Rhedir gan School of Welsh and Celtic Studies

20.000 Credyd neu 10.000 Credyd ECTS

Semester 2

Trefnydd: Dr Manon Williams

Dylai myfyrwyr sy’n dilyn y modiwl hwn feddu ar y gallu i:

1. gywain gwybodaeth berthnasol am ddatblygiad y ddrama deledu yng Nghymru;
2. ddadansoddi’r technegau gweledol a ddefnyddir gan gyfarwyddwyr i ddehongli elfennau dramatig mewn sgript;
3. ddadansoddi dramâu teledu mewn modd deallus a dychmygus;
4. weithio’n annibynnol ac mewn grwpiau a chyflwyno’r syniadau’n raenus ar lafar ac yn ysgrifenedig.

Yn y modiwl hwn astudir nodweddion y gyfres ddrama a’r ddrama gyfres fel cyfryngau dramatig ac olrheinir datblygiad y cyfryngau yng Nghymru rhwng diwedd y 1970au a’r cyfnod presennol. Canolbwyntir ar ddadansoddi themâu a chynnwys gan archwilio’r berthynas rhwng cymeriadau a’r modd y caiff Cymru (a’r gwahanol ardaloedd o fewn y wlad) a’i phobl eu portreadu ar y sgrin deledu Gymraeg. Astudir y technegau a ddefnyddir mewn cyfresi drama a dramâu cyfres i ddenu gwylwyr a chyfleu tensiwn. Canolbwyntir ar drawstoriad eang weithiau (9 cyfres) o wahanol gyfnodau ac o wahanol ardaloedd gan gynnwys gweithiau gan ddramodwyr megis Meic Povey a Siwan Jones.

Yn gyfochrog ag astudio'r 9 cyfres uchod, bydd y modiwl hefyd yn canolbwyntio ar astudio un gyfres gyflawn, sef Pen Talar.

Bydd y modiwl hwn ar gael i fyfyrwyr lefel 2 a 3. Bydd y cynnwys yr un fath ond bydd natur y tasgau’n wahanol.

trothwy

D- i D+

Dylai'r traethawd a'r drafodaeth ddadansoddol ddangos cynefindra â'r prif ffynonellau gwybodaeth eraill ynghyd â'r gallu i gywain, dadansoddi a mynegi barn bersonol ar ddadleuon eraill yn y maes. Dylai'r mynegiant ddangos gafael ar gystrawen a theithi'r iaith Gymraeg.

da

B- i B+

Dylai'r traethawd a'r drafodaeth ddadansoddol ddangos gwybodaeth dda o'r ffynonellau cynradd ac eilradd safonol ynghyd â'r gallu i gywain a chrynhoi'n ddeallus wybodaeth berthnasol a dibynadwy o nifer sylweddol o ffynonellau eraill, boed y rheini'n rhai ysgrifenedig, electronig neu'n rhai llafar. Dylid hefyd ddangos parodrwydd i fynegi barn bersonol a gallu i ddadansoddi a beirniadu, mewn modd cytbwys a chlir, ddadleuon eraill yn y maes. Dylai'r mynegiant ddangos gafael dda ar gystrawen a theithi'r Gymraeg.

ardderchog

A- i A+

Dylai'r traethawd a'r drafodaeth ddadansoddol ddangos gwybodaeth drylwyr o'r ffynonellau cynradd ac eilradd safonol yn y maes ynghyd â gallu datblygedig i gywain a chrynhoi'n ddeallus wybodaeth berthnasol a dibynadwy o rychwant eang o ffynonellau eraill, boed y rheini'n rhai ysgrifenedig, electronig neu'n rhai llafar. Dylid hefyd ddangos parodrwydd i fynegi barn bersonol. Dylai'r farn honno fod yn un annibynnol, aeddfed a threiddgar sy'n dangos gwir allu i ddatblygu dadl glir, estynedig a rhesymegol mewn perthynas â dadleuon eraill yn y maes. Dylai'r mynegiant ddangos gafael sicr ar gystrawen a theithi'r Gymraeg.

1. dangos gwybodaeth fanwl am ddatblygiad y gyfres ddrama a’r ddrama gyfres yng Nghymru

2. Cymhwyso'r hyn a ddysgwyd at gyd-destun newydd a phenodol.

3. creu dadansoddiad o'r portreadau a'r themâu a gyflwynir

Math	Enw	Disgrifiad	Pwysau
TRAETHAWD	Traethawd		60.00
CYFLWYNIAD GRWP	Cyflwyniad llafar mewn parau		40.00

		Oriau
Lecture	Darlith 3 awr x 11 wythnos	33
Private study		167

• Llythrennedd - Medrusrwydd mewn darllen ac ysgrifennu drwy amrywiaeth o gyfryngau
• Hunanreolaeth - Gallu gweithio mewn ffordd effeithlon, prydlon a threfnus. Gallu edrych ar ganlyniadau tasgau a digwyddiadau, a barnu lefelau o ansawdd a phwysigrwydd
• Archwilio - Gallu ymchwilio ac ystyried dewisiadau eraill
• Adalw gwybodaeth - Gallu mynd at wahanol ac amrywiol ffynonellau gwybodaeth
• Sgiliau Rhyngbersonol - Gallu gofyn cwestiynau, gwrando'n astud ar atebion a'u harchwilio
• Dadansoddi Beirniadol & Datrys Problem - Gallu dadelfennu a dadansoddi problemau neu sefyllfaoedd cymhleth. Gallu canfod atebion i broblemau drwy ddadansoddiadau ac archwilio posibiliadau
• Cyflwyniad - Gallu cyflwyno gwybodaeth ac esboniadau yn glir i gynulleidfa. Trwy gyfryngau ysgrifenedig neu ar lafar yn glir a hyderus.
• Gwaith Tîm - Gallu cydweithio'n adeiladol ag eraill ar dasg gyffredin, ac/neu fod yn rhan o dîm gweithio o ddydd i ddydd
• Dadl - Gallu cyflwyno, trafod a chyfiawnhau barn neu lwybr gweithredu, naill ai gydag unigolyn neu mewn grwˆp ehangach
• Hunanymwybyddiaeth & Ystyried - Bod yn ymwybodol o'ch cryfderau, gwendidau, nodau ac amcanion eich hun. Gallu adolygu ,cloriannu a myfyrio'n rheolaidd ar eich perfformiad eich hun ac eraill.

Rhestrau Darllen Bangor (Talis)

http://readinglists.bangor.ac.uk/modules/cxd-2018.html

Gorfodol mewn cyrsiau:

• QWM5: BA Cymraeg, Theatr a'r Cyfryngau year 2 (BA/CTC)

Opsiynol mewn cyrsiau:

• NQ26: BA Astudiaethau Busnes a Chymraeg year 2 (BA/ABCH)
• T102: BA Chinese and Cymraeg year 2 (BA/CHCY)
• Q5P5: BA Cymraeg gyda Newyddiaduraeth year 2 (BA/CN)
• Q562: BA Cymraeg year 2 (BA/CYM)
• Q565: BA Cymraeg (4 year) year 3 (BA/CYM4)
• Q564: BA Cymraeg Proffesiynol (4 year) year 3 (BA/CYMPR4)
• Q563: BA Cymraeg Proffesiynol year 2 (BA/CYMPRO)
• QQ3M: BA English Language & Cymraeg year 2 (BA/ELC)
• QR53: BA Italian/Cymraeg year 2 (BA/ITCY)
• X321: BA Astudiaethau Plentyndod ac Ieuenctid a Chymraeg year 2 (BA/PIC)
• VVQ5: BA Philosophy and Religion and Welsh year 2 (BA/PRW)
• QR54: BA Spanish/Cymraeg year 2 (BA/SPCY)
• CQ65: BA Cymraeg/Sports Science year 2 (BA/SPSW)
• LQK5: BA Polisi Cymdeithasol a Chymraeg year 2 (BA/SPWW)
• LQH5: BA Cymdeithaseg a Chymraeg year 2 (BA/SWW)
• Q5WK: BA Cymraeg gydag Ysgrifennu Cread year 2 (BA/WCW)
• QR51: BA Cymraeg/French year 2 (BA/WFR)
• QR52: BA Cymraeg/German year 2 (BA/WG)
• QV51: BA Cymraeg/History year 2 (BA/WH)
• QVM2: BA Welsh History/Cymraeg year 2 (BA/WHW)
• QQ15: BA Cymraeg and Linguistics year 2 (BA/WL)
• QW53: BA Cymraeg/Music year 2 (BA/WMU)
• LQ35: BA Cymraeg and Sociology year 2 (BA/WS)
• M110: LLB Law with Welsh (International Experience) year 2 (LLB/LIH)
• M1Q5: LLB Law with Welsh year 2 (LLB/LW)