Trosglwyddo Credydau a Dysgu Blaenorol
Beth yw achredu dysgu blaenorol neu gydnabod dysgu blaenorol?
Os ydych eisiau gwneud cais gan ddefnyddio achrediad dysgu blaenorol, darllenwch y canllawiau isod.
Mae achredu dysgu blaenorol yn broses a ddefnyddir mewn addysg uwch i ganiatáu derbyn dysgu ardystiedig neu ddysgu trwy brofiad blaenorol fel rhywbeth sy'n bodloni rhai o ddeilliannau a gofynion rhaglen (PB, 2016). Cytunir ar brosesau achredu dysgu blaenorol neu drosglwyddo credyd wrth ddilysu rhaglenni astudio a dylai arweinydd y rhaglen neu gwrs allu trafod y dewis hwn pan fyddwch yn gwneud cais.
Os yw'r dysgu a'r profiad sydd gennych yn berthnasol i'r rhaglen neu'r cwrs y dymunwch wneud cais amdano, ac y gellir ei asesu, a'i fod yn bodloni'r meini prawf y cytunwyd arnynt wrth ddilysu, yna gall fod yn bosib ennill credyd amdano.
Beth mae achredu dysgu blaenorol neu drosglwyddo credyd yn ei olygu i mi?
Efallai y byddwch eisiau astudio cyrsiau a chanfod nad yw eich cymwysterau cyfredol yn bodloni'r meini prawf mynediad. Gallai'r broses achredu dysgu blaenorol roi'r canlynol i chi:
- Llwybr arall i ennill credyd i'r radd Nyrsio Cyn-gofrestru neu radd Radiograffeg (sylwer bod gofynion proffesiynol penodol: NMC, 2009, NMC, 2010, HCPC, 2014).
- Llwybr i gael mynediad i'r BSc (Anrh) Astudiaethau Iechyd ôl-cofrestru.
- Trosglwyddo credyd yn erbyn rhaglenni MSc neu Ddoethuriaeth Broffesiynol (cyfeiriwch at y Rheoliadau ar gyfer Rhaglenni Ymchwil Ôl-radd).
Trosglwyddo Credydau
Gall astudio blaenorol gyfrannu tuag at y credydau sydd eu hangen ar gyfer rhaglen. Cysylltwch ag arweinydd y rhaglen neu gwrs astudio y mae gennych ddiddordeb ynddo a darllenwch Reoliadau Prifysgol Bangor ar Raglenni Hyfforddedig (2016), adran 1.5.
Portffolio Dysgu trwy Brofiad
Os ydych yn ceisio credyd yn seiliedig ar ddysgu drwy brofiad, yna fe'ch cynghorir i gynhyrchu portffolio achredu dysgu blaenorol. Mae'r portffolio yn ffeil lle byddwch yn cyflwyno'r holl fanylion a'r dystiolaeth sydd eu hangen er mwyn i'ch dysgu blaenorol gael ei asesu. Dylai'r dystiolaeth hon fod yn llai na phump oed i ddangos bod eich gwybodaeth a'ch profiad yn gyfredol (PB, 2016). Bydd grŵp o aseswyr penodedig yn asesu'r dystiolaeth ar gyfer dyfarnu credyd.
Beth sy'n rhaid i mi ei wneud nesaf?
Os hoffech wneud ymholiad neu drafod cais am achredu dysgu blaenorol, cysylltwch ag arweinydd y rhaglen neu'r tiwtor derbyn ar gyfer y cwrs astudio y mae gennych ddiddordeb ynddo. Gallwch hefyd gysylltu â'r cydlynydd achredu dysgu blaenorol, Dr John Alcock, i gael cyngor am achredu dysgu blaenorol.
Ffioedd
- Ymgynghoriad cychwynnol - Am ddim
- Trosglwyddo Credyd Uniongyrchol (a restrir ar hyn o bryd) - Am ddim
- Trosglwyddo Credyd Uniongyrchol (heb ei restru ar hyn o bryd) - Am ddim
- Portffolio - Yn dibynnu ar y rhaglen