Pwrcasu a Cyllid

Buddsoddi moesegol

Rheolir portffolio buddsoddiadau Prifysgol Bangor gan UBS. Mae UBS  wedi ymrwymo i weithredu’n gynaliadwy a helpu ei gleientiaid i fuddsoddi mewn modd sy’n cefnogi effaith gymdeithasol ac amgylcheddol gadarnhaol yn ogystal â chynhyrchu elw ariannol da.

Mae Prifysgol Bangor wedi mabwysiadu strategaeth fuddsoddi gynaliadwy UBS, gan ystyried yr egwyddor Datblygu Cynaliadwy h.y. bod “raid i ni weithredu mewn ffordd sy’n ceisio sicrhau y cyflawnir anghenion y presennol heb beryglu gallu cenedlaethau’r dyfodol i ddarparu at eu hanghenion eu hunain”.  Mae’r strategaeth yn defnyddio cyfuniad o sgriniau negyddol a chadarnhaol i sicrhau bod cwmnïau a all fod yn niweidiol i gymdeithas neu’r amgylchedd yn cael eu heithrio, a buddsoddi mewn busnesau gyda diwylliant ac ymarferion cyfrifol a llywodraethu da.

Nid yw Prifysgol Bangor yn buddsoddi mewn busnesau dadleuol, fel:

• Arfau
• Alcohol
• Gamblo
• Baco
• Adloniant Oedolion

Nid ydym chwaith yn buddsoddi mewn tanwydd ffosil. Fel hyn, mae Prifysgol Bangor yn cyfrannu at Gymru sy’n gyfrifol yn fyd-eang - Datganiad Prifysgol Bangor ar fuddsoddi mewn tanwydd ffosil

Mae UBS yn cynnig cyngor penodol gan arbenigwyr profiadol â chymwysterau da ac maent wedi crynhoi eu dull chwe thongl o fuddsoddi'n gynaliadwy:

“UBS analyses more than 12,000 issuers with over 500 sustainability indicators per issuer sourced from multiple leading data providers. These indicators are aggregated into six core sustainability topics: pollution and waste, climate change, water, people, governance, and products and services. The bank's proprietary methodology for sustainability scoring is based on a systematic process of sourcing and processing best-in-class sustainability data, and aligning them to this six-topic framework based on industry best practice. This includes data adjustments and smoothing techniques to make the final scores as useful as possible in an investment context.

In addition, UBS sources indicators on actual controversies such as instances where companies have breached international norms (e.g. the UN Global Compact) or governments have breached UN, US or EU sanctions, or face any other ESG-related events which may affect their prosperity and economic development.

From a high level by following this detailed methodology the companies included in the investment portfolio are well-run, well-managed and well-positioned to exist for the long term. With regard to the inclusion of low carbon/renewable energy companies we find ourselves in a period of transformation whereby industries are becoming greener and those that make the change to low carbon/renewable energy are expected to succeed. As well as broadly aiming to include companies that are becoming more sustainable across the six topics, the investment portfolio excludes extractive fossil fuels."

Rhagor o wybodaeth:

• Ein Polisi Buddsoddi Cynaliadwy
• Cynaliadwyedd yn UBS
• Aelodaeth Pwyllgor Cyllid a Strategaeth

Buddsoddi mewn Effeithlonrwydd Ynni

Rhwng 2018 a 2019, buddsoddodd Prifysgol Bangor £2.5 miliwn mewn gwelliannau effeithlonrwydd ynni fel rhan o gynllun ReFit Cymru Llywodraeth Cymru. Rhagwelir y bydd y cynllun yn lleihau defnydd ynni'r Brifysgol oddeutu 12%. Am ragor o wybodaeth, gweler tudalen Astudiaeth Achos ReFit.

Cyflogwr Cyflog Byw

Mae Prifysgol Bangor yn gyflogwr Cyflog Byw, wedi'i achredu gan y Sefydliad Cyflog Byw. Y Cyflog Byw go iawn yw'r unig gyfradd gyflog yn y DU sy'n cael ei thalu'n wirfoddol gan dros 7,000 o fusnesau yn y DU sy'n credu bod eu staff yn haeddu cyflog sy'n diwallu anghenion bob dydd - fel y siop wythnosol, neu daith annisgwyl i'r deintydd.

Strategaeth, perfformiad ac arfer gorau yng nghaffael

Yn unol â Chynllun Strategol Prifysgol Bangor, mae ei Strategaeth Caffael am y blynyddoedd 2015-2020 yn ystyried cynaliadwyedd yn un o brif amcanion caffael strategol.

Y nod yw gwneud amcanion moesegol, cymdeithasol ac amgylcheddol cadarn yn rhan greiddiol o’r broses gaffael safonol,” medda Nicola Day, Cyfarwyddwr Caffael Prifysgol Bangor.

Cefnogir y Strategaeth Gaffael gan nifer o fesurau perfformiad cynaliadwyedd a fydd yn cael eu hasesu bob blwyddyn, megis nifer yr asesiadau risg cynaliadwyedd a gwblheir, yr effeithiau a nodir a’r deilliannau a gyflawnir. Mae’r mesurau hefyd yn cynnwys asesiad o wariant gyda chwmnïau bach a chanolig a chyda cyflenwyr o Gymru.

Fel aelod o’r sector cyhoeddus yng Nghymru, mae Prifysgol Bangor yn mabwysiadu arfer gorau sy’n cydfynd ag argymhellion Gwerth Cymru (Llywodraeth Cymru). Mae’r brifysgol wedi mabwysiadu egwyddorion Datganiad Polisi Caffael Cymru, sy’n cefnogi’r nod o gyflawni amcanion lles Cymru fel y nodir yn Neddf Llesiant Cenedlaethau’r Dyfodol (Cymru) (2015). Mae un o’r prif egwyddorion yn anelu at sicrhau manteision cymdeithasol, economaidd ac amgylcheddol trwy weithredu polisi Manteision Cymunedol mewn modd effeithiol. Mae cynlluniau Manteision Cymunedol gan Parc Gwyddoniaeth Menai ac mae’r contractwr wedi gwblhau’r Adnodd Mesur Mantais Cymunedol i gofnodi’r amrywiol fanteision cynaliadwyedd a gyflawnir fel rhan o’r project.

Electronics Watch

Fel aelod llawn o Gonsortiwm Prynu Prifysgolion y Gogledd Orllewin Cyf (NWUPC) rydym yn gallu elwa o arbedion arian parod ac adnoddau sylweddol o gaffael cydweithredol a mynediad at dros 100 o gytundebau fframwaith wedi'u harwain yn benodol.

Mae NWUPC Cyf wedi ymuno â Electronics Watch fel aelod cyswllt ar ran aelodau yn ogystal â nhw eu hunain o 1 Medi 2019. Mae Electronics Watch yn sefydliad monitro annibynnol a sefydlwyd gyda'r pwrpas o amddiffyn hawliau gweithwyr o fewn cadwyni cyflenwi. Maent yn canolbwyntio ar weithio gyda sefydliadau sector cyhoeddus sy'n prynu electroneg a chydweithio â nhw i gael effaith gadarnhaol ar weithwyr trwy'r nwyddau y mae'r sector cyhoeddus yn eu caffael.

Caethwasiaeth a masnachu pobl

Yn sgil cyflwyniad Deddf Caethwasiaeth Fodern 2015, mae gofyn i’r brifysgol gyhoeddi datganiad, yn nodi cadwyni cyflenwi lle ceir perygl o gaethwasiaeth neu fasnachu pobl a nodi’r camau a gymerwyd i asesu a rheoli’r risg hwnnw. Bydd y brifysgol yn anelu at fabwysiadu cod ymarfer arfaethedig Llywodraeth Cymru ar gyflogaeth foesegol mewn cadwyni cyflenwi.

Caffael Offer TG

Mae’r brifysgol yn prynu offer TG trwy gytundebau fframwaith consortia AU. Caiff ein cyfrifiaduron pen desg a gliniaduron eu prynu trwy’r “National Desktop & Notebook Agreement”, dan gontract i’r “London Universities Purchasing Consortium (LUPC)”. Mae’r LUPC yn aelod o “Electronics Watch” ac felly mae gan Brifysgol Bangor sicrwydd bod yr offer TGCh a brynir ganddi yn dod o ffynhonellau moesegol.

Gwelliant parhaus yng Nghaffael

Yn unol â Strategaeth Caffael 2015-2020, mae gweithdrefnau caffael y brifysgol wrthi’n cael eu hadolygu ar hyn o bryd i ystyried y pwys cynyddol a roddir ar gynaliadwyedd, gan sicrhau bod asesiadau risg cynaliadwyedd yn cael eu cwblhau ar gyfer yr holl gaffaeliadau allweddol a chan fesur effeithiau cadarnhaol ein gweithdrefnau caffael ar yr economi, yr amgylchedd a’r gymuned.

Darllenwch fwy am Gyllid a Chaffael

Cyllidebu ar gyfer Cynaliadwyedd