Overview

Hyd y gwaith: • Traethawd hir: 15,000–20,000 o eiriau. Gall y nifer geiriau fod yn llai os yw’r traethawd yn cynnwys deunydd dadansoddiadol graffig neu ar ffurf tabl (e.e. dadansoddiad Schenkeraidd); • Golygiad: portffolio o drawsgrifiadau mewn nodiant o gerddoriaeth wedi ei drafod a’i gytuno gyda’r arolygydd, ynghyd â sylwebaeth lawn a thraethawd o oddeutu 5,000–10,000 o eiriau; • Cyfansoddiad (mewn nodiant): un gwaith sylweddol neu bortffolio o ddarnau sydd yn sylweddol o ran cwmpas, oddeutu 20–25 munud o ran hyd, ynghyd â sylwebaeth o oddeutu 2,000 o eiriau; • Cyfansoddiad (acwsmataidd/celf sonig): portffolio o ddarnau sydd yn sylweddol o ran cwmpas, oddeutu 14–16 munud mewn perfformiad, ynghyd â sylwebaeth o oddeutu 2,000 o eiriau; • Datganiad: datganiad cyhoeddus o oddeutu 50–60 munud o ran hyd (heb gynnwys seibiannau a thoriadau rhwng y darnau), ynghyd â nodiadau rhaglen. Ar gyfer myfyrwyr sy’n dilyn MA mewn Cerddoriaeth ag Addysg sydd yn dewis perfformiad fel eu project terfynol, fe ddylai’r datganiad fod oddeutu 30–35 munud (heb gynnwys seibiannau a thoriadau rhwng y darnau), ynghyd â nodiadau rhaglen (fe fydd y perfformiad a’r nodiadau rhaglen yn pwyso 90% a 10% fel ei gilydd); • Darlith-Ddatganiad: perfformiad o oddeutu 50–60 munud o ran hyd (heb gynnwys seibiannau a thoriadau rhwng y darnau), ynghyd â sylwebaeth eiriol o tua 2,000 o eiriau (asesir y perfformiad a’r sylwebaeth fel un eitem o asesiad). Ar gyfer myfyrwyr sy’n dilyn MA mewn Cerddoriaeth ag Addysg sydd yn dewis y Darlith-Ddatganiad fel eu project terfynol, fe ddylai’r datganiad fod oddeutu 30–35 munud (heb gynnwys seibiannau a thoriadau rhwng y darnau), ynghyd â nodiadau rhaglen (fe fydd y perfformiad a’r nodiadau rhaglen yn pwyso 90% a 10% fel ei gilydd); • Portffolio o ddeunyddiau addysgiadol: 15,000–20,000 o eiriau, neu 20–25 munud o gerddoriaeth, neu gydbwysedd cyfartal o’r ddau, neu debyg. Fe fydd angen i’r arolygwr gytuno ar hyd a lled y project o flaen llaw; – Mewn rhai amgylchiadau (e.e. myfyrwyr sydd yn dilyn y cwrs MA Cerddoriaeth ag Addysg), fe fydd yn bosib cyfuno mwy nag un math o gyflwyniad o fewn un project, neu i gytuno ar fath gwahanol o gyflwyniad. Fodd bynnag, fe fydd angen i natur project o’r fath gael ei gymeradwyo rhag blaen gan is-bwyllgor o’r Bwrdd Arholwyr.

Learning Outcomes

• Er mwyn cwblhau’r modiwl yn llwyddiannus, fe ddylai’r myfyriwr arddangos dealltwriaeth wreiddiol a/neu annibyniaeth greadiol;

• Er mwyn cwblhau’r modiwl yn llwyddiannus, fe ddylai’r myfyriwr arddangos sgiliau ymchwil soffistigedig sy’n arddangos ystod eang o fethodolegau ymchwil addas ym maes cerddoreg; sgiliau golygu soffistigedig yn achos golygiad gyda sylwebaeth; tystiolaeth o allu creadigol a thechnegol ym maes cyfansoddi; neu sgiliau technegol a rheolaeth gywir, ynghyd â dealltwriaeth amlwg o’r gerddoriaeth, yn achos perfformiad.

• Er mwyn cwblhau’r modiwl yn llwyddiannus, fe ddylai’r myfyriwr arddangos y gallu i arddangos ystod eang o sgiliau yn eu maes dewisol;

• Er mwyn cwblhau’r modiwl yn llwyddiannus, fe ddylai’r myfyriwr arddangos y gallu i ddatblygu dadl (mewn rhyddiaith a/neu mewn cerddoriaeth) gan gyfathrebu’n glir ac mewn modd effeithiol;

• Er mwyn cwblhau’r modiwl yn llwyddiannus, fe ddylai’r myfyriwr arddangos y gallu i ddeall ystod eang o gysyniadau a thechnegau yn eu maes dewisol;

• Er mwyn cwblhau’r modiwl yn llwyddiannus, fe ddylai’r myfyriwr arddangos y gallu i feddwl a phwyso a mesur yn feirniadol ac yn annibynnol;

• Er mwyn cwblhau’r modiwl yn llwyddiannus, fe ddylai’r myfyriwr arddangos y gallu i gwblhau a chyflwyno darn estynedig o waith sydd yn arddangos dealltwriaeth fanwl o’r maes dan sylw;