Covid-19

Rydym wedi dysgu llawer ers dechrau 2020 a dyfodiad y coronafeirws newydd, Covid-19, a’r pandemig byd-eang, sydd bellach wedi dechrau dod i ben Bydd y gwersi a’r profiadau hynny yn ein rhoi mewn sefyllfa dda at y dyfodol, yn enwedig wrth reoli bygythiadau eraill i iechyd y cyhoedd.

Er bod deddfwriaeth Covid-19 bellach wedi ei diddymu, mae’r brifysgol yn parhau gyda’i dyletswydd i reoli a lliniaru risgiau yn y gwaith.

Mae gofynion penodol yn dal i fod yn berthnasol i'r rhai sy'n gweithio mewn lleoliadau Iechyd a Gofal Cymdeithasol ac os ydynt yn gweithio gyda phobl agored i niwed ac efallai y bydd angen Asesiad Risg penodol i werthuso a oes angen rheolaethau ychwanegol.

Gofynnir i bawb yn y brifysgol fod yn ystyriol o'u heffaith bosib ar bobl eraill a pheidio â dod ar y campws na chymysgu ag eraill os ydynt yn amau bod ganddynt Covid-19 neu unrhyw glefyd trosglwyddadwy arall.

Covid-19 a Heintiau Anadlol Eraill

Dylai staff, myfyrwyr ac eraill gadw draw o’r Campws os ydynt yn dangos symptomau haint anadlol, fel COVID-19, ac nad ydynt yn teimlo’n ddigon da i fynd i’r gwaith/astudio. Dylech osgoi dod i gysylltiad â phobl eraill am o leiaf 5 diwrnod ar ôl y diwrnod y cawsoch y prawf COVID-19, neu’r diwrnod y dechreuodd eich symptomau (pa un bynnag oedd gynharaf).

Mae Llywodraeth Cymru wedi llunio canllawiau ar beth i’w wneud os oes gennych symptomau haint anadlol, os ydych wedi profi’n bositif neu os ydych mewn cysylltiad agos â rhywun positif ar gyfer COVID-19.

Dylai staff barhau i ddilyn y gweithdrefnau absenoldeb salwch.

Dylai fyfyrwyr sy'n absennol ddilyn y Polisi Ymroddiad Academaidd.

Cyngor Cyffredinol

Er mwyn gofalu amdanoch eich hun ac eraill ac atal lledaeniad haint, gorchuddiwch eich trwyn a'ch ceg bob amser wrth disian a pheswch. Os yn bosibl, dilynwch y dull ‘bagiwch ef a’i roi yn y bin’ drwy ddefnyddio hances bapur i orchuddio’ch trwyn a’ch ceg gyda hwn wedi’i roi mewn bin gwastraff yn syth ar ôl, ac os nad oes gennych hances bapur, eich penelin mewnol (llawes uchaf) yn ddewis arall a dderbynnir. Yn ogystal, defnyddiwch lanweithydd dwylo neu golchwch eich dwylo mewn dŵr cynnes a sebon yn rheolaidd. Mae hylendid dwylo da yn cael ei gydnabod yn eang fel un o'r ffyrdd pwysicaf o reoli lledaeniad heintiau.

Mae hefyd yn dal yn dderbyniol gwisgo gorchudd wyneb os dymunwch.

Brechlynnau

Rydym yn annog pawb i fanteisio ar y rhaglen frechu Covid-19 rad ac am ddim, i helpu i ddiogelu ein prifysgol a chymunedau ehangach. Ewch i wefan Llywodraeth Cymru i gael rhagor o wybodaeth.

Awyru

Pan fyddwch dan do, dylid gadael awyr iach i mewn. Gall agor ffenestri a drysau helpu i leihau nifer y gronynnau heintus yn yr aer a helpu i leihau lledaeniad y firws. Mae’r Gwasanaethau Campws wedi asesu systemau awyru mecanyddol ac wedi addasu lle bo angen i ddarparu cymaint o awyr iach â phosib. Mae unedau Hidlo Puro Aer (HEPA) wedi eu gosod mewn mannau darlithio ac astudio priodol, i helpu i lanhau gronynnau firaol o’r aer.Dylid agor ffenestri lle bynnag y bo modd i wella ansawdd yr aer ac i leihau'r risg o drosglwyddo firws yn yr aer. Dylai ystafelloedd gael eu hawyru am gyfnod rhwng newid carfannau o fyfyrwyr, i adnewyddu’r aer a chael awyr iach. Gosodir monitorau Co2 yn y rhan fwyaf o ystafelloedd dysgu.Defnyddiwch y rhain i ddangos pryd i agor rhagor o ffenestri. Rhowch wybod am unrhyw broblemau gydag unedau hidlo neu ffenestri i campusservices@bangor.ac.uk / estyniad: 2783. Yn ystod darlithoedd, cyfarfodydd ac mewn swyddfeydd wedi eu rhannu mae llif aer da yn hanfodol:Unedau hidlo HEPA: Gwiriwch fod yr uned ymlaen. Os nad oes un ar gael ac os oes digon o amser, gofynnwch am uned trwy’r Gwasanaethau Campws - gwnewch yn siŵr bod yr uned ymlaen trwy gydol y cyfarfod.

Ffenestri: Cofiwch agor ffenestri (rhowch wybod am unrhyw broblemau trwy’r Gwasanaethau Campws).

Mae Llywodraeth Cymru hefyd wedi cynhyrchu cyngor ar fonitoriaid mewn addysg.

Teithio Dramor

Ar hyn o bryd nid oes gan y brifysgol unrhyw gyfyngiadau teithio dramor yn ymwneud â Covid-19 ar wahân i'r rhai a weithredir trwy’r canlynol:

• Polisi Teithio Dramor y brifysgol.
• Llywodraeth y DU.
• Y wlad/rhanbarth y mae rhywun yn teithio iddi/iddo.
• Rhaid i staff a myfyrwyr baratoi ar gyfer gofynion teithio lleol Covid a’u monitro’n gyson, gan y gallent newid yn gyflym mewn ymateb i gyfraddau Covid neu amrywiolion newydd. Mae rhagor o wybodaeth ar gael ar wefan y Swyddfa Dramor, y Gymanwlad a Datblygu.
• Rhaid i staff a myfyrwyr lenwi Ffurflen Yswiriant Teithio  ar-lein y brifysgol.
• Os oes rhaid gwneud profion PCR cyn teithio i wlad benodol, yna bydd yr ysgol/gwasanaeth perthnasol yn eu darparu i chi.

SYLWER: gwneir unrhyw archeb ac ymrwymiadau gan wybod na ellir bob amser yswirio goblygiadau ariannol o ganlyniad i ganslo neu newid amserlen oherwydd Covid-19.