Ymunwch â ni ar gyfer Darlith Flynyddol yr Archifdy nos Fercher, 5 Hydref am 5.30pm.
Eleni, byddwn yn cymryd golwg o'r newydd ar Ifor Williams 1881-1965 yng nghwmni'r Athro Marged Haycock.
Mae'r ddarlith hon yn seiliedig ar waith ymchwil a wnaethpwyd gan yr Athro Marged Haycock yn ddiweddar ar Bapurau Ifor Williams sydd yng ngofal Archifdy Prifysgol Bangor.
Gŵr o Dregarth oedd Syr Ifor, a ddaeth yn Athro Cymraeg yng Ngholeg Prifysgol Gogledd Cymru.
Bydd y ddarlith hon yn cael ei thraddodi yn Gymraeg yn Narlithfa Eric Sunderland (MALT), Prif Adeilad, Prifysgol Bangor.
Croeso i bawb. Nid oes angen archebu lle o flaen llaw, ac mae'r digwyddiad yn rhad ac am ddim.
