Atal Astudiaeth

Rydym yn cydnabod y gallai fod angen i chi gymryd seibiant o astudio oherwydd afiechyd, amgylchiadau personol eithriadol, neu resymau ariannol. Gelwir hyn yn ‘ataliad dros dro’ a bydd yn golygu atal eich astudiaethau a chau eich cofnod myfyriwr am gyfnod o 6 neu 12 mis.

Cam Un – Siaradwch â’ch Tiwtoriaid

  • Mae’n ofynnol eich bod yn trafod eich pryderon â’ch tiwtor personol ac arweinydd cwrs cyn gwneud eich penderfyniad i atal eich astudiaethau dros dro. Gall eich tiwtoriaid drafod posibiliadau fel gwneud cais am amgylchiadau lliniarol ac/neu estyniadau ar gyfer eich aseiniadau. Mae hefyd ystod eang o gefnogaeth ar gael ar gyfer eich astudiaethau academaidd trwy’r Ganolfan Sgiliau Astudio
    https://my.bangor.ac.uk/studyskills/index.php.en
  • Mae’n bwysig nodi, tra eich bod wedi gohirio’ch astudiaethau, ni fydd gennych fynediad i gyfleusterau fel Blackboard, Teams a FyMangor.
    Ni fyddwch yn cael eich ystyried fel myfyriwr cofrestredig yn ystod eich cyfnod atal.
    Bydd eich cyfrif e-bost Brifysgol yn weithredol.

Cam Dau – Gwiriad Cyllid

Bydd atal eich astudiaethau yn effeithio ar y cymorth ariannol y gallech fod yn ei dderbyn ar hyn o bryd gan Wasanaethau Dyfarnu Myfyrwyr (Bwrsariaeth y GIG) a / neu’r Cwmni Benthyciadau Myfyrwyr.
Os oes gennych anawsterau ariannol, yna mae cyngor ar gael trwy’r Uned Cymorth Arian https://my.bangor.ac.uk/studentservices/moneyadvice/index.php.en

Bwrsariaeth y GIG

Absenoldeb Mamolaeth

  • Os ydych yn atal eich astudiaethau am absenoldeb mamolaeth, yna yn yr eithriad hwn bydd eich taliadau Bwrsariaeth y GIG yn parhau, er y gellir eu hail-gyfrifo a newid swm eich taliadau. Dylech gysylltu â Gwasanaethau Dyfarnu Myfyrwyr yn uniongyrchol trwy abm.sas@wales.nhs.uk am fwy o wybodaeth.
  • Cewch atal dros dro am uchafswm o 12 mis ar gyfer absenoldeb mamolaeth.

Cyllid Myfyrwyr

Os byddwch yn atal dros dro, mae’n ofynnol i Brifysgol Bangor nodi’r dyddiad olaf yr oeddech yn bresennol (darlithoedd, seminarau, lleoliad neu arholiadau) i’r Cwmni Benthyciadau Myfyrwyr.

Caiff y gyfran briodol o’r benthyciad dysgu ei gyfrifo gan ddefnyddio’ch dyddiad presenoldeb olaf, a bydd eich benthyciad dysgu yn cael ei addasu yn unol â hynny. Felly, sicrhewch eich bod yn cwblhau’r dogfennau perthnasol cyn gynted â phosibl. Gallai anghysondeb mewn dyddiadau wneud gwahaniaeth i’r ffioedd dysgu a’ch benthyciad cynnal a chadw, a gallai arwain at ordaliad y byddwch chi’n atebol amdano.

Cyfrifoldeb Myfyrwyr

Os ydych chi’n derbyn Ffi Dysgu a/neu Grant/Benthyciad Cynnal a Chadw gan y Cwmni Benthyciadau Myfyrwyr; gallai atal, tynnu’n ôl neu newid carfannau arwain at oblygiadau ar eich cyllid. Siaradwch â Chyllid Myfyrwyr neu’r Uned Cymorth Arian (moneysupport@bangor.ac.uk) cyn cwblhau’ch penderfyniad.
Ystyriaethau ariannol wrth atal neu dynnu’n ôl o astudiaeth https://www.bangor.ac.uk/studentservices/leaving/financial-considerations.php.en

Cam Tri – Ffurfiolwch eich Ataliad Dros Dro

Cam Pedwar – Cymeradwyo’r cais; cyfrifoldebau’r Brifysgol

  • Yn dilyn cymeradwyo’ch cais, bydd y Brifysgol yn:
    • Hysbysu cyrff cyllido perthnasol (Bwrsariaeth y GIG a Chyllid Myfyrwyr) o’ch ataliad.
    • Cau eich cofnod myfyriwr o’r dyddiad atal y nodir ar eich cais – bydd eich mynediad i gyfleusterau (Blackboard, FyMangor, Llyfrgell ac ati) yn dod i ben am y cyfnod o atal dros dro i astudiaethau.
    • Ar gyfer cyrsiau proffesiynol, byddwn yn hysbysu’r Tîm Lleoliadau i ganslo’ch lleoliadau. Hefyd, ar gyfer rhaglenni fel Gwaith Cymdeithasol a Ffisiotherapi byddwn yn hysbysu cyrff proffesiynol / partner perthnasol os oes angen.

Dychwelyd i’r Astudiaeth

Cam Un – Hysbysu’r Brifysgol

  • Cwblhewch y ffurflen dychwelyd i astudio trwy’r Ganolfan Gais yn FyMangor 8 wythnos cyn eich dyddiad dychwelyd https://apps.bangor.ac.uk/requests/
  • Cwblhewch y ffurflen dychwelyd i astudio trwy’r Ganolfan Gais yn FyMangor 8 wythnos cyn eich dyddiad dychwelyd
  • Bydd eich dychweliad yn cael ei thrafod yn fewnol gyda’r arweinydd cwrs / tiwtor personol perthnasol a’r Tîm Lleoliadau. Os nad yw’r dyddiad y gofynnir am ddychwelyd yn ymarferol o ran trefniadau lleoli, yna fe wneith y tîm awgrym dyddiad arall.

Cam Dau – Gwiriadau cyn-gofrestru

Unwaith y cytunir ar ddyddiad dychwelyd, gofynnir ichi gymryd y camau cyn-gofrestru canlynol:

  • Llenwi y ffurflen leoliadau i ddarparu’r wybodaeth sydd ei hangen i’ch paru â lleoliadau addas.
  • Cwblhau yr hunan ddatganiad iechyd ar gyfer Covid 19.
  • Cysylltu â student.DBS.myfyrwyr@bangor.ac.uk ac esboniwch eich bod yn dychwelyd o ymyrraeth astudio. Yn dibynnu ar y cyfnod o ymyrraeth, efallai y bydd gofyn i chi gael gwiriad DBS newydd, bydd y tîm yn ymateb i gynghori ar yr hyn sy’n ofynnol.
  • Os oedd eich ataliad oherwydd iechyd, yna bydd angen gwiriad Iechyd Galwedigaethol i sicrhau eich bod yn ffit i ddychwelyd i astudio. Bydd y Brifysgol yn llenwi ffurflen cyfeirio ar eich rhan, a chewch eich gwahodd i gyfarfod adolygu Iechyd Galwedigaethol.

Cam Tri – Cymeradwyo’r cais; cyfrifoldebau’r Brifysgol

Yn dilyn cymeradwyo’ch cais, bydd y Brifysgol yn:

  • Rhoi gwybod i’r Gwasanaethau Gwobrwyo Myfyrwyr (Bwrsariaeth y GIG) a Chyllid Myfyrwyr am eich dyddiad dychwelyd.
  • Ail-agor eich cofnod myfyriwr fel eich bod yn dod yn Gymwys i Gofrestru.
  • Anfon dolen gofrestru i’ch cyfrif e-bost Prifysgol 2 wythnos cyn y dyddiad cychwyn.
  • Rhoi gwybod i’r Hwb Gweinyddu Myfyrwyr fel y gellir ychwanegu’r modiwlau perthnasol at eich cofnod myfyriwr.