Rhyngwladol

Rhagarweiniad

Yn ddiweddar, lansiodd y Cenedlaethol Unedig eu Nodau Datblygu Cynaliadwy, ac mae Llywodraeth Cymru wedi gweithredu’r Ddeddf Lles Cenedlaethau’r Dyfodol. Mae’r ddau yn bwysig iawn o ran cefnogi a datblygu cynaliadwyedd cenedlaethol a rhyngwladol yn arbennig SDG17 a’r pum ffordd o weithio i wella cynaliadwyedd yn y Ddeddf Llesiant Cenedlaethau’r Dyfodol.

“Yr hyn mae Cymru’n ei wneud heddiw fydd y bydd yn ei wneud yfory. Gweithredu, yn fwy na geiriau, yw’r gobaith i’n cenedlaethau presennol a chenedlaethau’r dyfodol.”

– Nikhil Seth, 2015
Cyfarwyddwr Is-adran Datblygu Cynaliadwy, DESA
Y Cenhedloedd Unedig

Partneriaeth Bangor-Makerere (Cymru-Uganda)

Gyda chefnogaeth Canolfan Cymru Affrica, mae’r Prifysgol wedi sefydlu’r Bartneriaeth Bangor-Makerere gyda Phrifysgol Makerere yn Uganda i gydweithio ar wella a hyrwyddo cynaliadwyedd yn y ddwy brifysgol a’u partneriaid trwy rannu dysgu a chydweithio gydag ymchwil ac arloesi.  Mae hyn yn cynnwys ymchwil diwydiannol, lleoliadau myfyrwyr rhyngwladol a chyfleoedd hyfforddi yn ogystal â chydweithio’n agosach rhwng y ddwy brifysgol ar lefel sefydliadol.

Mae’r bartneriaeth eisoes wedi denu amrywiaeth eang o gyfranogwyr gweithredol yn cynnwys cynllunio, adnoddau dynol, ystadau, caffael, llyfrgell, rhyngwladol, grwpiau ymchwil ac Undebau Myfyrwyr. Mae’n ennill cyllid yn ogystal â sylw gan sefydliadau fel yr United Nations Industrial Development Organisation (UNIDO), Banc y Cyd a’r Cyngor Prydeinig. Mae’r partneriaid hyn yn datblygu nifer o brojectau yn cynnwys y cyswllt Myfyrwyr Bangor-Makerere, ailddefnyddio tecstilau ac ychwanegu gwerthu at gnydau pinafal.

Y Cyswllt Myfyrwyr

Mae’r fenter hon yn cefnogi myfyrwyr o brifysgolion rhyngwladol i gydweithio ac arwain o ran datblygu cynaliadwyedd yn eu prifysgolion a chymunedau, hyrwyddo cydweithio a lles ar draws cyfandiroedd. Nod cyffredinol y Cyswllt Myfyrwyr yw dod â gwahanol fyfyrwyr o bob rhan o’r byd i gynyddu datblygu cynaliadwyedd yn eu prifysgolion a chymunedau trwy ddysgu ar y cyd.
Cyswllt Myfyrwyr Bangor-Makerere

Myfyrwyr Bangor a Makerere yn drafod gwyrddio campusau yn Uganda
Gyda chefnogaeth Canolfan Cymru Affrica, mae’r Brifysgol wedi dechrau gweithredu’r project hwn drwy greu partneriaeth gydag Undeb y Myfyrwyr ym Mhrifysgol Bangor a’r rhaglen gynaliadwyedd ym Mhrifysgol Makerere yn Uganda. Mae’r Cyswllt Myfyrwyr Bangor-Makerere yn canolbwyntio ar hyn o bryd ar bedwar prif faes:

  • gwneud trefi yn fwy gwyrdd (unrhyw fath o brojectau gwyrdd a syniadau gan fyfyrwyr)
  • gwella effeithlonrwydd ynni
  • gwella rheoli gwastraff a defnyddio adnoddau
  • cynyddu ymwybyddiaeth, cyfathrebu a chyhoeddusrwydd am gynaliadwyedd

Enghraifft o’r Cyswllt Myfyrwyr sydd eisoes ar y gweill yw project plannu coed ffrwythau ar y campws. Bydd hyn yn gwneud y campws ym Mangor a Makerere yn fwy gwyrdd ac yn darparu ffrwythau i fyfyrwyr, staff a’r cymunedau lleol ym Mangor a Kampala.

Myfyrwyr Cynaliadwyedd ym Mhrifysgol Makerere ar Facebook

Gweithredu Dillad Cynaliadwy

Mae galw gan ddefnyddwyr am ddillad drwy’r byd yn golygu bod atal tecstilau rhag mynd i safleoedd tirlenwi neu gael eu gwaredu yn broblem sy’n effeithio ar y rhan fwyaf o wledydd. Yn 2015, ymunodd Prifysgol Bangor fel partner gweithredu dillad cynaliadwy WRAP. Ers hynny, mae’r Brifysgol wedi datblygu partneriaethau gyda’r rhai sydd eisiau ailddefnyddio dillad diangen, ymestyn oes dillad a thecstilau ac annog gweithgareddau ailddefnyddio. Gan weithio’n genedlaethol a rhyngwladol gyda gwerthwyr, cymdeithasau masnach, llywodraethau, cymunedau a defnyddwyr, rydym yn chwilio am ffyrdd o leihau gwastraff yn ogystal â chryfhau cysylltiadau rhwng aelodau o gymunedau lleol, yn cynnwys staff y brifysgol a myfyrwyr, busnesau lleol ac aelodau’r cyhoedd.

Gwnaeth ein hymgyrch ddiweddar, #CaruEichDilladBangor, dreialu cyfres lwyddiannus iawn o ddigwyddiadau gyda’r bwriad o helpu pobl i wneud y gorau o’u dillad gan dynnu sylw ar yr un pryd at y materion amgylcheddol sy’n gysylltiedig â gwastraff dillad. Cynhyrchwyd templed gennym hefyd ynglŷn â sut i sefydlu digwyddiadau tebyg, yn galluogi eraill i ddysgu o’n profiadau. Gall y templed gorffenedig gael ei ddefnyddio yn awr gan amrywiaeth eang o sefydliadau unrhyw le yn y byd.

Newyddion GDC
Latchem, R.  Textile exporters take case to Africa.  MRW

Prifysgol ac Undeb y Myfyrwyr Masnach Deg

Mae Prifysgol Bangor ac Undeb y Myfyrwyr wedi ennill statws Masnach Deg ers Medi 2009 trwy wneud ymrwymiad parhaus i gefnogi Masnach Deg. Mae’r brifysgol yn gwerthu cynhyrchion masnach deg ym mhob man arlwyo, ac mae masnach deg a chynnyrch lleol yn rhan bwysig o gynllunio bwydlen Bwyd@Bangor.  Yn ogystal â’r gwaith hwn drwy gydol y flwyddyn, mae yna ymgyrch hyrwyddo bob blwyddyn i gynyddu ymwybyddiaeth am gynhyrchion masnach deg ac annog pobl i wneud dewisiadau moesegol, er enghraifft pan fyddant yn prynu bwyd, diod neu ddillad, a dangos cefnogaeth i ffermwyr a gweithwyr sy’n tyfu cnydau i ni mewn gwledydd sy’n datblygu.

Caethwasiaeth Fodern

Yn sgil cyflwyno Deddf Caethwasiaeth Fodern 2015, mae’r tîm caffael yn llunio datganiad gan Brifysgol Bangor yn nodi cadwyni cyflenwi lle ceir perygl o gaethwasiaeth neu fasnachu pobl a nodi’r camau a gyflwynir i asesu a rheoli’r risg. Gyda’n gilydd rydym yn ceisio mabwysiadu cod ymarfer Llywodraeth Cymru ar gyflogaeth foesegol mewn cadwyni cyflenwi.