Gwasanaethau Myfyrwyr (Neuadd Rathbone, Ffordd y Coleg): am ymholiadau lles cyffredinol, ac ymholiadau penodol ar faterion arian, cwnsela, iechyd myfyrwyr, sgiliau astudio, materion anabledd, llety sector preifat, gyrfaoedd a gwaith cyflogedig rhan-amser, a gwybodaeth am dîm Caplaniaeth y Brifysgol. Am fwy o wybodaeth cysylltwch â ni ar 01248 382024 neu ewch i wefan Gwasanaethau Myfyrwyr.

Mae'r Gwasanaeth Cyflogadwyedd yn cynnig cyngor gyrfaol; arweiniad a gwybodaeth; gweminarau a gweithdai rheoli gyrfa a datblygu sgiliau; cyflwyniadau gan gyflogwyr a graddedigion diweddar; interniaethau a chyfleoedd i wneud profiad gwaith; porth chwilio am swydd a rheoli gyrfa pwrpasol (Bangor TARGETconnect); profion recriwtio ar-lein a meddalwedd ymarfer cyfweld; gweithgareddau a chefnogaeth sgiliau menter. 

Am fwy o wybodaeth cysylltwch â gyrfaoedd@bangor.ac.uk, ffoniwch 01248 382071 neu ewch i'r Hwb Cyflogadwyedd yn FyMangor.

Gall y Ganolfan Sgiliau Astudio eich helpu i gael y budd mwyaf posib o’ch astudiaethau. Mae’r gefnogaeth sydd ar gael yn cynnwys: apwyntiad unigol gyda chynghorydd astudio neu fyfyrwyr sydd wedi’u hyfforddi fel mentoriaid ysgrifennu; gwasanaeth ymgynghorol mathemateg ac ystadegau; gweithdai sgiliau astudio, a chanllawiau astudio ar-lein. Am fwy o wybodaeth ewch i: www.bangor.ac.uk/gyrfaoedd.

Mae Gwasanaethau Anabledd yn cynnig ystod o gefnogaeth i fyfyrwyr, gan gynnwys cyflyrau iechyd parhaus, anawsterau dysgu penodol a phroblemau iechyd meddwl. Rhoddir cefnogaeth ychwanegol i fyfyrwyr sydd angen addasiadau rhesymol o ganlyniad i anabledd drwy Gynllun Cefnogi Dysgu Personol (CCDP).

E-bost: gwasanaethanabledd@bangor.ac.uk

Fideos

Darganfyddwch fwy am y gefnogaeth rydym yn ei gynnig

Dyslecsia - Darganfyddwch fwy am y gefnogaeth rydym yn ei gynnig

Mae'r Tîm Lles yn rhan o'r Gwasanaeth Cefnogaeth a Lles Myfyrwyr yn y Gwasanaethau Myfyrwyr. Mae'r tîm yn cynnig Cwnsela, Cyngor ar Iechyd Meddwl, Trais Rhywiol a Chefnogaeth Aflonyddu a chyngor ar faterion sy’n ymwneud â Chydraddoldeb ac Amrywiaeth Myfyrwyr. 

Mae'r Swyddfa Gefnogi Myfyrwyr Rhyngwladol yn cynnig cyngor ac arweiniad i fyfyrwyr rhyngwladol a'u teuluoedd ynglŷn ag unrhyw agwedd ar fyw ac astudio ym Mangor. Mae cefnogaeth ar gael, felly, o’r funud rydych yn derbyn eich lle tan y byddwch yn graddio.  

Am fwy o wybodaeth, cysylltwch â’r Swyddfa Gefnogi Myfyrwyr Rhyngwladol, Neuadd Rathbone, Ffordd y Coleg ar 01248 382882, anfonwch e-bost i ni yn: internationalsupport@bangor.ac.uk neu ewch i'r wefan neu ewch i weld cyfrif Bangor University International ar Facebook ac Instagram.  

Mae yna bethau pwysig sy’n rhaid i chi eu gwneud pan gyrhaeddwch Fangor, a gallwn eich cynorthwyo gyda'r pethau ymarferol hyn. Dyma restr wirio.

Gwasanaeth Llyfrgell ac Archifau

Rydym yma i wella bywyd myfyrwyr; mae bywyd prifysgol yn cynnig profiad cyfoethog, ond gall llawer ei gael yn amgylchedd heriol ac mae angen cefnogaeth ychwanegol ar bob un ohonom ar brydiau. Rydym eisiau i chi deimlo eich bod wedi’ch cysylltu, yn ddiogel, ac yn cael cefnogaeth, gan roi sylw i bob cam o'ch taith fel myfyrwyr, a sicrhau eich bod yn cael mynediad at wasanaethau agored a chroesawgar.

• Rydyn yn cefnogi myfyrwyr yn rhagweithiol trwy godi ymwybyddiaeth am wasanaethau cefnogi perthnasol a’u cyfeirio atynt yn effeithiol.
• Rydym yn darparu cyngor a chefnogaeth academaidd broffesiynol a chyfrinachol i fyfyrwyr ac yn gwneud pob ymdrech i hyrwyddo'r gwasanaeth i bob myfyriwr gan gynnwys myfyrwyr ôl-raddedig.
• Rydym yn parhau i weithio gyda'r brifysgol i sicrhau bod y Strategaeth Iechyd Meddwl dan Arweiniad Myfyrwyr a'r Strategaeth Iechyd a Lles yn cael eu cyflawni, gan sicrhau bod iechyd meddwl a lles myfyrwyr yn flaenoriaeth.
• Rydym yn gweithio gyda'r brifysgol i ddatblygu ein rhwydweithiau cefnogaeth gyfoed fel Cyswllt@Bangor ymhellach i'ch helpu i wneud ffrindiau ac i gefnogi eich iechyd meddwl.
• Mae ein myfyrwyr yn cael eu cefnogi i warchod a chryfhau eu hiechyd a'u lles, a’n bod yn gweithio gyda'r brifysgol i gynnig addysg a hyfforddiant i'n harweinwyr myfyrwyr ar sut i adnabod ac ymateb i bryderon iechyd meddwl a lles eu cyfoedion.

Un o'n rhwydweithiau cymorth cyfoedion i fyfyrwyr yw Cyswllt@Bangor sy'n canolbwyntio ar hyrwyddo perthnasoedd cadarnhaol gan gyfoedion, iechyd meddwl a chefnogaeth lles i fyfyrwyr y tu mewn a thu allan i gampws y brifysgol a dyma sydd ganddyn nhw i'w gynnig:

• Bob dydd Mercher am 1pm rydym yn cynnal Sesiynau Galw Heibio Cyswllt@Bangor a gynhelir yn Undeb y Myfyrwyr ac ar-lein lle gallwch ymuno â thrafodaethau grŵp gyda’r Cynghorwyr Iechyd Meddwl a Cyswllt@Bangor i siarad am bob agwedd ar lesiant. I ymuno â'r sesiynau hyn cysylltwch â svbconnect@undebbangor.com
• Mae'r Cynllun Bydi Lles yn cysylltu myfyrwyr, gyda gwirfoddolwyr a ddewiswyd yn ofalus, i fod yn gyfaill i'ch lles. Bydd y bydis yn eich cefnogi chi fel ffrind ac yn cefnogi agweddau cymdeithasol bywyd prifysgol. E-bostiwch svbconnect@undebbangor.com i gael mwy o wybodaeth.
• Mae Cerdded a Sgwrsio yn trefnu teithiau cerdded wythnosol o amgylch Bangor. Mae hon yn ffordd wych o weld yr ardal leol, cwrdd â phobl newydd, ac mae cerdded yn ffordd wych o wella'ch lles. I gofrestru, e-bostiwch walkandtalk@undebbangor.com

Rydym hefyd yma i sicrhau bod barn a diddordebau holl fyfyrwyr Prifysgol Bangor yn cael eu cynrychioli a'u clywed, a chyflawnir hyn mewn sawl ffordd o System Cynrychiolwyr Cwrs Undeb Bangor, i gyngor academaidd un i un, Cyngor Undeb Bangor, a Eich Syniadau.

Rydyn ni yma i'ch cefnogi chi, os oes gennych chi unrhyw gwestiynau, cysylltwch â undeb@undebbangor.com ac i gael mwy o wybodaeth edrychwch ar ein gwefan.

Gwrando - Gweddi - Addoli - Trafodaeth - Croeso - Cwestiynau - Ffydd - Gofal Bugeiliol - Cefnogaeth - Dm Ffydd - Cyfeiliant - Mae caplaniaeth yma i chi

Mae Tîm y Gaplaniaeth ym Mhrifysgol Bangor yn gysylltiedig â'r Gwasanaethau Myfyrwyr ac yn gweithio â hwy i gynnig gofal a chefnogaeth fugeiliol, ar sail aml-ffydd, i fyfyrwyr a staff y brifysgol. Mae'r tîm, sy'n perthyn i wahanol draddodiadau ffydd, yn cyfarfod yn rheolaidd i sicrhau dull cydlynol o ymdrin â materion ffydd, gan barchu'r un pryd y gwahanol ddaliadau a thraddodiadau a goleddir gennym.

Os ydych yn grediniwr efallai yr hoffech gysylltu ag aelod o dîm y Gaplaniaeth, sydd o'r un cefndir ffydd â chi, a all eich cyflwyno i'r hyn sydd ar gael i chi yma ym Mangor.

Gobeithio y gwnewch chi fwynhau'r fideo bach yma - 'Tîm Caplaniaeth - Y Ffilm' fel cyflwyniad i'r Tîm a beth rydyn ni'n ei gwneud.

Ebostiwch: caplaniaeth@bangor.ac.uk
Cwrdd ar Tîm y Gaplaniaeth
www.bangor.ac.uk/faith/index.php.cy

Os ydych chi’n byw mewn neuadd y Brifysgol, gall y Swyddfeydd Neuaddau, wedi’u lleoli ym Mhentrefi Ffriddoedd a’r Santes Fair, eich helpu gyda’r holl ymholiadau’n ymwneud â neuaddau. Ffonio’r Swyddfa Neuaddau ar 01248 382667 neu ebostio: neuaddau@bangor.ac.uk

Os ydych chi’n chwilio am lety yn y sector preifat, cysylltwch â’r Swyddfa Tai Myfyrwyr yng Ngwasanaethau Myfyrwyr ar 01248 382034 neu ebostiwch taimyfyrwyr@bangor.ac.uk.

Mae gan y Brifysgol system cefnogaeth lles Uwch Wardeiniaid a Mentoriaid Preswyl yn y neuaddau. Gall myfyrwyr ofyn am gyngor a chefnogaeth am unrhyw ofid sydd ganddynt gan y Tîm Mentoriaid. Gallent gysylltu â’r tîm drwy’r Swyddfa Neuaddau yn ystod oriau’r swyddfa: 9.00am-5.00pm, Llun- Gwener. Y tu allan i oriau’r swyddfa, dylai myfyrwyr gysylltu â Phorthorion y Brifysgol ar 01248 382795 neu estyniad 2795. Ceir mwy o wybodaeth am y system cefnogaeth lles ar y wefan.

Fel myfyriwr isradd newydd, bydd aelod staff academaidd yn cael ei bennu’n Diwtor Personol i chi. Bydd eich tiwtor yn aelod o’r staff academaidd yn yr Ysgol yr ydych yn astudio ynddi (neu un o’r Ysgolion yn achos myfyrwyr Cyd-Anrhydedd).

Fel rheol, eich tiwtor yw eich pwynt cyswllt cyntaf, a disgwylir i chi weld eich Tiwtor o leiaf dair gwaith y flwyddyn i drafod lles a materion academaidd yn ymwneud â’ch cynnydd. Po fwyaf y byddwch yn cadw mewn cysylltiad â’ch tiwtor, po fwyaf y byddant yn gallu’ch cynghori a’ch cynorthwyo.

Os nad yw eich cyllid myfyriwr wedi cyrraedd 5 diwrnod ar ôl cofrestru neu os oes gennych unrhyw gwestiynau ariannol eraill - cysylltwch â'n hymgynghorwyr ariannol ar cymorthariannol@bangor.ac.uk  neu ffoniwh 01248 383566.

Ydych chi'n cael trafferth ymgartrefu neu'n teimlo nad yw pethau fel roeddech chi'n eu disgwyl ym Mangor? Siaradwch ag un o'n hymgynghorwyr myfyrwyr ar cefnogimyfyrwyr@bangor.ac.uk neu ffoniwch 01248 382072.

Canolfan Bedwyr a Changen Bangor o’r Coleg Cymraeg Cenedlaethol

Canolfan Bedwyr yw Canolfan Gwasanaethau, Technoleg ac Ymchwil Cymraeg Prifysgol Bangor. Y ganolfan hefyd yw cartref Cangen Bangor o’r Coleg Cymraeg Cenedlaethol.

Cysylltwch â ni os hoffech wybodaeth ynglŷn â:

• cyfleoedd astudio drwy’r Gymraeg,
• cefnogaeth i wella eich sgiliau iaith Cymraeg
• adnoddau cyfrifiadurol ar gyfer y Gymraeg.

Mae tiwtoriaid iaith y ganolfan yn cynnig modiwlau i wella sgiliau ysgrifennu a sgiliau cyflwyno yn y Gymraeg ac i roi hyder i chi ddefnyddio termau pwnc arbenigol yn y Gymraeg. Mwy o wybodaeth...

Mae’r tîm hefyd yn cynnig hyfforddiant ar gyfer eich paratoi i sefyll arholiad Tystysgrif Sgiliau Iaith y Coleg Cymraeg Cenedlaethol.

Mae’n bosib i chi gyflwyno eich gwaith yn y Gymraeg, hyd yn oed os nad yw eich darlithydd yn siarad Cymraeg, gan fod tîm cyfieithu Canolfan Bedwyr yn cyfieithu traethodau ac arholiadau yn ogystal â chynnig gwasanaeth cyfieithu ar y pryd ar gyfer cyflwyniadau myfyrwyr.

Mae croeso i fyfyrwyr gysylltu gyda’r Ganolfan ar canolfanbedwyr@bangor.ac.uk neu drwy e-bostio Swyddog Cangen Bangor o’r Coleg Cymraeg Cenedlaethol, Lois Roberts, l.a.roberts@bangor.ac.uk.

• Gwasanaethau Myfyrwyr 01248 382024
• Derbynfa Undeb y Myfyrwyr 01248 388000
• Cyngor Ariannol 01248 383566 
• Gwasanaethau Gwelliant Lles 01248 388520
• Gwasanaeth Anabledd 01248 382032
• Swyddfa Tai Myfyrwyr 01248 382034
• Gwasanaeth Cyflogadwyedd 01248 382071
• Myfyrwyr Rhyngwladol 01248 382882
• Swyddfa Neuaddau 01248 382667
• Llyfrgell 01248 382981
• Canolfan Bedwyr 01248 383293