Ymchwil gyda'r orau yn y byd
Mae Prifysgol Bangor wedi bod ar y blaen ym maes ymchwil yng ngwyddorau'r amgylchedd ers degawdau. Mae amrywiaeth diddordebau ac arbenigedd staff yn golygu bod ein hymchwil yn helpu i ddarparu atebion i broblemau damcaniaethol a chymhwysol sylfaenol yng ngwyddorau'r amgylchedd, yn ogystal â chyfarwyddo ein haddysgu.
Ymhlith eraill, mae astudiaethau parhaus yn canolbwyntio ar newid yn yr hinsawdd, rheoli a defnyddio gwastraff, cylchu maetholion, allyriadau nwyon tŷ gwydr o systemau amaethyddol, asesiadau cylch bywyd ac olion traed carbon, microbioleg amgylcheddol (e.e. ymwrthedd i wrthfiotigau a phathogenau), diogelu'r cyflenwad bwyd (e.e. dwysáu cynaliadwy), a sawl agwedd ar wyddor pridd.
Mae pwyslais rhyngwladol iawn i'n hymchwil. Gwahoddir llawer o'r tîm yn arbenigwyr ar bwyllgorau'r llywodraeth, ac rydym yn arbennig o weithgar wrth ymgysylltu â'r cyhoedd i roi cyhoeddusrwydd i'n gwaith. Mae ein staff yn weithredol yn y meysydd ymchwil canlynol:
- Gwyddor Cadwraeth
- Cnydau a Da Byw
- Gwyddor yr Amgylchedd a Gwyddor Pridd
- Coedwigaeth
- Afonydd a Dalgylchoedd
- Pobl, Gofod a Lle
- Dadansoddi Geo-ofodol
Cyfleusterau rhagorol
Mae gennym ni gyfleusterau ardderchog ar gyfer ymchwil, gan gynnwys ein gorsaf ymchwil 252 hectar (Gorsaf Ymchwil Henfaes), lle mae llawer o brojectau wedi'u lleoli, tai gwydr, labordai, a rhizotron, a Chanolfan yr Amgylchedd Cymru.
Cydweithio rhyngwladol
Rydym yn cydweithio â phobl o bob cwr o'r byd, gan gynnwys arbenigwyr academaidd a diwydiant. Gwahoddir llawer o'r tîm yn arbenigwyr ar bwyllgorau'r llywodraeth, ac rydym yn arbennig o weithgar wrth ymgysylltu â'r cyhoedd i roi cyhoeddusrwydd i'n gwaith. Gyda'i gilydd, mae hyn yn helpu i sicrhau bod ein hymchwil yn ddefnyddiol ac yn berthnasol yn y byd go iawn. Mae pwyslais rhyngwladol iawn i'n hymchwil, gyda phrojectau wedi'u lleoli ym mhob cyfandir yn y byd, o'r Arctig i'r Antarctig.
Mynd i'r afael â materion cyfredol
Ymhlith eraill, mae astudiaethau parhaus yn ymdrin ag amrywiaeth o faterion, yn cynnwys newid yn yr hinsawdd, rheoli a defnyddio gwastraff, cylchu maetholion a gwneud y gorau o'u defnydd, allyriadau nwyon tŷ gwydr o systemau amaethyddol, asesiadau cylch bywyd ac olion traed carbon, microbioleg amgylcheddol (e.e. ymwrthedd i wrthfiotigau a phathogenau), diogelu'r cyflenwad bwyd (e.e. dwysáu cynaliadwy), a sawl agwedd ar wyddor pridd.