Overview

Mae'r modiwl hwn yn addas ar gyfer dechreuwyr a myfyrwyr sydd wedi astudio Ffrangeg at TGAU ac mae'n canolbwyntio ar ddatblygu sgiliau llafar, gwrando ac ysgrifennu sylfaenol.

Mae'r modiwl yn cynnwys cyflwyniad i ac [yn achos rhai sydd eisoes wedi gwneud TGAU] adolygu gramadeg allweddol.

Bydd y myfyrwyr yn dysgu geirfa gyffredinol ac ymadroddion allweddol sy'n ymwneud ag ystod o destunau, a hynny yn rhannol trwy sefyllfaoedd chwarae rôl. Gan ddefnyddio'r cymhorthion sain/gweledol priodol, bydd y myfyrwyr yn dod i adnabod diwylliant a chymdeithas Ffrainc heddiw.

Testunau allweddol:

Action Grammaire! 3ydd argraffiad gan Phil Turk & Geneviève García Vandaele (Hodder Education, 2006).

The French Experience 1, Marie Therese Bougard, Daniele Bourdais (BBC Publications, 2003)

Rhoddir y cyngor canlynol ynghylch prynu geiriadur:

Efallai y bydd geiriadur cryno (nid geiriadur poced) yn ddigon, ond dylech ystyried cael geiriadur cyfieithu 'go iawn' fel Collins-Robert neu Oxford-Hachette, a dysgu ei ddefnyddio'n effeithiol ac yn rheolaidd.

Learning Outcomes

• Cyfathrebu'n fedrus yn yr iaith darged ynghylch materion elfennol bob-dydd.

• Darllen ac ynganu testunau Ffrangeg yn gywir ac yn hyderus.

• Deall gwybodaeth a chyfarwyddiadau elfennol yn yr iaith darged, mewn cyweiriau ffurfiol ac anffurfiol.

• Gallu llunio traethodau byr a darnau cryno eraill gan ddefnyddio amserau elfennol y ferf, geirfa sylfaenol, a chystrawen allweddol.