Cael eich derbyn ar ôl y cyfweliad

Llongyfarchiadau ar eich llwyddiant yn y cyfweliad a byddwch wedi derbyn cynnig gan UCAS erbyn hyn. Darllenwch y wybodaeth bwysig ganlynol am yr hyn sydd angen i chi ei wneud nawr.

Ffurflen hunan-ddatganiad

Dylai pob ymgeisydd lawrlwytho'r ffurflen hunan-ddatganiad yma.

Dylid llofnodi'r ffurflen a'i dychwelyd i'r cyfeiriad ebost canlynol pan fyddwch yn derbyn y cynnig am le ar y cwrs:  student.dbs.myfyrwyr@bangor.ac.uk

Gwiriadau Cofnodion Troseddol

Mae eich lle ar y cwrs yn amodol ar gael gwiriad boddhaol gan y Gwasanaeth Datgelu a Gwahardd ar gyfer gweithio gyda phlant ac oedolion yn cynnwys gwirio'r rhestr rhai sydd wedi eu gwahardd. 

Mae'n ofynnol hefyd i ymgeiswyr sydd wedi byw y tu allan i'r DU gael gwiriad cofnodion troseddol yn y wlad y buont yn byw ynddi.  

Mae'n ofynnol i chi wneud cais am y gwiriadau cofnodion troseddol cyn dechrau'r cwrs, peidiwch ag oedi cyn dilyn y broses hon oherwydd gallai hynny olygu eich bod yn methu dechrau eich lleoliad. 

Byddwn yn cysylltu â chi hyd at dri mis cyn dechrau'r cwrs gyda manylion am sut i wneud y gwiriadau hyn, rhaid i chi aros am y wybodaeth hon cyn gwneud cais am eich gwiriadau. 

Cysylltwch â student.DBS.myfyrwyr@bangor.ac.uk os ydych angen rhagor o wybodaeth am wiriadau cofnodion troseddol neu'r hunan-ddatganiad.

Gwiriadau Iechyd Galwedigaethol

Mae eich lle ar y cwrs yn amodol ar gael asesiad iechyd boddhaol.  Byddwn yn cysylltu â chi hyd at dri mis cyn dechrau'r cwrs gyda manylion am sut i wneud y gwiriadau hyn, rhaid i chi aros am y wybodaeth hon cyn gwneud cais am eich gwiriadau. 

Gwirio Cymwysterau Academaidd

Dylai ymgeiswyr anfon copïau gwreiddiol ynghyd â llungopi o unrhyw dystysgrifau academaidd na chawsant eu cyflwyno yn y cyfweliad fel y gallwn wirio eich cymwysterau academaidd.

Dychwelir eich tystysgrifau trwy bost ail ddosbarth. Cofiwch nad yw'r Coleg Gwyddorau Dynol yn derbyn cyfrifoldeb am dystysgrifau coll os dewiswch yr opsiwn hwn. Ni fydd tystysgrifau yn cael eu dychwelyd drwy wasanaeth y post brenhinol lle gofynnir am lofnod, dim ond os byddwch wedi amgáu amlen â chyfeiriad a'r stamp cywir arni.

Geirdaon

Dylech fod wedi cyflwyno geirdaon yn ystod eich cyfweliad.  Ond os na chyflwynwyd y rhain yn y cyfweliad, lawrlwythwch y ffurflen yma.

Dylid anfon geirdaon a thystysgrifau academaidd sydd heb eu cyflwyno i'r cyfeiriad a nodir isod:

Ar gyfer myfyrwyr sydd wedi eu lleoli ym Mangor: Mrs Sandra Jeffreys, Uned Rhaglenni Dysgu Proffesiynol, Adeilad Brigantia, Ffordd Penrallt, Bangor, Gwynedd LL57 2AS.

Ar gyfer myfyrwyr sydd wedi eu lleoli yn Wrecsam: Mrs Jayne Phillips, Ysgol Gwyddorau Iechyd, Prifysgol Bangor, Parc Technoleg Wrecsam, Wrecsam, LL13 7YP.

Cysylltwch â health.applications@bangor.ac.uk os ydych angen rhagor o wybodaeth am y geirdaon neu'r tystysgrifau academaidd.