Gwastraff nad yw’n bosib ei ailgylchu (caeadau du) yn y Brifysgol

Oherwydd bod y Brifysgol yn gweithio tuag at beidio ag anfon dim gwastraff i safleoedd tirlenwi, mae'r gwastraff nad yw’n bosib ei ailgylchu yn mynd i gyfleuster ‘Ynni o Wastraff’ yn Runcorn, ers canol 2018. Mae hyn yn golygu bod popeth sydd ddim yn cael ei ailgylchu gan y Brifysgol yn cael ei losgi i'w droi'n ynni. Mae metel gwerthfawr yn cael ei adfer yn ystod y broses hon ac yna yn cael ei ailgylchu. Ym mis Mai 2019, bydd ‘Parc Adfer’, Cyfleuster Adfer Ynni lleol newydd yn agor yn Sir y Fflint, Unwaith y bydd y cyfleuster hwn ar agor, bydd yr holl wastraff sydd ddim yn cael ei ailgylchu yn cael ei anfon yno.

Mae'r biniau du ledled y campws ar gyfer gwastraff sy’n amhosib i’w ailgylchu. Caiff y deunyddiau canlynol ei dderbyn yn y bin du: deunydd lapio a ffilm blastig, pecynnau creision, deunydd lapio melys/siocled/bisgedi, deunydd lapio swigod, hancesi papur gwlyb, cadachau gwlyb, cyllyll a ffyrc plastig/pren, gwellt, sachets, cwpanau coffi, bagiau plastig, masgiau, menig defnydd un-tro ac unrhyw wastraff na ellir ei ailgylchu.

Sylwer, os yw'r geiriau “pydradwy/compostadwy” ar eitemau fel gwydr yfed, cwpan goffi, cyllyll a ffyrc neu wellt, bydd angen iddynt fynd i'r bin du.

Lawrlwythwch y poster methu ailgylchu yma

A oes modd ailgylchu Cwpanau Coffi?

Ar hyn o bryd rydym yn trafod y posibilrwydd oi gasglu cwpanau coffi ar gyfer eu hailgylchu. Am y tro, nid yw’n bosib i ni eu hailgylchu oherwydd fod deunydd y cwpanau’n gyfansawdd h.y. maent wedi'u gwneud o gymysgedd o ddeunyddiau sy'n anodd eu gwahanu, a dim ond contractwyr arbenigol penodol sy'n gallu darparu gwasanaeth casglu. Dim ond llond dwrn o gyfleusterau yn y Deyrnas Unedig sy'n delio â'r gwastraff hwnnw. Rydym yn obeithiol y bydd y Brifysgol yn gallu casglu cwpanau coffi i'w hailgylchu rywbryd yn y dyfodol agos iawn.

Rydym hefyd yn edrych ar ailgylchu pethau sy'n anoddach i'w hailgylchu fel ffilm a deunydd lapio, ond mae'n debyg y cymer fwy o amser oherwydd bod angen i ni fod yn siŵr eu bod yn cael eu hailgylchu'n gynnyrch ar ddiwedd eu hoes.

Os hoffech wybod mwy am ein safbwynt ar blastig a mentrau parhaus, ewch i'r dudalen ganlynol.

Diweddarwyd y Dudalen Rhagfyr 2020.