Trwydded Parcio Myfyrwyr

Mae angen trwydded barcio ar unrhyw un sy'n dymuno parcio ym meysydd parcio'r brifysgol ym Mangor, Porthaethwy a Wrecsam.

Mae lleoedd parcio i fyfyrwyr ar gael ar draws yr ystad a chaiff trwyddedau parcio i fyfyrwyr eu dyrannu naill ai ar sail lle rydych chi’n byw neu lle rydych chi’n astudio.

Sylwch nad oes modd i fyfyrwyr barcio ym mhob un o feysydd parcio’r brifysgol.  

Os ydych yn ddeiliad bathodyn glas neu'n fyfyriwr ag anawsterau symud, anfonwch e-bost at Ymgynghorydd Gwasanaethau Anabledd yn yr adran Gwasanaethau Myfyrwyr gwasanaethanabledd@bangor.ac.uk i gael cyngor ar ba drwydded sydd ei hangen arnoch.

Nid yw’r ffaith bod trwydded wedi ei rhoi yn gwarantu y bydd lle parcio ar gael i ddeiliad y drwydded. Pan fyddwch yn gwneud cais am drwydded, byddwch yn cytuno i gadw at reoliadau parcio Prifysgol Bangor. Gellir cosbi perchnogion cerbydau sydd wedi parcio mewn ardaloedd nad oes ganddynt hawl i barcio ynddynt. 

Trwyddedau Parcio Myfyrwyr sydd ar gael

Os ydych yn byw mewn Neuaddau, gallwch brynu trwydded a fydd yn eich galluogi i barcio ar safle eich neuadd breswyl yn unig. Trwyddedau Ffriddoedd a Santes Fair yw’r opsiynau sydd ar gael.

Mae angen trwydded gymudo i barcio ar gampws Bangor. Mae’r trwyddedau hyn wedi’u cyfyngu i feysydd parcio dynodedig ac nid o reidrwydd gerllaw man astudio deiliad y drwydded. Os oes lle, gellir defnyddio’r trwyddedau hyn hefyd i barcio ar safleoedd Ffriddoedd a Santes Fair yn ystod y dydd. Ni ellir defnyddio trwyddedau cymudo ym Mhorthaethwy.

Gall unrhyw un sydd â'r rhan fwyaf o'u darlithoedd yng Ngwyddorau Eigion ym Mhorthaethwy brynu un o'r trwyddedau hyn. Gellir defnyddio'r trwyddedau hyn hefyd yn y meysydd parcio cymudo ar gampws Bangor.

Mae'n ofynnol i unrhyw un sy'n astudio ar gampws Wrecsam brynu trwydded parcio Wrecsam.

Os ydych yn ddeiliad bathodyn glas neu'n fyfyriwr ag anawsterau symud, anfonwch e-bost at Ymgynghorydd Gwasanaethau Anabledd yn yr adran Gwasanaethau Myfyrwyr gwasanaethanabledd@bangor.ac.uk i gael cyngor ar ba drwydded sydd ei hangen arnoch.

 

Gwneud cais am Drwydded Parcio

  • Cofiwch sicrhau eich bod yn nodi eich cyfeiriad post llawn a'ch rhif cofrestru myfyriwr ar y cais.
  • Caniatewch saith diwrnod gwaith i ni brosesu eich cais.

Hyd nes bod y brifysgol yn cwblhau adolygiad o’r taliadau parcio, mae’r trwyddedau parcio i’w cael yn rhad ac am ddim ar hyn o bryd. Trefniant dros dro yw hwn a bydd taliadau parcio yn cael eu hadfer yn y misoedd nesaf.  Bydd manylion llawn yn cael eu rhannu gyda chi mewn da bryd.

Gwneud cais am drwydded parcio

It looks like you’re visiting from outside the UK, would you like to be redirected to the international page?

Yes, take me to the International page. No, I want to stay on the current page.