Overview

Bydd myfyrwyr yn dysgu am bynciau fel y canlynol:

• Diffinio dwyieithrwydd, a dwyieithrwydd unigol
• Plant dwyieithog
• Dwyieithrwydd cymdeithasol
• Dwyieithrwydd yn y cartref ac yn yr ysgol
• Cyfnewid cod cymdeithasol
• Gramadeg cyfnewid cod
• Agweddau tuag at y Gymraeg a dwyieithrwydd
• Manteision deallusol dwyieithrwydd
• Dyfodol y Gymraeg yn ei chyd-destun dwyieithog
• Dysgu ail iaith fel oedolyn

Assessment Strategy

-threshold -Gradd D: Amgyffred sylfaenol o’r prif faterion sydd yn ymwneud â dwyieithrwydd. Gallu derbyniol i gasglu a chategoreiddio data ieithyddol. Yn dangos gallu cyfyngedig i ddadansoddi a deall pynciau ieithyddol yn eu cyd-destun, gan dynnu ar rai astudiaethau sydd eisoes yn bod ac ar brofiad personol. Yn gwneud defnydd sylfaenol o arddull ysgrifennu academaidd ac yn dangos gallu cyfyngedig i gyflwyno syniadau a chysyniadau perthnasol ar ffurf ysgrifenedig a llafar. Gallu sylfaenol i gymharu dwyieithrwydd yn y cyd-destun Cymreig â seftyllfaoedd dwyieithog eraill.

-good -Gradd B: Amgyffred da o’r prif faterion sydd yn ymwneud â dwyieithrwydd. Gallu clir i gasglu a chategoreiddio data ieithyddol. Yn dangos gallu i ddadansoddi a deall pynciau ieithyddol yn eu cyd-destun, gan dynnu ar astudiaethau sydd eisoes yn bod ac ar brofiad personol yn eang. Yn gwneud defnydd da o arddull ysgrifennu academaidd ac yn effeithiol ar gyflwyno syniadau a chysyniadau perthnasol ar ffurf ysgrifenedig a llafar. Gallu da i gymharu dwyieithrwydd yn y cyd-destun Cymreig â seftyllfaoedd dwyieithog eraill.

-excellent -Gradd A: Amgyffred ardderchog o’r holl faterion sydd yn ymwneud â dwyieithrwydd. Gallu clir ac eang i gasglu a chategoreiddio data ieithyddol. Yn dangos gallu heb ei ail i ddadansoddi a deall pynciau ieithyddol yn eu cyd-destun mewn modd aeddfed a sensitif, gan dynnu ar astudiaethau sydd eisoes yn bod ac ar brofiad personol yn eang ac yn effeithiol. Yn gwneud defnydd ardderchog o arddull ysgrifennu academaidd ac yn effeithiol tu hwnt ar gyflwyno syniadau a chysyniadau perthnasol ar ffurf ysgrifenedig a llafar. Gallu eithriadol a gweledigaethol i gymharu dwyieithrwydd yn y cyd-destun Cymreig â seftyllfaoedd dwyieithog eraill.

Learning Outcomes

• Bydd myfyrwyr yn gallu adolygu, synthesu ac arsylwi (gyda chymorth lle bo’r angen), mewn dull o safon uchel, llenyddiaeth emprig a damcaniaethol berthnasol.

• Bydd myfyrwyr yn gallu arddangos dealltwriaeth uchel o wahanol fathau o sefyllfaoedd dwyieithog ac amlieithog.

• Bydd myfyrwyr yn gallu arddangos gwybodaeth uchel o brif hanfodion, amcanion, rhagdybiaethau, damcaniaethau a methodolegau sydd yn cael eu defnyddio ym maes astudio dwyieithrwydd ac amlieithrwydd.

• Bydd myfyrwyr yn gallu dadansoddi data ieithyddol mewn modd soffistigedig, gan ddefnyddio methodolegau sydd yn addas ar gyfer maes dwyieithrwydd.

• Bydd myfyrwyr yn gallu ennill gwybodaeth a dealltwriaeth uchel o sefyllfa’r iaith Gymraeg a’i phobl o ran dwyieithrwydd, gan arddangos gallu i gymharu’r sefyllfa yng Nghymru â sefyllfaoedd dwyieithog tebyg ledled byd, o sawl safbwynt.