Gwyliau Blynyddol ac Oriau Gwaith

Gwyliau Blynyddol

Mae gan staff hawl i 27 diwrnod gwaith gyda’r unigolyn i ddewis y dyddiadau, yn amodol ar gymeradwyaeth Pennaeth yr Adran, na fydd yn gwrthod caniatâd yn afresymol. Mae’r flwyddyn wyliau arferol yn mynd o 1 Awst i 31 Gorffennaf.

Gwyliau Cyhoeddus

Fel arfer, mae yna 8 gŵyl gyhoeddus:

  • Gŵyl Banc yr Haf
  • Dydd Nadolig
  • Gŵyl San Steffan
  • Dydd Calan
  • Dydd Gwener y Groglith
  • Dydd Llun y Pasg
  • Gŵyl Banc dechrau mis Mai

  • Gwyl Banc y Gwanwy

Sylwch, yn 2022/23, mae gŵyl banc ychwanegol ar ddydd Llun 8 Mai 2023.

 

Gwyliau Arferol 2022/23

Mae yna 9 o ddyddiau gwyliau arferol yn 2022/23, fel a ganlyn:

  1. 6 diwrnod adeg y Nadolig, - 21,22, 23, 28, 29 a 30 Rhagfyr. Bydd y Brifysgol yn ailagor Ddydd Mawrth 3 Ionawr 2023.
  2. y dydd Iau cyn Gwener y Groglith - 6 Ebrill 2023
  3. y dydd Mawrth ar ôl Llun y Pasg - 11 Ebrill 2023
  4. gallwch gynnwys y gwyliau arferol sy'n weddill fel rhan o'ch gwyliau blynyddol yn 2022/23.

Gwyliau Arferol 2023/24

Mae yna 7 o ddyddiau gwyliau arferol yn 2023/24, fel a ganlyn:

  1. 4 diwrnod adeg y Nadolig, - 22, 27, 28 a 29 Rhagfyr.  Bydd y Brifysgol yn ailagor Ddydd Mawrth 2 Ionawr 2024.
  2. y dydd Iau cyn Gwener y Groglith - 28 Mawrth 2024
  3. y dydd Mawrth ar ôl Llun y Pasg - 2 Ebrill 2024
  4. gallwch gynnwys y gwyliau arferol sy'n weddill fel rhan o'ch gwyliau blynyddol yn 2023/24.

 

Sut i Weithio Allan Hawl i Wyliau ar gyfer staff rhan-amser:

Yn achos staff rhan-amser mae hawl i wyliau yn cael ei weithio allan mewn oriau yn hytrach na dyddiau.

  • Lluoswch y cyfanswm gwyliau o 42 (43 yn 2022/23) diwrnod (sy’n cynnwys Gwyliau’r Coleg a Gwyliau Banc) wrth 7.25 awr (yr oriau dyddiol llawn-amser); mae hyn yn rhoi’r hawl i wyliau llawn-amser yn ôl yr awr.
  • Rhannwch y canlyniad uchod gyda 36.25 awr (yr oriau wythnosol llawn-amser) ac yna’i luosi wrth nifer yr oriau rydych yn eu gweithio mewn wythnos.
Mae’r canlyniad yn rhoi eich hawl i wyliau blynyddol mewn oriau. Mae hyn yn cynnwys oriau i’w cymryd ar gyfer Gwyliau’r Coleg a Gwyliau Banc.

Oriau Gwaith

Gradd 7 ac isod:

Mae'r wythnos waith safonol ar gyfer staff llawn-amser yn 36.25 awr (heb gynnwys egwyl bwyd) fel rheol rhwng dydd Llun a dydd Gwener, ond yr amseroedd gweithio gwirioneddol i'w cytuno â Phennaeth y Coleg/Ysgol/Adran.    

Gradd 7 ac uwch:

Oherwydd natur y gwaith, nid yw’r Brifysgol yn pennu unrhyw delerau ac amodau yn ymwneud ag oriau gwaith o fewn ystyr Deddf Hawliau Cyflogaeth 1996. Gweithir yr oriau angenrheidiol i gyflawni’n foddhaol y dyletswyddau sy’n gysylltiedig â’r swydd; ac ar gyfartaledd bydd ymrwymiad wythnosol arferol yn golygu rhwng 36.25 a 48 awr yr wythnos.

Gweithio rhan-amser o fewn Amodau a Thelerau staff Academaidd, Rheoli a Phroffesiynol:

Mae contractau cyflogaeth staff academaidd, rheoli a phroffesiynol yn nodi nad yw’r union oriau gwaith wedi eu pennu'n gyffredinol, ond byddant fel bo'r angen i gyflawni'n llwyddiannus y dyletswyddau sy’n gysylltiedig â’r swydd, ac yn unol â'r gyfarwyddeb amser gweithio. I aelodau staff llawn-amser, bydd y contract yn pennu oriau rhwng 36.25 a 48 yr wythnos.

Lle mae staff wedi eu penodi i swyddi rhan-amser, bydd hyn ar sail canran o amser e.e. fel contract 80%. Mae hyn yn golygu y byddant yn gweithio 80% o 36.25 - 48 awr yr wythnos yn hytrach na 29 awr sefydlog yr wythnos. Enghraifft arall fyddai contract 0.5 CaLl, byddai hyn yn golygu bod yr aelod staff yn gweithio 50% o 36.25 - 48 awr yr wythnos, h.y. rhwng 18 a 22 awr yr wythnos yn hytrach na 18 awr sefydlog. Nid oes hawl gan staff i gronni oriau ychwanegol os ydynt yn gweithio mwy o oriau yn achlysurol; dim ond i staff cefnogi, h.y. aelodau o staff ar raddfeydd 1-6, y mae'r Polisi Amser Hyblyg ac unrhyw amser i ffwrdd yn lle amser a weithiwyd yn ychwanegol yn berthnasol.

 

Trefniadau Gwyliau Blynyddol o'r 1af o Awst

Mae’r Brifysgol ar hyn o bryd yn datblygu ‘iTrent’ (system AD/Cyflogres integredig).
Bydd y system newydd yn cofnodi ac yn prosesu gwyliau blynyddol mewn oriau yn awtomatig yn hytrach na'r arfer llaw presennol o ddiwrnodau neu hanner diwrnodau. Gyda chyflwyniad gweithio deinamig yn y Brifysgol a'n hymrwymiad i ddarparu mwy o hyblygrwydd i staff gyda theuluoedd, cyfrifoldebau gofalu ac ati, bydd y dull hwn o gofnodi yn adlewyrchu lwfans gwyliau blynyddol pob aelod o staff yn fwy cywir. Gan y disgwylir i iTrent gael ei roi ar waith ran o'r ffordd drwy'r flwyddyn wyliau, gofynnir i bob rhan o'r Brifysgol gofnodi gwyliau blynyddol mewn oriau o 1 Awst 2022. Bydd hyn yn caniatáu mwy o hyblygrwydd i ardaloedd ystyried a ellir gwneud cais am wyliau. cyflwyno mewn oriau o lai na hanner / diwrnod llawn neu a ydynt yn dymuno parhau i weithredu fel ar hyn o bryd.

Wrth i ni agosáu at y dyddiad “mynd yn fyw”, bydd AD yn gofyn am weddillion gwyliau’r holl staff i’w lanlwytho i’r system.