Llwyddo wrth Ysgrifennu

Mae’r Ganolfan Sgiliau Astudio wedi llunio dwy raglen o weithdai ar draws Semester 2: Cyfres Ysgrifennu Academaidd sy’n canolbwyntio ar ysgrifennu sy’n gysylltiedig ag aseiniadau, a Chyfres Traethawd Hir. Tua diwedd y semester cynhelir dau weithdy ychwanegol sy’n canolbwyntio ar y broses adolygu a rheoli arholiadau.  

Mae ein gweithdai yn rhoi cyfle i archwilio arferion a strategaethau fydd yn eich helpu i ddatblygu eich dealltwriaeth o ddisgwyliadau academaidd ac i wella ansawdd y gwaith rydych chi’n ei gynhyrchu. Mae sgwrsio yn ganolog i’n dulliau o ymdrin â thasgau. Mae’r gweithdai yn seiliedig ar dasgau, a thrwy hynny’n eich galluogi i ddysgu drwy wneud a chwestiynu.

Cyfres Ysgrifennu Academaidd

Cynhelir y gweithdai 90 munud o hyd am 2 o’r gloch, ac nid oes angen archebu eich lle o flaen llaw:

• Rheoli eich astudiaethau (27 Ionawr a 2 Chwefror)
• Cael yr awen i lifo (4 a 8 Chwefror)
• Ysgrifennu brawddegau gwell (10 a 16 Chwefror)
• Cymryd nodiadau a darllen i bwrpas (18 a 22 Chwefror)
• Aralleirio ac osgoi llên-ladrad (24 Chwefror a 1 Mawrth)
• Sut i gryfhau eich dadl (9 a 15 Mawrth)

Cyfres Traethawd Hir

• Diffinio eich Pwnc (26 Ionawr a 3 Chwefror)
• Cynllunio eich traethawd hir (9 a 17 Chwefror)
• Adolygu’r Llenyddiaeth (23 Chwefror a 2 Mawrth)
• Ysgrifennu Crynodebau (8 a 16 Mawrth)
• Ysgrifennu Rhagarweiniadau (12 a 20 Ebrill)

Cyfres arholiadau

•  Gwneud eich gorau mewn arholiadau (13 a 19 Ebrill)
• Adolygu munud olaf (4 Mai)

Am wybodaeth bellach a manylion am ystafelloedd ewch i: http://studyskills.bangor.ac.uk/digwyddiadau

Dyddiad cyhoeddi: 5 Chwefror 2016