Cemegion a Rheoli Sylweddau Peryglus i Iechyd (COSHH)

Mae yna amrywiaeth o gemegion a deunyddiau yn y brifysgol, mae rhai yn berffaith ddiogel, gall eraill achosi niwed i chi, plentyn yn y groth neu niweidio'r amgylchedd. Dyna pam cyn cynnal unrhyw arbrawf yn y brifysgol, rhaid i chi gynnal Asesiad COSHH bob amser.

Cwblhau Asesiad COSHH

Mae'r broses hon yn hanfodol i ddarganfod beth yw'r peryglon o ddefnyddio'r cemegyn a bydd hefyd yn eich helpu i ddarganfod pa gamau rheoli y mae angen i chi eu rhoi ar waith i reoli unrhyw risg. Fodd bynnag, peidiwch byth â chymryd yn ganiataol oherwydd eich bod wedi gweithio gyda'r cemegyn yn flaenorol eich bod yn deall y risgiau sy'n gysylltiedig ag ef oherwydd bydd sut y bydd yn ymateb hefyd yn dibynnu ar nifer o ffactorau eraill, er enghraifft:

Crynodiad
Maint sy'n cael ei ddefnyddio
Sut y bydd yn ymateb gyda chemegion eraill sy'n cael eu defnyddio
Sut y bydd yn ymateb yn ystod y prosesau sy'n cael eu defnyddio

Dyna pam cyn dechrau eich Asesiad COSHH mae'n rhaid i chi gyfeirio at ganllawiau fel eich bod yn deall y cemegyn rydych yn gweithio gydag ef yn llawn. Ffynonellau gwybodaeth defnyddiol i nodi peryglon cemegol yw'r Taflenni Data Diogelwch ac mae'r gronfa ddata Sigma-Aldrich a'r wefan PubChem yn ffynonellau da o wybodaeth o'r fath, ac os na allwch ddod o hyd i wybodaeth am y cemegyn peidiwch â'i ddefnyddio a gofynnwch i'ch goruchwyliwr am help. Mae Alfa Aesar hefyd yn darparu cronfa ddata MSDS chwiliadwy dda.

Cynhyrchwyd y canllawiau canlynol i'ch helpu i ddeall proses Asesu COSHH. Mae'r canllawiau'n cynnwys Ffurflen Asesu COSHH wag y gallwch deipio ynddi'n syth a phecyn hyfforddi PowerPoint ar sut i gynnal asesiad COSHH.

Diogelwch gyda chemegion

Yn ogystal, paratowyd nifer o Daflenni Gwybodaeth ar bynciau diogelwch cemegol penodol. Gobeithir y bydd y rhain yn darparu gwybodaeth ddefnyddiol ac yn ateb cwestiynau cyffredin ynglŷn â diogelwch cemegol, er enghraifft cydnawsedd cemegol, storio cemegion yn ddiogel ac ati.

Os yw'ch ysgol/adran yn bwriadu cynhyrchu a chyflenwi cemegion unigryw yna bydd y Rheoliadau Dosbarthu, Labelu a Phecynnu (CLP) yn berthnasol ar unwaith (yn ogystal â Chofrestru, Gwerthuso, Awdurdodi a Chyfyngu ar Gemegau (REACH)). Ceir rhagor o wybodaeth gan yr Awdurdod Gweithredol Iechyd a Diogelwch neu:

Pa gemegion a restrir fel rhai "peryglus"?

Mae'r Tabl o gofnodion wedi'u cysoni yn Atodiad VI i CLP ECHA wedi paratoi tabl excel sy'n cynnwys yr holl ddiweddariadau i ddosbarthu a labelu sylweddau peryglus wedi'u cysoni, sydd ar gael yn Nhabl 3.1 o Atodiad VI i'r Rheoliad CLP.

Mae'r tabl excel sy'n cynnwys yr holl ddiweddariadau i ddosbarthu a labelu sylweddau peryglus wedi'u cysoni ar gael yma.

Gwybodaeth Newydd am Beryglon a'u Labelu - gweler y cyswllt

Ers 1 Mehefin 2015, newidiodd y math o labeli rhybuddio ar sylweddau peryglus a ddosberthir/a gyflenwir gan wneuthurwyr ac ati o'r 'sgwâr oren' traddodiadol i siâp 'diemwnt' safon y byd. Mae llawer o'r delweddau wedi aros yr un peth ond cyflwynwyd nifer o ddelweddau rhybuddio newydd hefyd.

Hefyd, cyflwynodd CLP ddatganiadau rhybuddio a rhagofalus wedi'u cysoni ar gyfer labeli, a oedd yn disodli hen arddull yr ymadroddion risg a diogelwch.

Datganiadau peryglon ar gyfer labeli, er enghraifft:

H240 - Gall gwresogi achosi ffrwydrad
H320 - Yn achosi llid yn y llygaid
H401 - Gwenwynig i fywyd dyfrol

Datganiadau rhagofalus ar gyfer labeli, er enghraifft:

P102 - Cadwch y tu hwnt i gyrraedd plant
P271 - Defnyddiwch yn yr awyr agored yn unig neu mewn man sydd wedi'i awyru'n dda
P410 - Cadwch rhag golau'r haul

Mae rhagor o wybodaeth am y Rheoliadau CLP ar safle yr Awdurdod Gweithredol Iechyd a Diogelwch ac yn Nhaflen Wybodaeth 8 fel y manylir uchod.

Ffynonellau gwybodaeth defnyddiol:

Gwybodaeth a chanllawiau'r Awdurdod Gweithredol Iechyd a Diogelwch

Defnyddio offer labordy'n ddiogel

Taflen wybodaeth data cemegol a diogelwch