Overview

Mae Ymarfer Theatr Gyfoes yn fodiwl sy'n archwilio crefft theatr ar lefel uwch. Trwy berfformio, cyfarwyddo a dramatwrgiaeth, anogir myfyrwyr i sefydlu cwmniau a chynhyrchu eu gwaith eu hunain i archwilio polisi artistig ar lwyfannau’r 21ain ganrif. Caiff dealltwriaeth o brosesau ymchwil a datblygu a gwerthoedd cynhyrchu eu rhannu a'u hymarfer drwy drafodaeth a gwaith ymarferol. Bydd y modiwl yn edrych ar strategaethau creadigol, dulliau a materion damcaniaethol sy’n deillio o greu gwaith cyfoes.

Mi fydd y myfyriwr yn ymgymryd â chynhyrchiad theatr (boed yn actor neu yn rhan o'r tîm creadigol), yn archwilio ymchwil drwy ymarfer.

Archwilio dulliau uwch crefft theatr i greu gwaith creadigol gwreiddiol.

Cyflwyno ymchwil ddamcaniaethol ac ymarferol mewn Ymarfer Theatr Gyfoes.

Datblygu deunydd ymchwil a datblygu yn ogystal â chynhyrchiad byr gan gwmni i werthuso ymarfer.

Cynhelir y modiwl bob 2 flynedd gyda myfyrwyr o'r ail a'r drydedd flwyddyn o astudiaethau isradd yn gweithio gyda'i gilydd

Assessment Strategy

Trothwy (D-, D, D+): •Gwybodaeth am y prif feysydd/egwyddorion yn unig •Gwendidau yn y ddealltwriaeth o’r prif feysydd •Tystiolaeth gyfyngedig o astudio cefndirol •Perfformiad neu ymateb ysgrifenedig yn canolbwyntio’n wael ar y cwestiwn a chyda pheth deunydd amherthnasol a strwythur gwael •Cyflwynir dadleuon ond nid ydynt yn gydlynol •Sawl gwall ffeithiol/cyfrifiannol/perfformiad ddim yn argyhoeddi •Dim dehongli gwreiddiol •Dim ond y prif gysylltiadau rhwng pynciau a ddisgrifir •Sgiliau grŵp gwan •Llawer o wendidau mewn cyflwyno/perfformio a chywirdeb

Da / Boddhaol (C- i C +) •Gwybodaeth am y prif feysydd/egwyddorion •Yn deall y prif feysydd •Tystiolaeth gyfyngedig o astudio cefndirol •Yr ymateb ysgrifenedig neu berfformiad yn canolbwyntio ar aseiniad ond hefyd gyda rhywfaint o ddeunydd amherthnasol a gwendidau yn y strwythur •Cyflwynir dadleuon ond nid ydynt yn gydlynol •Sawl gwall ffeithiol/cyfrifiannol/perfformiad ddim yn argyhoeddi ar y cyfan •Dim dehongli gwreiddiol •Dim ond y prif gysylltiadau rhwng pynciau a ddisgrifir •Datrys problemau cyfyngedig/gwaith tîm boddhaol •Rhai gwendidau mewn cyflwyno/perfformio a chywirdeb

Da iawn/Da B- i B+ •Gwybodaeth gynhwysfawr •Dealltwriaeth fanwl •Astudio cefndirol: •Ymateb ysgrifenedig neu berfformiad sydd â chanolbwynt ac wedi’i strwythuro’n dda •Rhan fwyaf o’r dadleuon wedi eu cyflwyno a’u hamddiffyn yn rhesymegol •Ychydig neu ddim gwallau ffeithiol/cyfrifiannol a pherfformiad sy’n argyhoeddi •Rhywfaint o ddehongliad gwreiddiol •Datblygu cysylltiadau newydd rhwng pynciau •Sgiliau grŵp cryf •Cyflwyniad da iawn gyda chyfathrebu cywir

Rhagorol (A- hyd A*): •Gwybodaeth gynhwysfawr •Dealltwriaeth fanwl •Astudio cefndirol helaeth •Ymateb ysgrifenedig neu berfformiad sydd â chanolbwynt clir ac wedi’i strwythuro’n dda •Dadleuon wedi eu cyflwyno a’u hamddiffyn yn rhesymegol •Dim gwallau ffeithiol/cyfrifiannol a pherfformiad sy’n argyhoeddi •Dehongliad gwreiddiol •Datblygu cysylltiadau newydd rhwng pynciau •Sgiliau grŵp cryf •Cyflwyniad ardderchog gyda chyfathrebu manwl gywir

Learning Outcomes

• Adnabod a thrafod y strategaethau damcaniaethol ac ymarferol sy’n amlwg ar hyn o bryd o fewn ymarfer theatr cyfoes.

• Cwblhau ymchwiliad annibynnol, ar sail ymchwil, i oleuo gwaith ysgrifenedig ac ymarferol.

• Cymryd rhan mewn cyfnod estynedig o archwilio ar sail ymarfer i gynorthwyo wrth greu perfformiad gwreiddiol.

• Wedi ymgymryd â'r sgiliau, dulliau gweithio a chamau gweithredu priodol sydd eu hangen wrth wneud gwaith perfformio.