaus.

• Dadansoddi datblygiadau cyfredol yn eich pwnc yn feirniadol, llunio cwestiynau ymchwil, a strategaethau dylunio i lenwi bylchau mewn gwybodaeth.

• Mynd i'r afael â phroblemau cymhleth, anghyfarwydd yn eich maes pwnc a'u defnyddio fel cyfleoedd ar gyfer twf a dysgu, er mwyn rheoli amwysedd ac ymdrin â rhwystrau yn effeithiol.