Bioleg Môr

Ynglŷn â Bioleg Môr

Cefnfor yw'r rhan fwyaf o wyneb y Ddaear, sy'n gartref i amrywiaeth helaeth o fywyd, o'r plancton lleiaf i famaliaid carismatig fel morfilod a dolffiniaid. Tarddodd bywyd yn y cefnfor ac mae bywyd wedi esblygu a rhyngweithio â'r Ddaear, ei chefnfor a'i hinsawdd dros y 3.5 biliwn o flynyddoedd diwethaf.

Mae'r cefnfor wedi dylanwadu fwyfwy ar fodau dynol. Mae ei ddyfroedd a gwely'r môr yn llawn adnoddau ffisegol a biolegol. Mae’n darparu cyflogaeth i filiynau o bobl, yn gweithredu fel llwybr cludiant i lawer o fasnach y byd, ac yn derbyn symiau helaeth o wastraff. Ond yn fwy na dim o bosib, mae’n ysbrydoli’n hawydd am antur a dychymyg.

Yma ym Mhrifysgol Bangor, mae Bioleg Môr wedi cael ei ddysgu ers bron i 100 mlynedd. Rydym yn unigryw yn yr ystyr ein bod yn cynnwys astudiaeth o bob elfen o amgylchedd môr y byd, o aberoedd ac arfordiroedd i ddyfnderoedd y cefnfor. Mae Gwyddorau'r Eigion yn cynnwys rhoi ystod o ddisgyblaethau gwyddonol arbenigol ar waith (bioleg, cemeg, daeareg, mathemateg, ffiseg) er mwyn arsylwi a deall y prosesau amrywiol a chymhleth yn aml sy'n rheoli'r system Daear-Cefnfor-Atmosffer. Rydym yn dwyn ynghyd arbenigedd mewn Bioleg Môr gyda geneteg, modelu rhifiadol a synhwyro o bell.

Mae ein lleoliad unigryw rhwng môr a mynydd, a'n cyfleusterau, sy'n cynnwys llong ymchwil gyda'r holl offer priodol, ynghyd â dros 50 mlynedd o brofiad mewn ymchwil ac addysgu sydd gyda'r gorau yn y byd ar draws ystod lawn gwyddorau’r eigion, yn ein gwneud ni'n un o'r prifysgolion mwyaf poblogaidd yn y Deyrnas Unedig i astudio Bioleg Môr.

Bangor University's Prince Madog research vessel with Snowdonia mountains in the background

Students socialising with the Menai Suspension Bridge in the background

Pam Astudio Bioleg Môr?

Mae'r cynnydd ym mhoblogaeth y byd, ynghyd â heriau a achosir gan newid yn yr hinsawdd, yn rhoi pwysau cynyddol ar adnoddau'r Ddaear. Mae gan Fiolegwyr Môr rôl allweddol i'w chwarae yn natblygiad adnoddau bwyd cynaliadwy yn y dyfodol yn erbyn cefndir o newid yn yr hinsawdd a lefelau cynyddol o wastraff.

Gyda'i gilydd, mae pysgodfeydd sy'n dal o'r gwyllt a dyframaethu yn cynhyrchu ~200 miliwn tunnell o fwyd y flwyddyn, gyda photensial mawr i ehangu. Fel Biolegydd Môr, byddwch yn meithrin y wybodaeth a'r sgiliau i reoli'r adnoddau pwysig hyn, a sicrhau eu bod yn cael eu rheoli mewn ffordd gynaliadwy fel bod yr amgylchedd naturiol yn cael ei warchod.

Trwy astudio Bioleg Môr, byddwch yn meithrin y sgiliau gwerthuso beirniadol i nodi a diffinio problemau, a'r sgiliau dadansoddi i allu dod o hyd i atebion.

Rydym yn un o'r canolfannau prifysgol mwyaf sy'n dysgu gwyddorau môr ym Mhrydain.
Mae gennym long ymchwil fordwyol gwerth £3.5m, a thair llong lai ar y glannau.
Mae ein cyfleusterau rhagorol yn cynnwys acwaria môr trofannol a thymherus, labordai dadansoddol, efelychwyr cludo llif a gronynnau a galluoedd cyfrifiadurol.

Mae gennym fynediad heb ei ail i'r môr a'r glannau, sy'n ddelfrydol ar gyfer gwneud gwaith arbrofol yn yr amgylchedd rhynglanwol.

Mae'r addysgu a'r cyrsiau y mae Bangor yn eu cynnig heb eu hail.

Myfyrwyr Gwyddorau Naturiol Prifysgol Bangor ar gwch rib gyda Steve Backshall

Fideo: 'Y ddarlith orau erioed!' - gyda Steve Backshall

[0:03] Mor, mor gyffrous! Mae hi’n grêt cwrdd gyda Steve! Mae’n gyfle mor grêt i hyd yn oed cael gweld

[0:09] y Fenai mewn ffordd wahanol hefyd.

[0:12] Un o’r rhesymau i mi ddewis dod i Fangor oedd i gael bod mewn ardal fel hon,

[0:16] Does dim ffordd well o dreulio’r prynhawn i ddweud y gwir!

[0:23] Rydym yn mynd allan i’r afon Menai Fenai ac yna i Ynys Seiriol gyda chriw o fyfyrwyr gwyddorau naturiol

[0:28] i gael blas o’r gorau sydd gan yr ardal yma i’w chynnig.

[0:47] Wel, hyd yma rydym wedi gweld y gorau o’r bywyd gwyllt o’r rhan yma o’r byd, yn enwedig yr adar.

[0:53] Mae’r ysgafelloedd yn dew, bron i bob centimedr, wedi ei orchuddio gyda heligogod, gwylanod

[0:59] ac rydym wedi gweld mulfrain gwyn ac wrth gwrs y palod (puffins).

[01:02] Mae’n debyg mai dyma pam wnes i benderfynu creu perthynas gyda Bangor.

[01:06] Oherwydd yr hyn rydych yn ei weld yn y fan yma. Gall unrhyw sefydliad fuddsoddi mewn isadeiledd.

[01:11] Gall unrhyw sefydliad gael adeiladau mwy, neu gael mwy o addysgu.

[01:14] Ond does dim buddsoddiad yn y byd all gael hyn.

[01:18] Hyn ar ein trothwy, sy'n gwneud Bangor y lle gorau i astudio’r gwyddorau naturiol.

[01:30] Mae’n wych. Yn amlwg dim ond jyst y cwmni gyda Steve yma, mae gweld y bywyd gwyllt, y gwylanod coes-ddu...

[01:37] y mulfrain, y morloi a’r math yna o beth. Hollol ryfeddol a phrofiad unigryw iawn.

[01:41] Mae Steve yn ddyn clên iawn. Ia, hollol anhygoel. Does unman gwell i fod.

[01:46] Mae hi wedi bod yn brynhawn anhygoel. Dwi’n teimlo fy mod wedi cael fy ergydio ychydig ac yn rynllyd.

[01:51] Ond, i allu dod allan yma, a mi allwch weld y Brifysgol o fan hyn.

[01:56] Gallwch weld y neuaddau preswyl o fama. I fod yn fyfyriwr yma, a meddwl y gallwch orffen astudio

[02:01] a dod lawr yma a padlfyrddio neu gaiacio allan ar y Fenai a chael hyn fel ffordd o leihau straen arholiadau.

[02:08] Mae hynna yn hollol anhygoel i mi.

Gradd er Anrhydedd Syr David Attenborough

"Mae gan Brifysgol Bangor enw rhagorol ym maes astudio gwyddorau'r amgylchedd a'r môr. Mae arnom angen pobol efo'r arbenigaeth a'r sgiliau ymchwil hollbwysig i geisio datrys problemau'r byd."

A oes gennych unrhyw gwestiynnau am fywyd myfyriwr ym Mangor? Mae ein llysgenhadon yn barod i’ch helpu gael yr ateb.

Gall ein myfyrwyr ddweud mwy wrthoch am y profiad o astudio yma, am y Clybiau a Chymdeithasau gwych sydd yma, a sut bu iddynt hwy wneud ffrindiau ac ymgartrefu yn y Brifysgol fel myfyriwr Bioleg Môr.

Os oes gennych unrhyw gwestiynau am y cwrs, mae ein darlithwyr wrth law i helpu. Dyma rai cwestiynau a ofynnir yn aml. Oes gennych chi unrhyw gwestiwn arall i'n darlithwyr?

Pa rinweddau sydd gan fyfyrwyr Bioleg Môr llwyddiannus ym Mangor?
Beth allai wneud i baratoi at astudio Bioleg Môr ym Mangor?
Sut ydw i yn gwybod mai Bioleg Môr ym Mangor yw’r dewis iawn i mi?

Ein Hymchwil o fewn Bioleg Môr

Mae gan Brifysgol Bangor hanes hir o ymchwil Bioleg Môr sy'n ymestyn yn ôl dros 100 mlynedd. Mae ein hymchwil yn cynnwys parth llawn y môr, yn amrywio o gynefinoedd lled-ddaearol fel morfeydd heli, i'r môr dwfn, ac o'r pegynau i'r trofannau. Ar hyn o bryd mae gennym brojectau ymchwil sy'n canolbwyntio ar ffiordydd yr Antarctig a riffiau cwrel Cefnfor yr India.

Mae elfen bwysig o ymchwil Bioleg Môr yma ym Mangor yn canolbwyntio ar gadwraeth a rheoli adnoddau môr. Mae ein hymchwil yn edrych ar sut mae cynnwrf anthropogenig megis ecsbloetiaeth, rhywogaethau ymledol a newid yn yr hinsawdd yn effeithio ar ecosystemau'r môr, ac ar y dulliau gorau o reoli ac amddiffyn yr ecosystemau hyn.

Mae ein hymchwil yn sail i ddiwydiant pysgod o’r gwyllt a dyframaeth cynaliadwy. Mae hefyd yn ymdrin ag effeithiau ehangach pysgodfeydd a dyframaethu ar ecosystem y môr, a sut y gallant effeithio ar rywogaethau dalfeydd (pysgod eraill, adar môr, mamaliaid môr, organebau gwely'r môr) a chynefinoedd (e.e. riffiau, gwelyau morwellt). Mae hefyd yn sail i'n datblygiad o ddeorfeydd pysgod trofannol cynaliadwy.

Lleoliad Bangor

Cewch y gorau o ddau fyd pan fyddwch yn astudio ym Mangor. Fel dinas hardd yng ngogledd Cymru gyda golygfeydd syfrdanol, mae'n berffaith i'r rhai sy'n edrych i archwilio'r awyr agored. Ac eto, nid yw'n bell o gyrraedd y dinasoedd mawr ac mae'n gyfoethog mewn hanes gydag ymdeimlad bywiog o gymuned sy'n ei gwneud yn le delfrydol i fyfyrwyr ac yn lleoliad prifysgol perffaith.

Mwy am ein lleoliad