Covid-19 - Cydweithio

Mae mesurau ar waith i liniaru a rheoli risg Covid-19 a sylw dyledus i’r canllawiau a’r gofynion diweddaraf ac yn sgil adolygiad pellach o'n hasesiad risg Covid-19 sefydliadol. Bu cefnogaeth ein cydweithwyr o’r undebau llafur a phob un ohonoch yn amhrisiadwy mewn cyfnod anodd iawn.

Cliciwch ar un o'r dolenni cyflym i fynd yn syth at wybodaeth bellach:

Cydweithio
A blwyddyn academaidd 2021/22 ar gychwyn, bydd y Brifysgol yn gweithredu ychydig yn wahanol i'r cyfnod cyn-Covid. Fodd bynnag, fel egwyddor arweiniol, mae'r Brifysgol yn annog pawb i gydweithredu, ystyried eraill, cydweithio ag eraill, a pharch tuag at ein gilydd, yn enwedig a ninnau’n dod i arfer â newidiadau a heriau parhaus Covid-19.

Cyfathrebu a Gwybodaeth Bellach
Mae torreth o wybodaeth a chyngor, a’r rheini'n cael eu diweddaru'n rheolaidd, ar Wefan y Brifysgol.

Cadw Pellter Cymdeithasol a Niferoedd mewn Ystafelloedd
Caiff mannau addysgu, ymchwilio, astudio a gweithio eu sefydlu ar y campws a byddant yn gweithredu mewn modd a fydd yn helpu cadw pawb yn ddiogel. Bydd y rheolaethau'n cynnwys trefniadau cadw pellter cymdeithasol, llai o niferoedd a chynhwysedd mewn ystafelloedd, rhai cynlluniau ystafelloedd wedi’u trefnu ymlaen llaw, mwy o awyru/puro a glanhau’r aer, a rheoli llif pobl.

  • Grwpiau Cyswllt: Nodwedd allweddol o ddull rheoli risg y Brifysgol ar gyfer dechrau'r flwyddyn academaidd 2021/22 yw'r defnydd o Grwpiau Cyswllt Myfyrwyr sengl neu luosog, lle nad oes angen i'r rheini yn y Grŵp Cyswllt eistedd 2 fetr oddi wrth eu ffrindiau. Bydd gweithredu gyda Grwpiau Cyswllt bach yn lleihau'r risg o drosglwyddo ar raddfa fwy. Bydd hefyd yn lleihau nifer y myfyrwyr y bydd y system Profi, Olrhain a Diogelu’n cysylltu â nhw ac yn eu cynghori i hunanynysu (os nad ydynt wedi'u brechu) neu i gael Profion Covid PCR, os ystyrir y buont mewn cysylltiad clos â rhywun a brofodd yn bositif o ran Covid-19.
  • Swyddfeydd: Defnydd sengl fydd i Swyddfeydd y Staff oni fydd asesiad penodol o'r gofod, yr awyru, a'r gallu i gadw pellter cymdeithasol oddi wrth gydweithwyr. Bydd y Rheolwyr Llinell yn trafod ffyrdd o ddefnyddio mannau swyddfeydd a rennir, er enghraifft rota defnyddio ystafell.
  • Darlithfeydd: Un o’r egwyddorion craidd o ran sefydlu ystafelloedd fydd ceisio sicrhau y gall y Darlithwyr aros o leiaf 2 fetr oddi wrth y lleill. Mae'n anochel y bydd gweithredu'r trefniant i gadw pellter cymdeithasol ochr yn ochr â Grwpiau Cyswllt ymyfyrwyr (a’r asesiadau awyru) yn arwain at lai o le i bobl yn yr ystafelloedd.
    Bydd ystafelloedd tiwtorialau a darlithfeydd llai ar gyfer grŵp cyswllt 'sengl' o fyfyrwyr o ddim mwy na 30 o fyfyrwyr.
    Caiff y darlithfeydd mwy o faint eu sefydlu gyda 'lluosrifau' o Grwpiau Cyswllt myfyrwyr bach a phellter o 2 fetr rhwng pob grŵp. Er enghraifft, yn y darlithfeydd mawr, lle mae seddi sefydlog, caiff pob yn ail res o seddi eu 'tynnu allan' ac efallai mai grŵp cyswllt fydd yn y rhes o seddi a ‘feddiannir’. Mewn ystafelloedd eraill, gellid gosod y cadeiriau mewn clystyrau bach, a neilltuo rhif unigryw ar gyfer mynediad i'r Ap Mewngofnodi.
    Defnyddir yr Ap Mewngofnodi ar gyfer yr holl sesiynau a thiwtorialau hyfforddedig.
  • Labordai: Caiff y Labordai Addysgu eu sefydlu fesul achos. Gan ddibynnu ar y mesurau rheoli eraill sydd ar waith a’r cyfraddau meddiannaeth a maint Grwpiau Cyswllt y myfyrwyr, bydd yn amrywio yn ôl cynllun a rheolaethau’r labordy.
  • Ardaloedd Cymunedol: Dylai’r staff a’r myfyrwyr wneud pob ymdrech i gadw pellter cymdeithasol mewn mannau cymunedol (e.e., coridorau, lifftiau, toiledau, mannau dysgu cymdeithasol) a dilyn yr holl ganllawiau penodol os mai dyna’r cyfarwyddyd. Dylid cadw pellter cymdeithasol o 2 fetr o leiaf a gwisgo gorchuddion wyneb.
  • Mannau Ymchwil: bydd y Coleg perthnasol yn asesu risg y labordai a mannau ymchwil tebyg i nodi’r rheolaethau sy’n ymwneud â Covid-19 a’r niferoedd perthnasol. Ni ddefnyddir Grwpiau Cyswllt ar gyfer y staff a bydd yn rhaid cadw pellter cymdeithasol am y tro.

Cofiwch: wrth i gyfraddau a nifer achosion Covid-19 leihau ac wrth i'w effaith leihau, gallai lefelau meddiannaeth darlithfeydd ac ystafelloedd seminar a maint grwpiau cyswllt gynyddu.

Gorchuddion Wyneb
Er diogelwch pawb, staff, myfyrwyr a'n cymunedau, ac yn arbennig er diogelwch y rhai sydd â gwendidau iechyd, rhaid gwisgo gorchuddion wyneb yn holl adeiladau'r Brifysgol, oni bai eu bod wedi'u heithrio neu yn unol â chyfarwyddyd yr asesiad risg gweithgaredd.

Wrth gwrs, gellir tynnu gorchuddion wyneb wrth fwyta ac yfed, tra mewn swyddfeydd a cherbydau deiliadaeth sengl neu wrth roi darlith.

Cofiwch fod rhai pobl wedi'u heithrio rhag gwisgo gorchudd wyneb. Rydym yn annog pobl sydd wedi'u heithrio i gario cerdyn eithrio neu fathodyn yn lle.

Mae gwisgo gorchudd wyneb yn helpu i amddiffyn nid yn unig ein hunain ond hefyd yn helpu i ddiogelu eraill a allai fod mewn mwy o risg o'r firws hwn. Bydd polisi'r Brifysgol ar orchuddion wyneb yn cael ei adolygu'n barhaus a gall newid yn ystod y flwyddyn.

Awyru
Mae Gwasanaethau Campws wedi asesu cannoedd o unedau awyru mecanyddol a systemau neilltuol ledled yr ystâd i gloriannu eu haddasrwydd, gan wneud addasiadau, lle bo angen, i gynyddu llif yr aer. Mae'r Brifysgol yn ceisio dilyn yr egwyddorion dylunio a gweithredu a nodir yn safon genedlaethol CIBSE.

Cymerwch amser i wylio'r fideo hon ar awyru a Covid-19:

Lle nad oes systemau awyru mecanyddol wedi'u gosod ac nad yw’r trefniadau awyru eraill yn ddigonol, defnyddir unedau hidlo aer effeithlonrwydd uchel cludadwy ychwanegol (unedau HEPA) hefyd, yn enwedig mewn llawer o ystafelloedd seminar a darlithoedd llai o faint lle nad oes dulliau awyru mecanyddol.

Bydd yr unedau HEPA hyn wedi'u gosod i dynnu’r aer oddi wrth y darlithydd a dylent weithredu’n ychwanegol at agor rhai ffenestri, ac nid fel dewis arall yn lle agor ffenestri. Bydd rhai unedau mwy o faint ychydig yn swnllyd, a ryw fwmial yn y cendir, ond peidiwch â'u diffodd.

Os sylwch chi nad yw uned HEPA neu system awyru'n gweithio'n iawn, rhowch wybod i Ddesg Gymorth Gwasanaethau’r Campws ar unwaith.

Cofiwch, bydd unedau aerdymheru yn aros yn ynysig oni bai eu bod wedi'u cynllunio i weithio gyda chyflenwad digonol o awyr iach, neu fod eu defnydd wedi'i gymeradwyo yn sgil asesiad lleol.

Glanhau
Bydd cyfundrefnau glanhau dwys ar waith a phwyslais mawr ar fannau cyffwrdd yr ardaloedd cymunedol allweddol. Darperir deunyddiau glanhau addas wrth bob darllenfa ac maent ar gael yn gyffredinol i lanhau swyddfeydd. Darperir cadachau wrth yr holl lungopïwyr, ac yn y blaen.

Os oes gennych unrhyw bryderon ynghylch lefel y glanhau, cysylltwch â Desg Gymorth Gwasanaethau’r Campws.

Hylendid y Dwylo
Mae cyfrifoldeb ar bawb i barhau i sicrhau hylendid eu dwylo, yn enwedig trwy lanweithio a/neu olchi eu dwylo’n rheolaidd.

Mae mannau glanweithio’r dwylo ym mhob adeilad a dylid eu defnyddio wrth fynd i mewn ac wrth fynd allan ac yn rheolaidd yn ystod y dydd. Darperir sebon gwrth-facteriol/firaol addas ym mhob maes lles, yn ogystal â thyweli papur i sychu’r dwylo.

Ap Mewngofnodi’r Brifysgol
Fel y gwyddwn bellach, addaswyd Ap Monitro Presenoldeb y Brifysgol y llynedd i’w ddefnyddio i gofnodi presenoldeb ym mhob gweithgaredd addysgu a dysgu. Fe'i defnyddiwyd hefyd ar gyfer digwyddiadau eraill y myfyrwyr , megis gweithgareddau Clybiau a Chymdeithasau Undeb y Myfyrwyr ac ar gyfer cofnodi cysylltiadau a chyfarfodydd erailly myfyrwyr . Mae'r Ap Mewngofnodi’n dal i fod yn rhan allweddol o’r trefniadau i atal Covid-19, a rhannwn wybodaeth gyda’r gyda drefn Profi, Olrhain a Diogelu lle bo hynny'n briodol.

Cafodd yr Ap Mewngofnodi ei addasu ymhellach eleni i alluogi myfyrwyr i nodi manylion eu Grwpiau Cyswllt unigol/neilltuolyn eu darlithoedd/seminarau. Dyna'r Grwpiau Cyswllt bach lluosog y cyfeirir atynt uchod.

Profion Covid-19
Rydym yn annog pob aelod o gymuned y Brifysgol i sefyll profion Covid-19 ar ddyfais llif ochrol rheolaidd (LFD). Mae Pecynnau Prawf Cartref ar gael ledled y Brifysgol, mae manylion ar gael yn Nghwestiynau Cyffredin Covid-19 y Staff a Chwestiynau Cyffredin i Fyfyrwyr, neu gallwch archebu trwy'r post trwy’r cyswllt hwn. Gallwch hefyd ddarganfod ble y gallwch gael gafael ar gitiau LFD yn agosach at adref trwy’r cyswllt: GIG Cymru a gwyddoch fod citiau bellach ar gael yn y Fferyllfa leol.

Mewn rhai achosion, gan ddibynnu ar y gweithgaredd (e.e., gwaith cyswllt clos) bydd angen prawf o brawf LFD Covid-19 negyddol.

Gofynnir i'r holl staff a myfyrwyr a ddaw i'r campws fis Medi a mis Hydref sefyll profion LFD ddwywaith yr wythnos am 28 diwrnod, a’u profi eu hunain cyn cyrraedd am y tro cyntaf. Rydym yn argymhell y camau hyn oherwydd ein bod yn rhagweld y bydd cynnydd mewn achosion Covid-19 ar ddechrau'r tymor a gall hunanbrofi leihau nifer yr achosion yn ddirfawr a’r potensial o’i drosglwyddo i eraIll. Gofynnwn i chi gefnogi’r ymdrechion i reoli Covid-19 a chymryd profion yn rheolaidd.

Mae manylion ynglŷn â sut mae cael Prawf PCR coronafirws ar gael yn Nghwestiynau Cyffredin Covid-19 y Staff a Chwestiynau Cyffredin i Fyfyrwyr.

Achosion Covid-19 positif
Rhaid i bawb sy'n profi'n bositif am Covid-19, p'un ai a yw gartref neu ar y campws, roi gwybod i'r Brifysgol trwy linell adrodd COVID er mwyn inni allu cynnig cefnogaeth. Bydd hynny hefyd yn helpu'r Brifysgol gefnogi gwasanaeth Profi, Olrhain a Diogelu’r Gwasanaeth Iechyd yn ôl yr angen.

Os ydych chi wedi profi'n bositif am Covid-19 (ac wedi uwchlwytho'ch canlyniad os ydych chi'n defnyddio LFD), bydd gwasanaeth Prawf, Olrhain a Diogelu GIG Cymru’n cysylltu â chi. Mae mwy o wybodaeth am yr hyn y gallwch ei ddisgwyl ar gael yma.

Mae mwy o wybodaeth ar gael yn Nghwestiynau Cyffredin Covid-19 y Staff a Chwestiynau Cyffredin i Fyfyrwyr.

Cyswllt Clos ag achos Covid-19 Positif
Os cewch eich nodi fel cyswllt clos, bydd y tîm Profi, Olrhain a Diogelu’n cysylltu â chi. Dilynwch eu cyfarwyddiadau a hunanynysu os gofynnant i chi wneud hynny a/neu gymryd y ddau Brawf Covid PCR yn ôl y cyfarwyddyd.

Mae mwy o wybodaeth ar gael ynglŷn yn Nghwestiynau Cyffredin Covid-19 y Staff a Chwestiynau Cyffredin i Fyfyrwyr.

Brechlyn Covid-19 a’r Statws o ran y Brechlyn
Rydym yn annog yr holl staff a’r myfyrwyr i dderbyn brechiad Covid-19 i helpu amddiffyn y Brifysgol a'r cymunedau. Mae hynny’n cynnwys myfyrwyr a staff rhyngwladol. Cofiwch fod y brechiad Covid-19 yn rhad ac am ddim, waeth beth yw ei genedligrwydd neu’ch statws mewnfudo.

Ar gampws Bangor rydym hefyd yn cefnogi'r Ymddiriedolaeth GIG leol a byddwn yn cynnal clinig brechu 'gwib' ar y campws i’r myfyrwyr hynny na chawsant gyfle i dderbyn y pigiad cyntaf neu’r ail cyn cyrraedd. Gobeithiwn rannu’r manylion yn fuan.

Mae Canolfannau Brechu'r GIG yn agos at gampysau Bangor a Wrecsam ac mae'n bosibl archebu Brechiad Covid-19 ar-lein yma.

⁠Cefnogaeth
Mae cefnogaeth barhaus ar gael i’r staff a’r myfyrwyr. Dylai staff sydd â phryderon gysylltu â'u Rheolwr Llinell/AD, neu Ymarferydd Iechyd Galwedigaethol y Brifysgol neu gysylltu â Care First, y gwasanaeth cwnsela am ddim yn uniongyrchol. Mae gwybodaeth am gymorth i iechyd meddwl ar gael i’r staff ar y tudalennau iechyd meddwl a lles. Gall myfyrwyr dderbyn cefnogaeth trwy’r Ysgol neu’r Coleg neu gallant gysylltu â Gwasanaethau’r Myfyrwyr.

Monitro, Adolygu a chanllawiau pellach
Grŵp Tasg Iechyd, Diogelwch a Rheoli Argyfyngau’r y Brifysgol a’r Pwyllgor Gweithredu’n parhau i fonitro'r sefyllfa ac yn ceisio sicrhau bod y campws mor ddiogel â phosibl. Caiff Asesiad Risg Sefydliadol Gweithredu o dan Covid-19 ac asesiadau cysylltiedig eraill, eu hadolygu'n rheolaidd.

Bydd cynllun a threfniadau Rheoli Achosion y Brifysgol, a ddaw i rym os bydd nifer fawr o achosion ar y campws, yn gweithredu trwy'r Grŵp Tasg a'r Pwyllgor Gweithredu.

Bydd y Gwasanaethau Perthnasol yn cynnal gwiriadau rheolaidd i sicrhau bod y campws mor ddiogel â phosibl.

Mae gan y Brifysgol nifer o ddogfennau canllaw iechyd a diogelwch i gefnogi ymchwil, addysgu a gweithgareddau yn y swyddfa, yn ogystal â chanllawiau i’r staff a Phenaethiaid Ysgol/Gwasanaethau. Mi welwch chi’r rheini yma. Cânt eu diweddaru'n rheolaidd.

Asesiadau Risg y Brifysgol ar gyfer Covid-19
Mae Asesiad Risg y Brifysgol sy'n cwmpasu'r mesurau rheoli sy'n ymwneud â risg Covid-19 i’w gael yma. Yn ogystal, bydd asesiadau risg lleol yn nodi unrhyw ofynion ychwanegol yn seiliedig ar anghenion ardaloedd penodol.

Mae’n bryd adolygu prif Asesiad Risg Covid-19 y Brifysgol i adlewyrchu newidiadau yn y ffordd y byddwn yn gweithredu ac yn gweithio yn y flwyddyn academaidd newydd.

Pryderon
Dylai staff sydd ag unrhyw gwestiynau neu bryderon gysylltu â'u Rheolwr Llinell, AD neu Iechyd a Diogelwch. Gall myfyrwyr gysylltu â'r Ysgol, y Coleg, Gwasanaethau’r Myfyrwyr, neu Undeb y Myfyrwyr.