Rhedir gan School of Arts, Culture and Language

20.000 Credydau neu 10.000 Credyd ECTS

Semester 1

Trefnydd: Mr Robat Trefor

Ar ôl cwblhau’r modiwl yn llwyddiannus bydd myfyrwyr yn gallu:

• Cymhwyso’r wybodaeth ieithyddol a gramadegol a enillwyd at eu gwaith eu hunain yn gyffredinol
• Adnabod a dehongli’r patrymau ieithyddol sy’n ymffurfio wrth drosi testun o’r naill iaith i’r llall
• Defnyddio’r cywair a’r arddull gywir wrth gyfieithu yn ôl gofynion y cyd-destun
• Manteisio’n feirniadol ar y profiad a enillwyd wrth gyfieithu rhychwant eang o destunau mewn gwahanol ffyrdd
• Cynhyrchu gwaith a fydd yn raenus a chywir o ran mynegiant.

Bydd y modiwl yn rhoi hyfforddiant i gyfieithu gwahanol fathau o destunau, yn bennaf o’r Saesneg i’r Gymraeg. Canolbwyntir ar gyfieithu darnau o ryddiaith ffeithiol: rhestrau o gyfarwyddiadau, erthyglau papur newydd, cofnodion cyfarfodydd ac ati. Rhoddir sylw arbennig i gyfieithu dogfennau swyddogol o bob math, gan roi sylw i ofynion proffesiynol y grefft.

trothwy

D- i D+

Dylai'r gwaith cyfieithu ddangos cynefindra â'r pynciau a'r egwyddorion a drafodir yn y seminarau, ynghyd â gafael ar gystrawen a theithi'r Gymraeg ac ar dermau technegol a geirfa'r maes arbennig hwn. Dylai myfyrwyr ddangos gwybodaeth am y patrymau cyffredinol sy'n ymffurfio yn y broses o gyfieithu a hefyd am ofynion gwahanol destunau a chyd-destunau o ran arddull a chywair.

da

B- i B+

Dylai'r gwaith cyfieithu ddangos gwybodaeth dda am yr egwyddorion ieithyddol y tynnir sylw atynt yn y seminarau, yn ogystal â gafael dda ar ramadeg y Gymraeg ac ar dermau technegol a geirfa'r maes arbennig hwn. Dylai myfyrwyr ddangos dealltwriaeth dda o'r modd y gellir addasu a theilwra cyfieithiad ar gyfer cyd-destun arbennig, yn ogystal â gafael dda ar sut y gellir amrywio cystawennau a phatrymau penodol er sicrhau cyfieithiad graenus ac argyhoeddiadol.

ardderchog

A- i A*

Dylai'r gwaith cyfieithu ddangos gallu datblygedig i drin yr egwyddorion, y patrymau a'r syniadau a drafodir yn y seminarau, ynghyd â gafael gadarn ar deithi'r Gymraeg. Dylai hefyd ddangos gwybodaeth fanwl am ryngberthynas y Gymraeg a'r Saesneg ac am y modd y gellir defnyddio'r ddealltwriaeth o batrymau'r ddwy iaith er sicrhau cyfieithiad sy'n tystio i gyfoeth adnoddau'r Gymraeg mewn meysydd megis busnes a gwyddoniaeth yn ogystal â'r celfyddydau. Dylai'r gwaith ddangos gallu datblygedig i amrywio cyweiriau ac arddulliau yn ôl y gofyn.

1. Cymhwyso'r wybodaeth ieithyddol a gramadegol a enillwyd at eu gwaith eu hunain yn gyffredinol.

2. Adnabod a dehongli'r patrymau ieithyddol sy'n ymffurfio wrth drosi testun o'r naill iaith i'r llall.

3. Defnyddio'r cywair a'r arddull gywir wrth gyfieithu yn ôl gofynion y cyd-destun.

4. Manteisio'n feirniadol ar y profiad a enillwyd wrth gyfieithu rhychwant eang o destunau mewn gwahanol ffyrdd.

5. Cynhyrchu gwaith a fydd yn raenus a chywir o ran mynegiant.

Math	Enw	Disgrifiad	Pwysau
	Tasgau wythnosol		33.30
	Tasgau estynedig		33.30
	Arholiad		33.40

		Oriau

• Llythrennedd - Medrusrwydd mewn darllen ac ysgrifennu drwy amrywiaeth o gyfryngau
• Defnyddio cyfrifiaduron - Medrusrwydd wrth ddefnyddio ystod o feddalwedd cyfrifiadurol
• Hunanreolaeth - Gallu gweithio mewn ffordd effeithlon, prydlon a threfnus. Gallu edrych ar ganlyniadau tasgau a digwyddiadau, a barnu lefelau o ansawdd a phwysigrwydd
• Archwilio - Gallu ymchwilio ac ystyried dewisiadau eraill
• Adalw gwybodaeth - Gallu mynd at wahanol ac amrywiol ffynonellau gwybodaeth
• Sgiliau Rhyngbersonol - Gallu gofyn cwestiynau, gwrando'n astud ar atebion a'u harchwilio
• Dadansoddi Beirniadol & Datrys Problem - Gallu dadelfennu a dadansoddi problemau neu sefyllfaoedd cymhleth. Gallu canfod atebion i broblemau drwy ddadansoddiadau ac archwilio posibiliadau
• Cyflwyniad - Gallu cyflwyno gwybodaeth ac esboniadau yn glir i gynulleidfa. Trwy gyfryngau ysgrifenedig neu ar lafar yn glir a hyderus.
• Dadl - Gallu cyflwyno, trafod a chyfiawnhau barn neu lwybr gweithredu, naill ai gydag unigolyn neu mewn grwˆp ehangach
• Hunanymwybyddiaeth & Ystyried - Bod yn ymwybodol o'ch cryfderau, gwendidau, nodau ac amcanion eich hun. Gallu adolygu ,cloriannu a myfyrio'n rheolaidd ar eich perfformiad eich hun ac eraill.

Goblygiadau o ran adnoddau ar gyfer myfyrwyr

Mae'r deunyddiau ar gael i fyfyrwyr y modiwl yn llyfrgell Prifysgol Bangor.

Rhestr ddarllen

Llyfryddiaeth Graidd

Lawrence Venuti (gol.), The Translation Studies Reader (Routledge: Llundain ac Efrog Newydd, 2000).

Dosberthir llyfryddiaeth gyflawn ar ddechrau’r modiwl.

Gorfodol mewn cyrsiau:

• Q5P5: BA Cymraeg gyda Newyddiaduraeth year 3 (BA/CN)
• Q564: BA Cymraeg Proffesiynol (4 year) year 3 (BA/CYMPR4)
• Q563: BA Cymraeg Proffesiynol year 3 (BA/CYMPRO)
• M110: LLB Law with Welsh (International Experience) year 4 (LLB/LIH)

Opsiynol mewn cyrsiau:

• QWM5: BA Cymraeg, Theatr a'r Cyfryngau year 3 (BA/CTC)
• QMV2: BA Cymraeg and Welsh History year 3 (BA/CWH)
• Q5WK: BA Cymraeg gydag Ysgrifennu Cread year 3 (BA/WCW)
• M1Q5: LLB Law with Welsh year 3 (LLB/LW)