Overview

Bydd pynciau'n amrywio o flwyddyn i flwyddyn, gan ymateb i arbenigedd ymchwil y staff a benodir i ddysgu'r modiwl ac, i ryw raddau, diddordebau'r myfyrwyr. Mae'r pynciau posibl a gynigiwyd yn cynnwys:

• Cerddoriaeth mewn Iechyd a Lles
• Ethnogerddoreg
• Cerddoriaeth a Gwleidyddiaeth
• Cerddoriaeth gynnar a chymdeithas
• Hunaniaeth a threftadaeth ddiwylliannol
• Cerddoriaeth a Newid Hinsawdd.

Assessment Strategy

Trothwy (50-59) Gwaith sy’n dangos gafael dda ar wybodaeth ffeithiol, gyda gallu digonol i feddwl yn gysyniadol, a pheth ymwybyddiaeth o faterion methodolegol (er yn gyfyngedig), a dangos digon o dystiolaeth o ymdriniaeth gyffredinol ddeallusol, gyda mynegiant gweddol.

Da (60-69) Gwaith sy'n dangos gafael cadarn ar y pwnc, gyda lefel dda o feddwl yn gysyniadol, ymwybyddiaeth o faterion methodolegol a materion eraill, ynghyd â thystiolaeth o finiogrwydd deallusol a mynegiant da.

Rhagorol (70+) Gwaith sy’n dangos dealltwriaeth drylwyr o’r pwnc, gyda thystiolaeth o astudiaeth estynedig, meddwl yn gysyniadol a phraff, ymdriniaeth wreiddiol a medrau cyflwyno rhagorol.

Learning Outcomes

• Ar ol cwblhau'r modiwl, bydd myfyrwyr yn gallu arddangos gwybodaeth a dealltwriaeth fanwl am bynciau penodol ym maes cerddoriaeth mewn cymdeithas

• Ar ol cwblhau'r modiwl, bydd myfyrwyr yn gallu arddangos sgiliau beirniadol a dadansoddol o safon uchel

• Ar ol cwblhau'r modiwl, bydd myfyrwyr yn gallu arddangos sgiliau cyfathrebu o safon

• Ar ol cwblhau'r modiwl, bydd myfyrwyr yn gallu datblygu methodolegau addas a phriodol