Overview

Gan adeiladu ar sylfaeni cwrs iaith y flwyddyn gyntaf, bydd dosbarthiadau ar sgiliau ysgrifenedig, gwrando a deal, cyfieithu i'r Gymraeg/Saesneg, a sgiliau llafar yn datblygu hyfedredd a rhuglder yn Ffrangeg. Bydd gwersi sgiliau iaith ysgrifenedig yn cynnwys adolygu pwyntiau gramadegol, aralleirio, cyfieithu i'r Ffrangeg ac ysgrifennu traethodau, ac yn canolbwyntio ar iaith newyddiadurol, lenyddol a phroffesiynol. Bydd y dosbarthiadau gwrando a deall yn defnyddio ffynonellau dilys oddi ar y teledu ac ati, ac yn cynnwys tasgau trawgrifio ac aralleirio. Mae'r deunyddiau iaith a ddefnyddir yn ymwneud â'r cyfryngau a chyflogadwyedd. Bydd sgiliau llafar yn datblygu rhuglder mewn gwahanol gyweiriau. Bydd pob dosbarth yn datblygu'r sgiliau y bydd ar y myfyrwyr eu hangen yn eu trydedd flwyddyn pan fyddant mewn gwlad lle siaredir Ffrangeg.

Assessment Strategy

-threshold -40-49%: Gwybodaeth gyfyngedig o eirfa a gramadeg, a gallu cyfyngedig i gyfieithu ac aralleirio ystod o destunau penodedig.

-good -50-69%: Gwybodaeth dda o eirfa a gramadeg, a gallu da i gyfieithu a thrin amrywiaeth o ddeunyddiau testunol. Gallu da ar lafar ac wrth wrando.

-excellent -70+%: Gwybodaeth ragorol o eirfa a gramadeg, a gallu ardderchog i gyfieithu a thrin testunau, gyda dealltwriaeth gadarn o gywair. Gallu rhagorol ar lafar ac wrth wrando.

Learning Outcomes

• Bydd myfyrwyr wedi ymestyn eu gwybodaeth a'u hymwybyddiaeth o bynciau sy'n ymwneud â diwylliannau a chymdeithasau Ffrangeg a Ffrengig.

• Bydd myfyrwyr yn dangos hyfedredd cynyddol mewn gwrando a deall.

• Bydd myfyrwyr yn dangos y gallu i gyfieithu testunau yn fedrus gan sicrhau bod yr arddull a'r cywair yn cyd-fynd â'r gwreiddiol.

• Bydd myfyrwyr yn gallu cyfathrebu'n effeithiol mewn Ffrangeg llafar mewn amrywiaeth o gyweiriau.

• Bydd myfyrwyr yn gallu cyfathrebu'n effeithiol mewn Ffrangeg ysgrifenedig mewn amrywiaeth o gyweiriau.