Croeso gan Bennaeth Ysgol y Gyfraith Gogledd Cymru
Mae'n bleser dy groesawu i Ysgol y Gyfraith Gogledd Cymru.
Mae'r Ysgol yn dwyn ynghyd y Gyfraith, Troseddeg, Plismona a Chymdeithaseg i dy helpu i ddeall y berthynas rhwng y gyfraith, cyfiawnder a chymdeithas.
Byddwch yn dysgu gan arbenigwyr y mae eu hymchwil yn llywio polisïau ac arferion proffesiynol mewn meysydd megis hawliau dynol, diogelwch, mynediad at gyfiawnder a thechnolegau newydd. Drwy'r dull hwn, byddwch yn ymgysylltu â datblygiadau cyfoes ym meysydd y gyfraith a chyfiawnder, gan ddatblygu'r hyder i feddwl yn feirniadol, dadansoddi materion cymhleth a ffurfio eich safbwyntiau eich hun.
Cei ddysgu gan arbenigwyr y mae eu hymchwil yn llywio polisi ac ymarfer proffesiynol, gan gynnwys mewn meysydd megis hawliau dynol, diogelwch, mynediad at gyfiawnder a thechnolegau newydd. Drwy’r dull hwn, byddi’n ymgysylltu â materion a datblygiadau cyfoes o ran y gyfraith a chyfiawnder, wrth feithrin yr hyder i feddwl yn feirniadol, dadansoddi materion cymhleth a datblygu dy safbwyntiau dy hun.
Credwn fod addysg ragorol yn cyfuno trylwyredd academaidd â phrofiad ymarferol. Byddi’n cael dy gefnogi i ddatblygu'r sgiliau, yr hyder a'r profiad a fydd yn sylfaen i dy yrfa yn y dyfodol. P’un a wyt yn awyddus i ddilyn gyrfa ym maes y gyfraith, cyfiawnder troseddol, plismona, gwasanaeth cyhoeddus, polisi neu ystod eang o broffesiynau eraill, byddi’n graddio â sgiliau dadansoddi, cyfathrebu a datrys problemau sy’n cael eu gwerthfawrogi’n fawr gan gyflogwyr. Cei hefyd gyfleoedd i roi dy ddysgu ar waith drwy fentrau megis ein Clinig Cyngor Cyfreithiol arbennig, a thrwy bartneriaethau â sefydliadau proffesiynol, gan gynnwys Heddlu Gogledd Cymru a'r Gwasanaeth Prawf.
Byddi’n ymuno â chymuned gefnogol a chynhwysol, a bydd staff yn gweithio’n agos gyda thi i gefnogi dy ddatblygiad ac i dy annog i gyflawni dy botensial. Mae astudio ym Mangor yn golygu y byddi yng nghanol gogledd Cymru, mewn Prifysgol sydd wedi gweithio ochr yn ochr â chymunedau lleol, sefydliadau proffesiynol a gwasanaethau cyhoeddus ers 1884. Mae'r cysylltiadau hyn yn rhoi’r cyfle i ti ennill profiad, meithrin rhwydweithiau a deall effaith dy astudiaethau yn y byd go iawn.
Mae dewis astudio drwy gyfrwng y Gymraeg yn golygu y byddi’n cael cyfleoedd i ddysgu mewn amgylchedd dwyieithog ac elwa ar gefnogaeth staff Cymraeg eu hiaith, sy’n adlewyrchu ein hymrwymiad i gefnogi dyfodol dwyieithog Cymru.Dyma gyfnod cyffrous i fod yn rhan o Ysgol y Gyfraith Gogledd Cymru. Cymera gip ar ein rhaglenni israddedig, ôl-raddedig ac ymchwil, i weld y cyfleoedd sydd ar gael i dy helpu i gyflawni dy uchelgais.
Dr Hayley Roberts, Pennaeth yr Ysgol
Archwilia ein Meysydd Pwnc
Dyma'r meysydd pwnc israddedig sydd ar gael o fewn yr ysgol:
Dyma'r meysydd pwnc israddedig sydd ar gael o fewn yr ysgol:
Dyma'r meysydd pwnc sydd yn cynnig cyfleoedd ôl-raddedig trwy ddysgu o fewn yr ysgol:
Dyma'r meysydd pwnc sydd yn cynnig cyfleoedd ôl-raddedig trwy ddysgu o fewn yr ysgol:
Mae cyfleoedd i astudio cyrsiau ymchwil ôl-raddedig yn y meysydd pwnc canlynol o fewn yr ysgol:
Mae cyfleoedd i astudio cyrsiau ymchwil ôl-raddedig yn y meysydd pwnc canlynol o fewn yr ysgol:
Dewch i Ddiwrnod Agored
Ymunwch â ni ar Ddiwrnod Agored - dyma'r ffordd orau i weld beth sydd gan Brifysgol Bangor i'w gynnig.