Jade Swift - Bydwreigiaeth
Mae Jade yn fyfyrwraig Bydwreigiaeth yn ei hail flwyddyn ym Mhrifysgol Bangor, ac mae'n byw yn y Rhyl.
Diwrnod ym mywyd myfyrwraig Bydwreigiaeth yn ystod wythnos theori.
Mae'r sesiynau theori fel arfer yn dechrau am 9.30am. Pan rydym yn cyrraedd Bangor, tua 9am fel arfer, rydym yn mynd am goffi a dal i fyny gyda'r lleill yn y garfan oherwydd nad yw rhai ohonom wedi gweld ein gilydd ers wythnosau oherwydd ein bod mewn gwahanol leoliadau.
Yn ystod wythnos theori efallai y cawn sesiynau gan y darlithwyr i'n galluogi i gysylltu'r theori â'n hymarfer. Efallai cawn siaradwyr gwadd o arbenigeddau eraill er enghraifft gweithwyr iechyd meddwl, staff gofal i'r newydd-anedig, anesthetydd a hefyd bydwragedd arbenigol fel y rhai sy'n gweithio gyda merched o'r gymuned deithiol neu gyda merched sydd â phroblemau camddefnyddio sylweddau.
Cawn hefyd sesiynau yn y labordai sgiliau lle rydym yn ymarfer y sgiliau bydwreigiaeth angenrheidiol fel tynnu gwaed, cathetreiddio, sgiliau i gefnogi merched wrth esgor a genedigaethau mwy cymhleth fel genedigaethau ffolennol.
Rydym yn cael awr i ginio fel rheol pan allwn dreulio amser ar ein pennau ein hunain ond yn aml byddwn i gyd yn mynd i lawr i'r lle cymunedol ac yn bwyta gyda'n gilydd. Mae ambell i amser cinio yn cael ei ddefnyddio i gwrdd â'n grwpiau astudio llai a byddwn yn cael cinio ac yn paratoi at yr asesiadau grŵp sy'n rhan o bob modiwl. Mae'r diwrnod fel arfer yn gorffen tua 4.30pm.