Myfyrwyr Anabl
Rydym yn sylweddoli y gall y term 'anabledd' ddisgrifio amrywiaeth eang o amhariadau corfforol a synhwyraidd gan gynnwys cyflyrau iechyd hirdymor, gwanhaniaethau dysgu penodol ac anawsterau iechyd meddwl. Ein hamcan yw sicrhau bod yr holl fyfyrwyr yn teimlo eu bod yn cael eu gwerthfawrogi'n gyfartal ac yn gallu cymryd rhan yng nghymuned ein prifysgol ac rydym felly yn darparu llawer o weithgareddau sy'n hyrwyddo cynhwysiant.
Gwasanaethau Anabledd
Rydym yn hefyd cydnabod bod gan bawb yr hawl i gael mynediad at bob cyfle sydd ar gael iddynt, waeth fod ganddyn nhw amhariad corfforol neu synhwyraidd. Mae'r Gwasanaeth Anabledd yma i roi cyngor ac arweiniad am nifer o faterion sy'n gysylltiedig ag anabledd ac i helpu myfyrwyr anabl i gael eu cynnwys yn llawn o fewn y gymuned academaidd a chymdeithasol.
Ewch i wefan y Gwasanaethau Anabledd i gael rhagor o wybodaeth am sut i gael mynediad at eu gwasanaethau.
E-bost: gwasanaethanabledd@bangor.ac.uk
Ffôn: 01248 383620 / 382032
Y Gwasanaeth Lles
Mae'r Gwasanaeth Lles yn rhan o'r Gwasanaeth Cefnogaeth a Lles Myfyrwyr yn y Gwasanaethau Myfyrwyr. Mae'r gwasanaeth yn cynnig Cwnsela, Cyngor ar Iechyd Meddwl, Trais Rhywiol a Chefnogaeth Aflonyddu a chyngor ar faterion sy'n ymwneud a Chydraddoldeb ac Amrywiaeth Myfyrwyr.
Ebostiwch y gwasanaethlles@bangor.ac.uk i drefnu apwyntiad.
Gweithgareddau a Chyfleoedd
Interniaethau sydd ar gael i fyfyrwyr anabl
Mae Prifysgol Bangor yn cynnig interniaethau yn yr haf i fyfyrwyr anabl sydd wedi cofrestru gyda’r Gwasanaethau Anabledd. Mae'r interniaethau ar gael ar draws nifer o adrannau ac ysgolion yn y Brifysgol. Maent yn gyfleoedd gwych i wella eich sgiliau cyflogadwyedd ac yn fodd o ennill profiad gwaith a fydd yn eich gwneud yn fwy cyflogadwy. Gweler ein gwefan Gyrfaoedd a Chyflogadwyedd i gael rhagor o wybodaeth.
E-bost: gyrfaoedd@bangor.ac.uk
Ffôn: 01248 382071
Cyngor Undeb Bangor - Cynghorwr Myfyrwyr Anabledd
Cyngor Undeb Bangor yw'r corff o fewn Undeb y Myfyrwyr sy'n bodoli i drafod syniadau'n ymwneud â'i bolisïau, ymgyrchoedd a gweithgaredd gwleidyddol, syniadau'n ymwneud â'i gyfleoedd neu i ddatblygu profiad myfyrwyr ym Mangor. Mae'n fforwm hefyd lle gall myfyrwyr Bangor ddal eu swyddogion undeb etholedig a'u cynghorwyr i gyfrif.
Mae'r cyngor yn cynnwys aelodau o blith y myfyrwyr sy'n cyflawni nifer o swyddogaethau arbenigol, yn cynnwys Cynghorwr Undeb Bangor i Fyfyrwyr Anabl. Os oes gennych ddiddordeb dod yn Gynghorwr yn Undeb Bangor,cysylltwch a undeb@undebbangor.com
Cysylltu@Bangor
Os ydych yn wynebu rhwystrau wrth geisio ymuno â bywyd myfyrwyr, gallai Cyslltu@Bangor helpu. Mae rhai myfyrwyr o Brifysgol Bangor yn gwirfoddoli i fod yn ffrindiau i unrhyw un sydd eisiau help i gymryd rhan mewn bywyd myfyrwyr, p'un ai bod hynny drwy glybiau a chymdeithasau, siopa, ymweld â'ch meddyg teulu neu ddim ond mynd am baned.
Am ragor o wybodaeth ynglŷn â gwneud cais am y gwasanaeth hwn, a gwybodaeth am ein gwirfoddolwyr presennol, ewch i wefan Undeb y Myfyrwyr.
E-bost: connect@undebbangor.com
Ffôn: 01248 388000
Gwybodaeth Bellach
'No Place for Hate: Disability', adroddiad a gyhoeddwyd gan yr UCM n 2012 yn ymchwilio i droseddau casineb sy'n gysylltiedig ag anabledd.
Mae gwefan Disability Rights UK yn cynnig taflenni ffeithiau a chanllawiau addysgol.
Rydym wedi ymrwymo i hyrwyddo amgylchedd diogel a chefnogol ac rydym yn gwerthfawrogi profiadau myfyrwyr anabl yn ein cymuned. Mae hyn wedi'i gynnwys yn ein polisi Polisi Aflonyddu Myfyrwyr. Ewch i'n gwe-dudalen Rhannu a Chefnogwch am ragor o wybodaeth.