Modiwl SCL-3139:
Cyfraith Datganoli

Ffeithiau’r Modiwl

Rhedir gan School of History, Law and Social Sciences

20.000 Credydau neu 10.000 Credyd ECTS

Semester1

Trefnydd: Miss Lois Nash

Amcanion cyffredinol

Nod y modiwl hwn yw galluogi myfyrwyr i gaffael ac arddangos gwybodaeth a dealltwriaeth gywir o ddatblygiad y gyfraith yng Nghymru ar ôl datganoli, ynghyd â chael golwg ehangach ar hanes datganoli yng Nghymru a mannau eraill yn Ewrop. Bydd yn eu galluogi i wneud asesiadau beirniadol o’r datblygiad a’r hanes hwnnw a chymharu a chyferbynnu’r datblygiad a’r hanes hwnnw yn gywir a pherthnasol gyda nodweddion unrhyw system gyfreithiol arall y mae’r myfyriwr yn gyfarwydd â hi. Yn olaf, bydd hefyd yn galluogi myfyrwyr i gysylltu’r datblygiad a’r hanes hwnnw â’r amgylchiadau neilltuol – gwleidyddol, cymdeithasol, economaidd – lle digwyddodd a lle mae’n parhau i ddigwydd.

Cynnwys cwrs

Mae’r cwrs yn edrych ar gyfraith datganoli yng Nghymru a mannau eraill yn Ewrop. Astudir datblygiad hanesyddol datganoli yng Nghymru; o effaith Statud Rhuddlan 1284 a'r Deddfau Uno yn yr unfed ganrif ar bymtheg i ddatganoli grym yn raddol i adrannau a swyddfeydd Cymreig yn yr ugeinfed ganrif. Ceir astudiaeth fanwl o Ddeddf Llywodraeth Cymru a Mesur yr Iaith Gymraeg (Cymru), ynghyd â’r modd y mae darpariaethau’r ystatudau hynny’n cael eu gweithredu yng Nghymru ar ôl datganoli, a barn ysgolheigaidd yn ymwneud â hynny. O ganlyniad, rhoddir ystyriaeth i ddatblygiad Cyfansoddiad Cymreig ac ymddangosiad awdurdodaeth Gymreig. Bydd datblygiadau cyfreithiol a arweinir gan ddatganoli hefyd yn cael eu hystyried yng nghyd-destun y DU; gweinyddu cyfiawnder, yn arbennig cyfraith weinyddol; a datblygiad cysylltiadau rhyng-lywodraethol yn y DU ac Ewrop. Drwy gydol y cwrs, bydd y datblygiadau cyfreithiol yn ymwneud â newidiadau gwleidyddol, economaidd, cymdeithasol a deallusol yng Nghymru, y Deyrnas Unedig, Ewrop a’r byd ehangach. Yn arbennig, rhoddir sylw i’r setliad datganoli yn Yr Alban; Gogledd Iwerddon; Cymunedau Hunanreolaethol Sbaen; y Länder yn Yr Almaen.

Meini Prawf

rhagorol

A- hyd at A Rhagorol: Bydd myfyrwyr rhagorol (A- hyd at A) yn cyflawni'n gyson gadarn ar draws y deilliannau dysgu, ac yn cyfuno hyn â gwreiddioldeb, gwybodaeth eang o'r pwnc yn ei gyd-destun ehangach ynghyd â dadleuon a dadansoddiad treiddgar a soffistigedig.

Ateb rhagorol, sy’n dangos meistrolaeth dros y pwnc dan sylw heb fawr ddim lle o gwbl i wella. Mae’r ateb yn cynnwys yr holl bwyntiau a dadleuon perthnasol, ynghyd â gwerthusiad llawn annibynnol ac aeddfed o’r testun, heb fawr ddim camgymeriadau neu gynnwys amherthnasol. Lle bo’n berthnasol, bydd yr ateb hefyd yn dangos tystiolaeth o werthusiad cymharol manwl o’r materion dan sylw. Bydd yr holl ddeunydd a chyfeiriadau (lle bo’n berthnasol) wedi’u cyflwyno bron yn berffaith yn yr ateb, a bydd yr ateb wedi’i lunio’n hynod dda ac yn rhagorol yn ramadegol yn Gymraeg/Saesneg.

trothwy

D- hyd at D+ Trothwy: Bydd myfyrwyr (D- hyd at D+) yn dangos sgiliau ymchwil boddhaol mewn rhannau o leiaf o'r pwnc a ddewiswyd ganddynt, a byddant yn gwneud ymdrechion rhannol lwyddiannus o leiaf i archwilio a dadansoddi'r wybodaeth ac i ysgrifennu'r project mewn dull academaidd.

Ateb sy'n gywir gan fwyaf o ran cyflwyno deunydd, ond sy’n cynnwys lefel sylweddol o wallau, ac felly nid yw’n hollol ddibynadwy.

dda

B- hyd at B+ Da: Bydd myfyrwyr da (B- hyd at B+) yn llwyddo'n gadarn yn yr holl ddeilliannau dysgu a restrir.

Ateb cynhwysfawr, yn cynnwys yr holl neu bron y cyfan o’r deunydd sy’n berthnasol i’r cwestiwn a dim amherthnasedd, neu ychydig iawn; yr holl ddeunydd a’r cyfeiriadau yn gywir at ei gilydd, heb ddim anghywirdeb na gwallau, gan gyflwyno’r cyfan mewn dadl glir, resymegol a beirniadol, ond sydd â lle i wella ei adeiladwaith a’i gyflwyniad. Ateb sy’n dangos hyfedredd llwyr yn y pwnc.

C- i C+

C- i C+ Da/Boddhaol: Bydd myfyrwyr lefel C- i C+ yn llwyddo'n ddisgrifiadol yn yr holl ddeilliannau dysgu a restrir.

Ateb sydd, er ei fod bob amser yn gywir gan fwyaf, serch hynny yn methu â gwahaniaethu rhwng deunydd perthnasol ac amherthnasol, ac sydd â diffyg beirniadaeth. Ateb sy’n ddibynadwy o ran cywirdeb, ond nad yw’n gynhwysfawr neu nad yw’n hollol berthnasol.

Canlyniad dysgu

  1. Dangos dealltwriaeth gynhwysfawr o faterion cyd-destunol ehangach yn ymwneud â gweithredu cyfraith datganoli yng Nghymru, e.e. y berthynas rhwng Llywodraeth Cymru a’r llywodraeth ganolog yn San Steffan.

  2. Cynnal ymchwil gyfreithiol annibynnol yn fanwl, cywir ac effeithiol mewn perthynas â chyfraith datganoli yng Nghymru a mannau eraill yn Ewrop

  3. Dangos lefel sgil uchel wrth ddansoddi a chymhwyso gwybodaeth sy'n ymwneud a ddatganoli.

  4. Llunio, cyflwyno a cyfathrebu'n effeithiol dadl gyfreithiol resymegol yn ymwneud â materion yng nghyfraith datganoli.

  5. Dadansoddi'n fedrus ac yn feirniadol datblygiad sefydliadau a meysydd cyfraith yng Nghymru wedi datganoli, gan gyfeirio'n gywir at ffynonellau gwreiddiol ac eilaidd priodol, a gan gysylltu’r datblygiad â’i achosion a’i effeithiau gwleidyddol, cymdeithasol, economaidd a deallusol.

  6. Cymharu'n wybodus datblygiad sefydliadau a meysydd cyfraith yng nghenhedloedd a rhanbarthau datganoledig y DU ac Ewrop, gan eu cysylltu â'u hachosion a’u heffeithiau gwleidyddol, cymdeithasol, economaidd a deallusol

Dulliau asesu

Math Enw Disgrifiad Pwysau
ESSAY Traethawd

Traethawd 3,000 o eiriau ar fater sy'n ymwneud a datganoli.

 40.00
EXAM Arholiad

Arholiad 2 awr, yn ateb 2 gwestiwn ar faterion datganoli

 60.00

Strategaeth addysgu a dysgu

Oriau
Lecture

2x 2hr darlith yr wythnos, unai yn fyw yn y dosbarth neu ar-lein

 40
Private study

Bydd disgwyl i fyfyrwyr baratoi'n annibynnol ar gyfer rhai dosbarthiadau ac wrth baratoi'r aseiniadau.

 160

Sgiliau Trosglwyddadwy

  • Literacy - Proficiency in reading and writing through a variety of media
  • Computer Literacy - Proficiency in using a varied range of computer software
  • Self-Management - Able to work unsupervised in an efficient, punctual and structured manner. To examine the outcomes of tasks and events, and judge levels of quality and importance
  • Exploring - Able to investigate, research and consider alternatives
  • Information retrieval - Able to access different and multiple sources of information
  • Inter-personal - Able to question, actively listen, examine given answers and interact sentistevely with others
  • Critical analysis & Problem Solving - Able to deconstruct and analyse problems or complex situations. To find solutions to problems through analyses and exploration of all possibilities using appropriate methods, rescources and creativity.
  • Presentation - Able to clearly present information and explanations to an audience. Through the written or oral mode of communication accurately and concisely.
  • Argument - Able to put forward, debate and justify an opinion or a course of action, with an individual or in a wider group setting
  • Self-awareness & Reflectivity - Having an awareness of your own strengths, weaknesses, aims and objectives. Able to regularly review, evaluate and reflect upon the performance of yourself and others

Sgiliau pwnc penodol

  • Develop the ability to interpret legal rules and employ techniques of legal reasoning competently and efficiently in order to offer a range of solutions and conclusions to actual or hypothetical complex legal problems, all supported by relevant academic literature, jurisprudence and legislative research. Such solutions will be clearly communicated and presented
  • Develop the ability to analyse complex legal issues, set against the background of the political, social, economic or cultural contexts in which they may arise
  • Develop those skills which are necessary for scholarship and research in legal subjects, namely the ability to identify relevant primary and secondary legal sources and to retrieve accurate legal information using paper and electronic sources

Adnoddau

Goblygiadau o ran adnoddau ar gyfer myfyrwyr

Dim, oni bai bod myfyrwyr eisiau prynu deunyddiau eu hunain.

Rhestr ddarllen Talis

http://readinglists.bangor.ac.uk/modules/scl-3139.html

Rhestr ddarllen

Watkin, Wales: An Introduction to its Legal History (Gwasg Prifysgol Cymru, 2007) R. Gwynedd Parry Cymru’r Gyfraith (Gwasg Prifysgol Cymru, 2012) Rawlings, Delineating Wales (Gwasg Prifysgol Cymru, Caerdydd, 2003) Bogdanor, V. Devolution in the United Kingdom (OUP, 2001) Hazell, R. & Trench, A. (gol.) The State of the Nation, 2000-2008

Rhagofynion a Chydofynion

Cyrsiau sy’n cynnwys y modiwl hwn

Gorfodol mewn cyrsiau:

Opsiynol mewn cyrsiau: