Overview

Pam digwyddodd yr Holocost? A yw'n bosibl pennu bai am yr erchyllterau a gyflawnwyd? Sut gallwn ni fel cymdeithas fodoli gyda digwyddiad o'r fath nodweddu’r 20fed ganrif a moderniaeth yn y Gorllewin? Nod y modiwl hwn yw mynd i’r afael yn feirniadol â sut mae cymdeithas ôl-1945 wedi ymateb i erchyllterau’r Holocost, mewn termau crefyddol a thrafodaethau athronyddol. Bydd y modiwl yn archwilio amrywiaeth o ymatebion i ddeall sut mae cymdeithas fodern wedi mynd i’r afael â’r Holocost, ac, yn wir, sut mae’n parhau i wneud hynny.

Bydd y modiwl yn archwilio amrywiaeth eang o ymatebion crefyddol ac athronyddol i'r Holocost fel digwyddiad ac fel erchyllter. Ymhlith yr ymatebion y byddwn yn eu hystyried, mae: - Ymatebion Iddewig i'r Shoah: pam y caniataodd Duw i filiynau ddioddef? - Ymatebion Cristnogol i’r Holocost: a oes modd ystyried yr Holocost yng nghyd-destun cariad Cristnogol o gwbl? - Sut mae cymunedau sipsiwn diweddar wedi mynd i'r afael â'r Porajmos? - Effaith y Triongl Pinc: ymatebion LHDTC+ i'r Holocost. - Yr Erledigaeth Gudd?: dioddefaint pobl 'anabl' yn yr Holocost. - Ymatebion creadigol i'r Holocost: o Schindler’s List i X-Men: Magneto’s Testament - lle byddwn yn ystyried ymatebion ffilmiau, llenyddiaeth a chelf i'r Holocost. - Gwadu'r Holocost: y farn mai ffuglen yn llwyr yw'r Holocost.

Assessment Strategy

Trothwy D / 40%> Mae’r gwaith a gyflwynwyd yn ddigonol ac yn dangos lefel dderbyniol o gymhwysedd fel a ganlyn: • Yn gywir ar y cyfan ond gyda bylchau a gwallau. • Gwneir honiadau heb dystiolaeth neu resymeg ategol glir. • Yn meddu ar strwythur ond yn brin o eglurder ac felly'n dibynnu ar y darllenydd i wneud cysylltiadau a thybiaethau. • Yn defnyddio ystod gymharol gyfyng o ddefnyddiau.

Da C- i C+ Mae'r gwaith a gyflwynir yn hyfedr drwyddo draw ac weithiau'n cael ei wahaniaethu gan arddull, ymagwedd a dewis uwch o ddeunyddiau ategol. Mae'n dangos: • Strwythur da a dadleuon a ddatblygwyd yn rhesymegol. • Mewn rhannau o leiaf yn tynnu ar ddeunydd a gafwyd ac a aseswyd o ganlyniad i astudiaeth annibynnol, neu mewn ffordd sy'n unigryw i'r myfyriwr. • Mae'r honiadau'n cael eu hategu'n bennaf gan dystiolaeth a rhesymu cadarn. • Cywirdeb a chyflwyniad mewn arddull academaidd briodol.

Daiawn -B (50%>) Mae'r gwaith a gyflwynir yn gymwys drwyddo draw ac yn cael ei wahaniaethu gan arddull, ymagwedd a dewis o ddeunyddiau ategol uwchraddol. Mae'n dangos: • Strwythur da iawn a dadleuon wedi'u datblygu'n rhesymegol. • Yn tynnu ar ddeunydd a gafwyd ac a aseswyd o ganlyniad i astudiaeth annibynnol, neu mewn ffordd sy'n unigryw i'r myfyriwr. • Cefnogir honiadau gan dystiolaeth a rhesymu cadarn. • Cywirdeb a chyflwyniad mewn arddull academaidd briodol.

Ardderchog -A (70%>) Mae’r gwaith a gyflwynir o ansawdd rhagorol ac yn rhagorol mewn un neu fwy o’r ffyrdd canlynol: • Meddu ar wreiddioldeb y mynegiant gyda meddwl y myfyriwr ei hun yn amlwg. • Darparu tystiolaeth glir o astudiaeth annibynnol helaeth a pherthnasol. • Mae dadleuon yn cael eu gosod yn eglur ac yn rhoi cyfnodau ystyried olynol i'r darllenydd ddod i gasgliadau.

Learning Outcomes

• Arddangos y sgiliau sydd eu hangen i ddeall esblygiad rhai syniadau a sut y cawsant eu derbyn mewn moderniaeth.

• Bydd myfyrwyr yn datblygu gallu i ymgysylltu'n feirniadol ac yn greadigol â rhai dehongliadau athronyddol a chrefyddol o'r Holocost.

• Cymhwyso sgiliau dehongli beirniadol i wneud darlleniadau dadansoddol o destunau penodol, gan ddefnyddio amrywiaeth o ddulliau sy'n gysylltiedig â thrafodaeth grefyddol, ymgysylltiad athronyddol, a sylwebaeth gymdeithasol.

• Dangos gallu i ymgysylltu â'r syniadau amrywiol a thynnu cymariaethau rhyngddynt pan fo'n briodol, yn ogystal â gwerthfawrogi'r gwahaniaethau helaeth sy'n gyffredin rhyngddynt.