Cadwraeth

Mae'r byd yn wynebu argyfyngau natur a hinsawdd cyd-gysylltiedig. Mae gan gadwraeth ac adfer ecosystemau cydnerth ran ganolog i'w chwarae wrth fynd i'r afael â'r ddau. Mae Prifysgol Bangor yn arwain y byd mewn ymchwil yn y maes hwn. Rydym wedi ein hymrwymo i hyfforddi’r genhedlaeth nesaf o wyddonwyr cadwraeth, ymarferwyr a llunwyr polisi fydd yn mynd ymlaen i wneud gwahaniaeth.

Ein hymchwil 

Mae ein hymchwil hynod ryngddisgyblaethol yn y maes hwn yn dod â disgyblaethau amrywiol ynghyd fel ecoleg, gwyddor system tir, eigioneg, synhwyro anghysbell, ffisioleg, ymddygiad, coedwigaeth, economeg a pholisi.

Rydym yn cynnal ymchwil flaengar mewn ystod lawn o gynefinoedd daearol a morol, o ranbarthau pegynol i'r trofannau. Mae ein hymchwil yn ddylanwadol iawn. Er enghraifft, cyfrannodd ein hymchwil ar effeithiau Pysgota Gwaelod Symudol, datblygu amaeth-goedwigaeth, a lleihau costau cymdeithasol cadwraeth mewn gwledydd incwm isel sydd wedi cyfrannu i Brifysgol Bangor yn cael y safle cyntaf yn y DU am effaith ein hymchwil gwyddor ar yr amgylchedd yn Fframwaith Rhagoriaeth Ymchwil 2021.

Cyfleusterau o’r radd flaenaf

Mae ein cyfleusterau ymchwil yn yr ardal yma o’r radd flaenaf ac yn cynnwys ein llong ymchwil ar y môr y Prince Madog, fferm ymchwil Henfaes, a Gerddi Botaneg Treborth.

Mwy o wybodaeth am ein hymchwil.