Ysgoloriaethau, Efrydiaethau a Bwrsariaethau

Mae’r ysgoloriaethau, efrydiaethau a bwrsariaethau yn cael eu hariannu gan y Brifysgol a gan yr ysgolion academaidd unigol. Am wybodaeth ynglŷn â bwrsariaeth newydd Llywodraeth Cymru ar gyfer ôl-raddedigion ewch i’r tab ‘Allanol’ isod.

Gwobrau’r Ysgol

Bwrsariaethau i Ôl-raddedigion Cerddoriaeth

Mae gan yr Ysgol Cerddoriaeth a'r Cyfryngau nifer gyfyngedig o Fwrsariaethau Cerddoriaeth mewnol, sy'n agored i fyfyrwyr y DU, yr UE a thramor. Mae'r rhain yn amrywio o ran gwerth hyd at uchafswm o £1,000. Mae'r bwrsariaethau hyn ar gael ar sail gystadleuol. I wneud cais am fwrsariaeth, dylech uwchlwytho llythyr gyda'ch cais yn nodi pam yr hoffech gael eich ystyried. I gael rhagor o wybodaeth cysylltwch â music.pg@bangor.ac.uk.

Ysgoloriaeth Ddoethurol Parry Williams 2019/20

Mae’r Ysgol Cerddoriaeth yn gwahodd ceisiadau ar gyfer Efrydiaeth Ddoethurol Parry Williams mewn Cerddoriaeth.

Mae’r efrydiaeth hon wedi’i henwi ar ôl D. E. Parry Williams (1900-1996), Pennaeth Cerddoriaeth cyntaf Bangor; cyllidir hi trwy waddol yn y Brifysgol er cof amdano. Ers mwy na degawd bellach, mae cronfa Parry Williams wedi cynnal myfyrwyr cerddoriaeth ôl-raddedig rhagorol.  Bydd y myfyriwr llwyddiannus yn gweithio yn yr Ysgol Cerddoriaeth , Prifysgol Bangor.

Qualification Type: PhD, Llawn amser

Dyddiad Cau: 09 Awst 2019

Swm Cyllid: Bydd yr efrydiaeth yn cynnwys bwrsariaeth o £10,000 y flwyddyn am gyfnod o 3 blynedd, fel cyfraniad tuag at ffioedd dysgu a chynnal a chadw.

Dyddiad Dechrau: Hydref 2019 (neu cyn gynted ag y bo modd wedyn)

Lle gallaf i gael hyd i fwy o wybodaeth?  Am fanylion llawn am yr ysgoloriaeth dilynwch y cyswllt yma.

Bwrsariaethau Teithio Doethurol/ MPhil gan Ysgol Graddedigion CCD

Gall myfyrwyr ôl-raddedig MPhil a PhD yng Ngholeg y Celfyddydau a’r Dyniaethau fod â hawl i wneud cais am fwrsariaeth deithio tra byddant yn gofrestredig, er mwyn mynd i gynhadledd academaidd neu ymweld ag archif/ llyfrgell academaidd berthnasol.

Asesir pob cais ar ei deilyngdod ei hun, ac ni fydd cyfanswm y fwrsariaeth/ bwrsariaethau a ddyfernir i unrhyw fyfyriwr ôl-raddedig unigol yn uwch na £150 o fewn unrhyw flwyddyn academaidd. Dylech gyfeirio unrhyw ymholiadau at weinyddwr y Coleg dros faterion ôl-radd.

Mathau eraill o gyllid

Mae gan yr Ysgol Cerddoriaeth hanes gwych o ran cael cyllid ar gyfer myfyrwyr ymchwil. Dros y blynyddoedd, rydym wedi ennill nifer o grantiau ar gyfer projectau ymchwil cydweithredol â phartneriaid allanol (cwmnïau, diwydiannau, cymdeithasau a cherddorfeydd) trwy KTP (Partneriaeth Trosglwyddo Gwybodaeth) a KESS (Ysgoloriaethau Sgiliau ar gyfer yr Economi Wybodaeth).
Gall y Cyfarwyddwr Astudiaethau Graddedigion roi gwybodaeth ichi ynglŷn â’r rhain, ac am bosibiliadau eraill o ran cyllido.

Gwobrau’r Prifysgol

Fel y byddech yn ei ddisgwyl gan brifysgol sy'n rhoi pwyslais ar gymorth i fyfyrwyr, mae Bangor yn awyddus i gynnig help ychwanegol i fyfyrwyr. Dyma'r bwrsariaethau a'r ysgoloriaethau sydd ar gael i fyfyrwyr ôl-raddedig.

Ysgoloriaethau Ôl-raddedig Price Davies

(Cronfa Dreftadaeth Y Werin)

Bydd gwerth yr ysgoloriaeth yr un fath ag Efrydiaeth Ôl-raddedig y Brifysgol, yn amodol ar y cyllid sydd ar gael. Rhaid i’r ymgeisydd ddilyn cynllun astudio am radd ôl-raddedig ymchwil yn y Celfyddydau neu’r Gwyddorau ym Mhrifysgol Bangor.

Y dyddiad cau ar gyfer ceisiadau yw 31 Awst 2019.

Sylwer: ar gyfer cyrsiau sy'n dechrau ym mis Medi 2020 ymlaen, dylid cyflwyno ceisiadau erbyn 1 Mehefin 2020 fan bellaf.

Mwy o wybodaeth a gwneud cais

Ffurflen gais.

Thomas Ellis Memorial Fund

(Cronfa Dreftadaeth Y Werin)

Mae'r ysgoloriaeth yn cynnig hyd at £ 1,500 i gefnogi graddedigion dawnus o Brifysgolion Cymru sydd â diddordeb mewn iaith, llenyddiaeth, hanes a hynafiaethau Cymru.

Y dyddiad cau ar gyfer ceisiadau yw 1 Mehefin 2019.

Mwy o wybodaeth a gwneud cais

Ysgoloriaeth Ôl-raddedig Llewelyn Williams

(Cronfa Dreftadaeth Y Werin)

Mae Ysgoloriaeth Ôl-raddedig Llewelyn Williams yn galluogi ymchwil i Hanes Cymru, gan gynnwys deddfau Cymreig ac agweddau economaidd bywyd Cymreig. Mae'r ysgoloriaeth yn cynnig hyd at £ 7,000 i gefnogi graddedigion Hanes, Cyfraith ac Economeg dalentog sydd â diddordeb mewn ymchwil ôl-raddedig ym Mhrifysgolion Cymru.

Y dyddiad cau ar gyfer ceisiadau yw 1 Mehefin 2019.

Mwy o wybodaeth a gwneud cais

Ysgoloriaeth Deithio Goffa Gareth Jones

(Cronfa Dreftadaeth Y Werin)

Mae'r ysgoloriaeth yn cynnig hyd at £ 2,000 i gefnogi graddedigion dawnus o Brifysgolion Cymru sydd â diddordeb mewn Newyddiaduraeth neu Faterion Rhyngwladol.

Y dyddiad cau ar gyfer ceisiadau yw 1 Mehefin 2019.

Mwy o wybodaeth a gwneud cais

Ysgoloriaeth Ymchwil Cyfrwng Cymraeg: Dwyieithrwydd

Math Cymhwyster: PhD

Dyddiad cau i dderbyn ceisiadau: 07 Mehefin 2019

Swm cyllid: Mae’r efrydiaeth yn cynnwys cost lawn ffioedd dysgu ynghyd â thâl cynnal gwerth c.£15,000 y flwyddyn, am dair blynedd yr efrydiaeth.

Dyddiad Dechrau: 01 Hydref 2019

Mae Prifysgol Bangor yn cynnig ysgoloriaeth ymchwil PhD ym maes Dwyieithrwydd. Cyllidir yr ysgoloriaeth hon gan y Coleg Cymraeg Cenedlaethol a Phrifysgol Bangor. Disgwylir i’r traethawd doethurol gael ei baratoi a’i gyflwyno yn y Gymraeg. Mae’r ysgoloriaeth ar gael am gyfnod o dair blynedd ar gyfer ymchwil yn arwain at ddoethuriaeth. Bydd disgwyl i’r myfyriwr llwyddiannus hefyd wneud peth gwaith dysgu cyfrwng Cymraeg yn yr Ysgol Ieithoedd, Llenyddiaethau ac Ieithyddiaeth fel un o amodau’r Ysgoloriaeth.

Lle gallaf i gael hyd i fwy o wybodaeth?

Am fanylion llawn am yr ysgoloriaeth dilynwch y cyswllt yma

Dylid cyfeirio ymholiadau am y project at: Dr Thora Tenbrink (t.tenbrink@bangor.ac.uk / 01248 382263).

Ysgoloriaethau Merched mewn Gwyddoniaeth Prifysgol Bangor

Mae Prifysgol Bangor wedi ymrwymo i gefnogi datblygiad gyrfaol merched mewn gwyddoniaeth ac am y rheswm hwn mae Ysgoloriaethau Merched mewn Gwyddoniaeth y Brifysgol yn cefnogi graddedigion sy'n ferched i barhau gyda'u hastudiaethau. Bydd mwy o wybodaeth am yr Ysgoloriaethau Merched mewn Gwyddoniaeth 19/20 ar gael yn fuan.

Cynllun Ysgoloriaethau Gradd Meistr y Coleg Cymraeg Cenedlaethol

Am fwy o wybodaeth am y cynllun Ysgoloriaethau Gradd Meistr y Coleg Cymraeg Cenedlaethol cliciwch yma.

Disgownt teyrngarwch i raddedigion

Ysgoloriaeth Ymchwil Cyfrwng Cymraeg: Defnyddio’r Gymraeg yn y Gweithle

Mae Prifysgol Bangor yn cynnig ysgoloriaeth ymchwil PhD ym maes Seicoleg Newid Ymddygiad a Chynllunio Iaith. Cyllidir yr ysgoloriaeth hon gan y Coleg Cymraeg Cenedlaethol.

Mwy o wybodaeth...

Bwrsariaeth Postgrad Solutions

Mae Postgrad Solutions Cyf yn cynnig tri-ar-ddeg Bwrsariaeth ôl-radd, werth £500 yr un. Mwy o wybodaeth...

Bwrsariaeth Mynediad ôl-raddedig

Gall myfyrwyr DU (gan eithrio myfyrwyr o Gymru*) fod yn gymwys i dderbyn Bwrsariaeth Mynediad Ôl-radd os oeddent yn derbyn un o’r canlynol tra’n fyfyrwyr yn ystod y flwyddyn academiaeth 2018/19 neu’n ddi-waith cyn cychwyn cwrs ol-radd yn Brifysgol Bangor.

  • Grant Cynhaliaeth
  • Benthyciad Cynhaliaeth
  • Bwrsariaeth Foyer
  • Bwrsariaeth i Bobl sy’n Gadael Gofal
  • Gymhorthdal Incwm / Lwfans Ceisio Gwaith,/ Credyd Cynhwysol

Rhaid i fyfyrwyr allu dangos tystiolaeth eu bod wedi derbyn y grantiau, bwrsariaethau neu fudd-daliadau hyn.

Dyfernir bwrsariaeth o £500 i:

  • fyfyrwyr oedd yn derbyn cyllid myfyrwyr mwyaf posib pan oeddent yn israddedigion yn ystod 2018/19.
  • fyfyrwyr oedd yn ddi-waith yn union cyn cychwyn eu cwrs ôl-radd

Dyfernir bwrsari o £250 i:

  • fyfyrwyr oedd yn israddedigion yn 2018/19 ac yn derbyn cyllid myfyrywyr rhannol.

I gael rhagor o wybodaeth ac i ofyn am ffurflen gais, cysylltwch â'r Uned Cymorth Ariannol.

*Mae gan fyfyriwr o Gymru hawl i grant o leiaf £1,000 gan Lywodraeth Cymru

Bwrsariaethau Ehangu Mynediad ôl-radd

Mae’r bwrsariaethau yma wedi eu hanelu’n benodol at ehangu mynediad i gyrsiau Meistr ôl-radd llawn a rhan-amser. Am fwy o fanylion, cliciwch yma.

Ysgoloriaethau Cydraddoldeb Rhywiol

Mae Prifysgol Bangor yn aelod o siarter Cydraddoldeb Rhwng y Rhywiau Athena SWAN ac felly wedi ymrwymo i gydraddoldeb ac amrywiaeth rhwng y rhywiau, ac i greu a hyrwyddo diwylliant cynhwysol i staff a myfyrwyr ar bob lefel. Diben ysgoloriaethau Cydraddoldeb rhwng y Rhywiau y Brifysgol yw cefnogi myfyrwyr sy'n graddio i barhau â'u hastudiaethau ym Mangor - yn enwedig mewn meysydd lle mae niferoedd ein myfyrwyr yn dangos tangynrychiolaeth o ferched neu ddynion ar lefel ôl-raddedig mewn rhai meysydd. Ysgoloriaethau yw'r rhain ar gyfer gradd meistr (hyfforddedig neu drwy ymchwil) mewn unrhyw ddisgyblaeth. Dyfernir un ysgoloriaeth i bob Coleg.

Beth mae'n ei gynnwys?

Telir ffioedd dysgu am gwrs Meistr ôl-radd hyfforddedig neu ymchwil un flwyddyn neu am ddwy flynedd os yw'n astudio'n rhan amser.

Ewch i dudalennau Athena Swan am fwy o wybodaeth. Dyddiad cau ceisiadau ydi dydd Gwener 28ain Mehefin 2019. Dylid danfon ceisiadau i sylw Lindsey Graham.

Addysgedau AALl

Fel rheol nid yw awdurdodau lleol yn cynnig cefnogaeth ar gyfer astudiaeth ôl-raddedig, ond mae rhai yn rhoi ystyriaeth i rai cyrsiau penodol, fel cyrsiau TAR.

Mae’n eithaf peth i gysylltu â’ch awdurdod addysg lleol yn gynnar yn y flwyddyn i holi beth a fyddent yn ei gyllido. Byddai gennych fwy o siawns i gael cyllid os yw eich cwrs yn un galwedigaethol ond bydd rhaid i chi gyflwyno achos cryf i gael addysged.

Cysylltiadau Defnyddiol

Efallai y bydd y cysylltiadau yma yn ddefnyddiol i chi ymchwilio sut i gael cyllid ar gyfer eich cwrs:

Ariannu Strwythurol

Ysgoloriaethau Sgiliau Economi Gwybodaeth (KESS 2)

Bangor University has a number of KESS 2 PhD and Research Masters scholarships available. The KESS 2 scholarships are part funded from the ESF (European Social Fund) Convergence Programme (West Wales and the Valleys).

KESS 2 PhD Scholarships

KESS 2 PhD scholarships are collaborative awards with external partners. (Applicants need only apply, they do not need to search for partners.)

Value of Award: A stipend of ~ £14,340 for 2017/18 (rising in accordance with inflation for subsequent years). Each scholarship has an additional budget for travel, equipment/consumables and training to support the agreed research project. KESS 2 PhD scholarship holders do not pay fees.

Length: Full-time for 3 years. (Theses must be submitted 6 months after the funded three year study period)

The achievement of a KESS 2 Postgraduate Skills Development Award (PSDA) is compulsory for each KESS 2 scholar. (The PSDA is based on a 60 credit award.)

The KESS 2 Research Masters Scholarships

KESS 2 Research Masters scholarships are collaborative awards with external partners leading to an MRes or MxRes qualification. (Applicants need only apply, they do not need to search for partners.)

Value of Award: A stipend of ~ £11,472 for 2017/18. Each scholarship has an additional budget for travel, equipment/consumables and training to support your research. KESS 2 Research Masters scholarship holders do not pay fees.

Length: Full-time for 1 year. (Research theses must be submitted 3 months after the funded one year study period)

The achievement of a KESS 2 Postgraduate Skills Development Award (PSDA) is compulsory for each KESS 2 scholar. (The PSDA is based on a 30 credit award.)

Further information can be found here.

Allanol

Bwrsariaeth newydd ar gyfer Ôl-raddedigion yng Nghymru

 Mae cynllun bwrsariaeth newydd ar gael ar gyfer blwyddyn academaidd 2019/20 i gynorthwyo myfyrwyr o Gymru i barhau â'u hastudiaethau ôl-raddedig yng Nghymru.

 Nod y cynllun yw cynyddu nifer y graddedigion o Gymru, sy'n aros yng Nghymru neu'n dychwelyd i Gymru, i astudio gradd meistr ôl-raddedig yn y pynciau STEMM canlynol:

  • Gwyddoniaeth
  • Technoleg
  • Peirianneg
  • Mathemateg 
  • Meddygaeth

Bydd bwrsariaeth ôl-raddedig newydd hefyd ar gael fyfyrwyr sydd yn bwriadu astudio eu gradd Meistr drwy'r Gymraeg.

Mae’r bwrsariaeth ychwanegol a gyhoeddwyd gan Lywodraeth Cymru yn golygu y gallai myfyrwyr o Gymru dderbyn hyd at £17,000 tuag at eu hastudiaethau a’u costau byw, os ydynt yn dewis astudio cwrs meistr cymwys ym Mhrifysgol Bangor ym mis Medi.

Y tebygrwydd yw y bydd gwobrau bwrsariaeth STEMM werth oddeutu £2,000 gyda bwrsariaethau o tua £1,000 ar gael ar gyfer cyrsiau cyfrwng Cymraeg.

Bydd rhagor o wybodaeth am y meini prawf cymhwysedd ynghyd â manylion ar sut y bydd y taliadau bwrsariaeth yn cael eu gwneud, ar gael ar y wefan yma cyn gynted ag y bydd ar gael.

Mwy o wybodaeth ar gael ar wefan Llywodraeth Cymru.

Bwrsariaeth ‘Leverhulme Trade Charities Trust’

Mwy o wybodaeth ar gael yma

FindaMasters.com Ysgoloriaeth

Mae FindaMasters.com yn cynnig ysgoloriaeth ar gael ym mhob pwnc mewn unrhyw brifysgol sydd wedi rhestru ar FindaMasters.com. Cofrestrwch yma.

FindaPhD.com Ysgoloriaeth

Mae FindaPhD.com yn cynnig ysgoloriaeth ar gael ym mhob pwnc mewn unrhyw brifysgol sydd wedi rhestru ar FindaPhD.com. Cofrestrwch yma.

Ymholiadau am Astudio Ol-radd ym Mangor

Cyrsiau Wedi'u Hariannu

Mae nifer o gyfleoedd ariannu ar gael. Cysylltwch â'r ysgol academaidd i wybod mwy am y cyllid sydd ar gael.

Cofiwch bod rhai ysgolion academaidd hefyd yn cynnig ysgloriaethau a bwrsariaethau i gefnogi eu pynciau. Ewch i'r dudalen ar ysgoloriaethau a bwrsariaethau neu dudalennau'r ysgolion academaidd i gael mwy o wybodaeth.

Ysgoloriaethau a Gwaddoliadau

Benthyciadau

Arweiniad Amgen Ar-lein at Gyllid Ôl-radd

Mae’r Arweiniad Amgen Ar-lein at Gyllid Ôl-radd yn ymwneud â ffynonellau amgen o gyllid – yn enwedig elusennau – a all ddyfarnu cyllid (ffioedd, cynhaliaeth, costau ymchwil) i unrhyw fyfyriwr, beth bynnag a fo ei (d)dinasyddiaeth.

Mae’r Arweiniad Amgen Ar-lein â chronfa ddata enfawr o gyfleoedd i gael cyllid, arweiniad cynhwysfawr ac offer niferus i’ch helpu i baratoi cais sy’n mynd i ennill grant ichi. I gynorthwyo ein myfyrwyr, mae Prifysgol Bangor wedi prynu trwydded ar gyfer yr Arweiniad, fel ei fod am ddim i holl fyfyrwyr a staff Bangor ei ddefnyddio! Mewngofnodwch Yn Awr!

Os ydych yn ddarpar-fyfyriwr ac wedi gwneud cais i ddod i Brifysgol Bangor, anfonwch e-bost er mwyn cael PIN mynediad.

PostgraduateStudentships.co.uk

  • Gwefan yw PostgraduateStudentships.co.uk sy'n dod â'r holl wahanol fathau o gyllid sydd ar gael i ddarpar ôlraddedigion at ei gilydd mewn un lle. Felly, gellwch weld beth sydd ar gael o ffynonellau cyffredinol, yn ogystal â chyfleoedd a chyllid o'r brifysgol ei hun.