Trais Rhywiol, Aflonyddu a Throseddau Casineb - Rhannu a Chefnogaeth

Mae Prifysgol Bangor wedi ymrwymo i ddarparu amgylchedd diogel a chefnogol lle caiff pob myfyriwr ei drin ag urddas a pharch er mwyn i chi allu byw ac astudio mewn amgylchedd cefnogol, sy’n eich galluogi i fod yn chi eich hun, i fanteisio ar bob cyfle ac i gyrraedd eich potensial llawn.

Credwn na ddylai unrhyw fyfyriwr brofi trais rhywiol, aflonyddu na throseddau casineb o unrhyw fath ac nad yw hynny’n rhan arferol o brofiad myfyrwyr. Rydym yn cymryd pob adroddiad o ddifrif ac mae ein ‘Polisi Goddef Dim Aflonyddu’ a’n ‘Polisi Trais Rhywiol’ yn hyrwyddo diogelwch a lles ein holl fyfyrwyr.

Os ydych chi’n profi unrhyw fath o drais rhywiol, aflonyddu neu droseddau casineb, gallwn ddarparu lle diogel a chyfrinachol i chi, lle na chewch eich barnu, er mwyn siarad am beth sydd wedi digwydd a byddwn yn eich cefnogi i symud ymlaen ym mha bynnag ffordd y teimlwch chi sydd orau i chi.