Gyrfaoedd a Chyflogadwyedd

Gyrfaoedd a Chyflogadwyedd

Fel Ysgol amlddisgyblaethol sy'n cynnwys popeth o Gyfrifeg a Chyllid i Fusnes a Rheolaeth, mae Ysgol Busnes Bangor yn cynnig amrywiaeth o raglenni addas ar gyfer ystod eang o yrfaoedd.  Os nad ydych wedi penderfynu ar eich llwybr gyrfa, mae hyblygrwydd ein rhaglenni'n eich galluogi i roi cynnig ar fodiwlau a meysydd pwnc gwahanol er mwyn gweld beth sy'n apelio orau at eich chwaeth bersonol a'ch dyheadau.

Cysylltiadau helaeth â diwydiant

Mae gan ein staff gysylltiadau helaeth â diwydiant. Maent yn amlwg iawn fel ymchwilwyr yn eu meysydd, yn cyhoeddi llyfrau niferus ac erthyglau mewn cyfnodolion blaenllaw, a hyd yn oed yn gwneud gwaith ymgynghorol ar lefel uchel i sefydliadau amlwg, megis Banc y Byd a Thrysorlys y Deyrnas Unedig.  Lle bynnag y byddwch yn mynd iddo ar ôl graddio, byddwch yn gadael Bangor gyda gradd sy'n gyfoes, yn berthnasol ac yn cyd-fynd â'r datblygiadau diweddaraf yn y diwydiannau busnes ac ariannol.

Cyflogwyr

Dyma enghreifftiau o swyddi a gafwyd gan rai o'n graddedigion diweddar: 

Israddedigion

Ôl-raddedigion

Cydlynydd Cefnogaeth Weithredol
The Co-Operative

Banciwr
Bank of Valletta (Malta)

Cyfrifydd dan hyfforddiant
Chantrey Vellacott

Ymgynghorydd Rheoli
EY (USA)

Cyfrifydd dan hyfforddiant
Hill & Roberts

Uwch Reolwr Marchnata
HSBC (Malta)

Archwilydd Cynorthwyol
PwC

Rheolwr Cangen 
Piraeus Bank Greece

Swyddog Marchnata
Celebrity Cruises

Is-lywydd 
Royal Bank of Scotland (Belgium)

Is Reolwr Cyfrifon
Level Marketing

Cynorthwywr Marchnata
Aqua Marketing

Cynorthwywr Gweinyddu AD
Gorsaf Bŵer Wylfa 

Rheolwr Project
Prifysgol Bangor

Paragynlluniwr dan Hyfforddiant
Heritage Financial Solutions

Cynghorwr Bancio Adwerthu Sector Fasnachol
HMRC

Swyddog Pryniant 
Cyngor Sir Ynys Môn

Uwch Reolwr (Rheoli Portffolio)
Lloyds Banking Group

Arolygydd Trethi EM
HMRC

Swyddog Cysylltiadau Alumni a Chodi Arian
Dar Al-Hekma University

Rheolwr Ariannol dan Hyfforddiant
Nottinghamshire County Council

Pennaeth Corfforaethau Byd-eang
Barclays (South Africa)

Cymdeithas Busnes Bangor

Gan weithio'n agos â staff academaidd, nod Cymdeithas Busnes Bangor yw hwyluso profiadau dysgu i fyfyrwyr o bob blwyddyn er mwyn adeiladu ar hyn a ddysgir yn y dosbarth a chryfhau eu CVs.  Mae hefyd yn trefnu ymweliadau â ffeiriau i raddedigion, sy'n gyfle hynod werthfawr i gyfarfod a chysylltu â darpar gyflogwyr.

Cewch fwy o wybodaeth am Gymdeithas Busnes Bangor yn y Ffair Serendipedd yn ystod yr Wythnos Groeso.

Gwasanaeth Sgiliau a Chyflogadwyedd

Mae Gwasanaeth Sgiliau a Chyflogadwyedd Prifysgol Bangor yn darparu ystod eang o adnoddau i'ch helpu i gyflawni eich dyheadau fel graddedigion.  Mae datblygu eich sgiliau personol a gwella eich siawns o gael swydd dda tra ydych yn y brifysgol yn dod yn gynyddol bwysig yn y farchnad swyddi heddiw.

Ymysg y profiadau y mae'r Gwasanaeth Sgiliau a Chyflogadwyedd yn eu cynnig i roi hwb i'ch datblygiad personol ac i'ch gyrfa mae lleoliadau gwaith, cynlluniau blasu gwaith, gwaith rhan-amser a chyfleoedd i wirfoddoli a mentora.

Cynllun Interniaeth i Israddedigion

Mae'r cynllun interniaeth ym Mhrifysgol Bangor yn rhoi cyfleoedd i fyfyrwyr israddedig gael profiad gwaith cyflogedig ar lefel graddedigion yn ysgolion academaidd ac adrannau gwasanaeth y brifysgol.  Gall natur y swyddi amrywio o farchnata, cynllunio gwefan a phrojectau ennyn diddordeb myfyrwyr, i roi cefnogaeth gyda phrojectau ymchwil, gwaith maes neu reoli data.

Profiad Gwaith a Gwirfoddoli

Mae Canolfan Gyrfaoedd a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio. Mae’n dod yn gynyddol bwysig yn y farchnad swyddi heddiw i ddatblygu eich sgiliau personol a gwella eich cyflogadwyedd tra byddwch yn y brifysgol.

Ymysg y profiadau a gynigir gan y Ganolfan Gyrfaoedd a Chyflogadwyedd i helpu eich datblygiad personol a’ch gyrfa, mae rhaglenni lleoliadau gwaith, cynlluniau blasu gwaith, swyddi rhan-amser a chynlluniau gwirfoddoli a mentora.

Gwobr Cyflogadwyedd Bangor

Mae Gwobr Cyflogadwyedd Bangor wedi ei gynllunio i wella rhagolygon gwaith ein myfyrwyr. Mae’n cynnig cyfleoedd rhad ac am ddim i ennill y sgiliau a’r profiadau eu hangen ar gyflogwyr, yn seiliedig ar yr ymchwil diweddaraf.

Mae graddedigion y Wobr yn cael tystysgrif a thrawsgrifiad o’u gweithgareddau allgyrsiol o Brifysgol Bangor. Mae’r Wobr hefyd yn cynnig cyrsiau hyfforddi am ddim, yn helpu i’ch paratoi ar gyfer cyfweliadau, yn rhoi mynediad at feddalwedd gyrfaoedd ar-lein ac yn helpu i ddatblygu eich portffolio sgiliau o dystiolaeth ar gyfer cyflogwyr.

Mwy o wybodaeth am sut y gall y Wobr eich helpu...

Rhaglen Interniaeth Prifysgol Bangor

Mae Prifysgol Bangor yn cynnal cynllun interniaeth sy’n cynnig y cyfle i ennill profiad gwaith â thâl ar lefel raddedig mewn Ysgolion academaidd ac adrannau gwasanaeth y Brifysgol.

Mae’r cynllun yn agored i fyfyrwyr israddedig ac mae’r gwaith interniaeth ac unrhyw hyfforddiant a dderbynnir yn cael ei gofnodi yn awtomatig ar eich cofnod o weithgareddau Gwobr Cyflogadwyedd Bangor.