Gwyddor yr Amgylchedd

Ymchwil arloesol ac addysgu sydd wedi ennill gwobrau

Rydym yn grŵp cyfeillgar a deinamig sy'n gweithio ar draws ystod o ddisgyblaethau yng ngwyddorau'r amgylchedd, o lygredd pridd a dŵr i allyriadau nwyon tŷ gwydr; o wastraff i economeg amgylcheddol, modelu hydrolegol, olion troed carbon, a phathogenau. Mae'r gwaith hwn yn mynd â ni ar draws y byd - mae gennym ni brojectau ar bob cyfandir, o'n gorsaf ymchwil ein hunain ger Bangor, i'r Arctig, Brasil, ac Indonesia. Mae ein hymchwil hefyd yn golygu ein bod yn dylanwadu ar bolisi ar sawl lefel wahanol. Pan fyddwch chi'n astudio gyda ni, rydych chi'n elwa o'r rhyngweithio uniongyrchol â staff sydd ar flaen eu maes.  Edrychwch y tudalennau gwe hyn i ddysgu mwy am yr hyn a wnawn, ac i weld sut y gallem eich helpu i ragori yn y maes pwnc hynod ddiddorol hwn.

Hanes hir o addysgu ac ymchwil

Rydym wedi cael ein cydnabod am ein haddysgu a'n hymchwil mewn gwyddor a rheoli'r amgylchedd. Rydym yn grŵp cyfeillgar a deinamig, ac yn weithgar ar draws ystod eang o ddisgyblaethau, gan arwain ymchwil i rai o'r materion amgylcheddol mwyaf dybryd ledled y byd.

Tirweddau amrywiol ar stepen eich drws

Mae Bangor yn lleoliad gwych ar gyfer astudio ac ymchwilio i faterion amgylcheddol gan ein bod funudau i ffwrdd o amrywiaeth enfawr o dirweddau ac amgylcheddau. Mae gennym ni hefyd labordy unigryw a chyfleusterau maes, a hanes hir o weithio gyda llywodraethau, diwydiant a chyflogwyr.