Ynglŷn â’r Cwrs Yma
Bwriedir y graddau hyn ar gyfer myfyrwyr sydd â diddordeb mewn cyrsiau sy’n pwysleisio defnyddio meddalwedd mewn busnes a diwydiant. Mae’r cwrs CIS yn rhoi sylfaen mewn cyfrifiadureg, adeiladu a defnyddio systemau cronfa ddata, technolegau cyfryngau newydd, gweinyddu systemau, deallusrwydd artiffisial a systemau gwybodaeth busnes. Yn ystod eich cyfnod ym Mangor byddwch yn datblygu dealltwriaeth o’r hanfodion sy’n sail i systemau gwybodaeth gyfrifiadurol a’u defnyddio mewn diwydiant. Byddwch yn gallu disgrifio gweithrediad y systemau hyn a defnyddio ystod o egwyddorion a chysyniadau i gynhyrchu meddalwedd sydd wedi’i hadeiladu’n iawn. Byddwch yn deall yr hyn sy’n ysgogi tueddiadau’r dyfodol yn y maes hwn sy’n newid yn gyflym. Cyflwynwyd modiwlau newydd yn ddiweddar a fydd yn eich galluogi i ddylunio ac adeiladu eich rhwydwaith cyfrifiadurol eich hun. Gwneir y gwaith hwn mewn labordy rhwydwaith arbenigol a ddatblygwyd yn ddiweddar.
Mae Systemau Gwybodaeth Gyfrifiadurol (CIS) ar gyfer Busnes yn amrywiad o’r radd CIS ac mae’n rhoi cyfle i astudio amrywiaeth o fodiwlau mewn Busnes ym Mangor.
Pam Dewis Bangor?
- Mae’r cyrsiau hyn yn cael eu hatgyfnerthu gan y cysylltiadau agos sydd gan Bangor â’r diwydiant cyfrifiaduron.
- Mae cyfleoedd i gael nawdd ac ysgoloriaeth ar sail gystadleuol.
- Cynhelir projectau blwyddyn olaf yn aml mewn cydweithrediad â chwmni. Yn ddiweddar rydym wedi gosod labordy rhwydweithio mawr.
- Mae’r cyfleuster hwn wedi’i gynllunio i roi cyfle i fyfyrwyr ddylunio a gweinyddu rhwydweithiau ac i gefnogi cyflwyno modiwlau saernïaeth cyfrifiaduron.
Cynnwys y Cwrs
Byddwch yn treulio tua 12 awr mewn darlithoedd ac 8 awr mewn labordai bob wythnos. Byddwch hefyd yn cael tiwtorialau mewn rhai modiwlau a bydd yn rhaid i chi weithio ar ddylunio meddalwedd a chwblhau gwahanol aseiniadau datrys problemau. Byddwch yn cael cyfle i wneud projectau’n unigol ac fel aelod o dîm, yn cynnwys y project tîm datblygu meddalwedd ‘Software Hut’ ym mlwyddyn 2. Bydd gwaith project yn eich galluogi i ddatblygu eich sgiliau dylunio creadigol a thechnegol yn ogystal â defnyddio egwyddorion damcaniaethol. Asesir modiwlau trwy arholiadau, asesu parhaus neu gyfuniad o’r ddau.
Modiwlau ar gyfer y flwyddyn academaidd gyfredol
Mae’r rhestrau modiwlau ar gyfer eich arwain yn unig ac fe allant newid. Cymerwch olwg ar yr hyn y mae ein myfyrwyr yn ei astudio ar hyn o bryd ar tudalen Modwilau Systemau Gwybodaeth Cyfrifiadurol .
Mae cynnwys y cwrs wedi'i nodi i’ch arwain yn unig ac fe all newid.
Costau'r Cwrs
Costau Cyffredinol yn y Brifysgol
Myfyrwyr Cartref (DU)
- Cost cwrs israddedig llawn-amser yw £9,000 y flwyddyn (mynediad yn 2021/22).
- Mwy o wybodaeth am ffioedd a chyllid i fyfyrwyr Cartref (DU).
Myfyrwyr Rhyngwladol (yn cynnwys yr UE)
Costau Ychwanegol
Mae yna hefyd rai costau ychwanegol cyffredin sy'n debygol o godi i fyfyrwyr ar bob cwrs, er enghraifft:
- Os dewiswch chi astudio dramor neu gymryd y Flwyddyn Profiad Rhyngwladol fel rhan o'ch cwrs.
- Os ydych chi'n mynd i'ch Seremoni Raddio, bydd cost llogi gŵn (£25- £75) a chost am docynnau i westeion ychwanegol (tua £12 yr un).
Costau ychwanegol cwrs-benodol
Yn dibynnu ar y cwrs rydych chi'n ei astudio, efallai y bydd costau ychwanegol cwrs-benodol y bydd gofyn i chi eu talu. Gellir rhoi'r costau hyn mewn tri chategori:
- Costau Gorfodol: mae'r rhain yn gysylltiedig â modiwl craidd neu orfodol penodol y mae'n ofynnol i chi ei gwblhau i gwblhau eich cymhwyster e.e. teithiau maes gorfodol, gwisgoedd i fyfyrwyr ar leoliad, gwiriad gan y Gwasanaeth Datgelu a Gwahardd (DBS).
- Costau Angenrheidiol: efallai na fydd pob myfyriwr yn cael y costau hyn, a bydd yn amrywio yn dibynnu ar y cwrs e.e. aelodaeth o gorff proffesiynol, teithio i leoliadau, meddalwedd arbenigol, cyfarpar diogelu personol.
- Costau Dewisol: mae'r rhain yn dibynnu ar eich dewis o fodiwlau neu weithgaredd, ac fe'u dangosir er mwyn rhoi syniad ichi o'r costau dewisol a allai godi i sicrhau bod cymaint o wybodaeth â phosibl ar gael i chi cyn i chi wneud eich dewis. Gall y rhain gynnwys digwyddiadau graddio ar gyfer eich cwrs, teithiau maes dewisol, tripiau Wythnos Groeso.
Gofynion Mynediad
Ar gyfer mynediad yn 2021:
Mae'r cynigion yn seiliedig ar dariffau, 80 - 96 pwynt tariff o gymwysterau Lefel 3* e.e.:
- Lefel A (ac eithrio Astudiaethau Cyffredinol)
- BTEC Cenedlaethol/Diploma Estynedig a Diploma Technegol Estynedig Caergrawnt: MMP - MMM
- Diploma Technegol/Estynedig Uwch City & Guilds: ystyrir fesul achos
- Derbynnir Diploma Bagloriaeth Ryngwladol
- Mynediad
- Derbynnir Bagloriaeth Cymru
- Ni dderbynnir Sgiliau Allweddol
Ymgeiswyr Rhyngwladol: derbynnir cymwysterau gadael ysgol a diplomâu coleg o wledydd ledled y byd (yn amodol ar ofynion iaith Saesneg penodol). Cewch ragor o wybodaeth yma.
Rydym hefyd yn croesawu ceisiadau gan ymgeiswyr hŷn.
*I gael manylion llawn ewch i wefan i weld rhestr lawn o'r cymwysterau Lefel 3 a dderbynnir, ewch i www.ucas.com
Gofynion Cyffredinol y Brifysgol
Yma ym Mangor rydym yn derbyn myfyrwyr â phob math o gymwysterau a chefndiroedd. Rydym yn ystyried pob cais yn unigol a hyd yn oed os nad ydych yn cael canlyniadau sy’n cyfateb i delerau eich cynnig gwreiddiol, gwnawn ein gorau i fod yn hyblyg i’ch cais.
Mae’n rhaid i bob ymgeisydd gael sgiliau sylfaenol da ond mae’r Brifysgol hefyd yn gweld pwysigrwydd sgiliau cyfathrebu a thechnoleg gwybodaeth.Am fanylion pellach
Mae’n bolisi gan y Brifysgol i ystyried ceisiadau gan ddarpar fyfyrwyr anabl yn yr un modd â; phob cais arall.
I astudio cwrs gradd, diploma a thystysgrif mae’n rhaid i chi gael isafswm o bwyntiau tariff UCAS. Am eglurhad manwl o bwyntiau tariff UCAS, ewch i www.ucas.com
Rydym yn ystyried ceisiadau gan fyfyrwyr hŷn sy’n medru dangos fod ganddynt y gallu a’r ymrwymiad i astudio rhaglen prifysgol. Bob blwyddyn rydym yn cofrestru nifer sylweddol o fyfyrwyr hŷn.
Mae gofynion mynediad mwy penodol i’w cael ar y tudalennau cwrs unigol.
Am fanylion pellach
E-bostiwch Derbyniadau Cyffredinol: admissions@bangor.ac.uk
Ffôn: 01248 383717
Gyrfaoedd
Bydd gan raddedigion y sgiliau a’r wybodaeth ar gyfer gyrfa mewn dylunio a defnyddio systemau TGCh, dylunio meddalwedd, cyfathrebu a rhwydweithio, rhaglenni cyfrifiadur, rheoli TG, gwerthu cyfrifiaduron a marchnata.
Cyfleoedd ym Mangor
Profiad Gwaith a Gwirfoddoli
Mae Canolfan Sgiliau a Chyflogadwyedd y Brifysgol yn cynnig amryw o adnoddau i’ch helpu i gyflawni eich amcanion ar ôl graddio. Mae’n dod yn gynyddol bwysig yn y farchnad swyddi heddiw i ddatblygu eich sgiliau personol a gwella eich cyflogadwyedd tra byddwch yn y brifysgol.
Ymysg y profiadau a gynigir gan y Ganolfan Gyrfaoedd a Chyflogadwyedd i helpu eich datblygiad personol a’ch gyrfa, mae rhaglenni lleoliadau gwaith, cynlluniau blasu gwaith, swyddi rhan-amser a chynlluniau gwirfoddoli a mentora.
Gwobr Cyflogadwyedd Bangor
Mae Gwobr Cyflogadwyedd Bangor wedi ei gynllunio i wella rhagolygon gwaith ein myfyrwyr. Mae’n cynnig cyfleoedd rhad ac am ddim i ennill y sgiliau a’r profiadau eu hangen ar gyflogwyr, yn seiliedig ar yr ymchwil diweddaraf.Mae graddedigion y Wobr yn cael tystysgrif a thrawsgrifiad o’u gweithgareddau allgyrsiol o Brifysgol Bangor. Mae’r Wobr hefyd yn cynnig cyrsiau hyfforddi am ddim, yn helpu i’ch paratoi ar gyfer cyfweliadau, yn rhoi mynediad at feddalwedd gyrfaoedd ar-lein ac yn helpu i ddatblygu eich portffolio sgiliau o dystiolaeth ar gyfer cyflogwyr.
Rhaglen Interniaeth Prifysgol Bangor
Mae'r Brifysgol yn cynnal cynllun interniaeth sy’n cynnig y cyfle i ennill profiad gwaith â thâl ar lefel raddedig mewn Ysgolion academaidd ac adrannau gwasanaeth y Brifysgol.
Mae’r cynllun yn agored i fyfyrwyr israddedig ac mae’r gwaith interniaeth ac unrhyw hyfforddiant a dderbynnir yn cael ei gofnodi yn awtomatig ar eich cofnod o weithgareddau Gwobr Cyflogadwyedd Bangor.
TARGETconnect - Gweithio tra'n astudio
Mae'r Gwasanaeth Sgiliau a Chyflogadwyedd yn cynnig cefnogaeth i fyfyrwyr sy'n chwilio am waith yn ystod ac yn dilyn eu cyfnod yma.
Mae TARGETconnect yn hysbysebu'r cyfleoedd canlynol:
- Swyddi i Raddedigon – yn lleol, yn genedlaethol a rhyngwladol
- Swyddi llawn-amser, rhan-amser, parhaol a thros dro
- Profiad gwaith ac interniaethau
- Cyfleon Gwirfoddol
