Cefnogaeth Ariannol i Israddedigion Llawn-amser o Gymru

Costau Ffioedd Dysgu

  • Gwybodaeth am ffioedd a chyllid i fyfyrwyr Cartref (DU).
  • Nid oes raid i chi dalu unrhyw ffioedd dysgu tra ydych yn astudio. Caiff y taliad ei ohirio nes ar ôl i chi raddio trwy Fenthyciad Ffioedd Dysgu.
  • Nid yw’r Benthyciad Ffioedd Dysgu yn ddibynnol ar incwm y teulu.
  • Fodd bynnag, dylai myfyrwyr sydd wedi astudio ar lefel Addysg Uwch yn y gorffennol gysylltu â Cyllid Myfyrwyr Cymru. i wirio eu hawl.
  • Fel arall, gallwch dalu eich ffioedd wrth astudio. Am ragor o wybodaeth am sut y gallwch dalu eich ffioedd dysgu, os ydych chi'n dewis gwneud hynny, neu unrhyw ffioedd prifysgol arall fel llety, ewch i safle we Swyddfa Gyllid.

Cyllido eich Costau Byw

Grant Dysgu Llywodraeth Cymru

  • Gall myfyrwyr o Gymru wneud cais am Grant Dysgu Llywodraeth Cymru Bydd y grant yn cael ei asesu ar incwm trethadwy cartref y myfyriwr.
  • Nid fydd raid i chi dalu’r Grant Dysgu Llywodraeth Cymru yn nol ar ôl graddio.

Benthyciad Cynhaliaeth

  • Mae Benthyciad Cynhaliaeth ar gael i’ch helpu gyda chostau byw fel llety, bwyd, llyfrau, dillad a theithio.
  • Daw’r arian yma gan Lywodraeth Cymru drwy’r Cwmni Benthyciadau Myfyrwyr.
  • Bydd incwm trethadwy eich cartref a lle byddwch chi'n byw wrth astudio yn penderfynu faint o fenthyciad byddwch yn ei dderbyn.

Dyma tabl hawl Grant Dysgu Llywodraeth Cymru a Benthyciadau Cynhaliaeth ar gyfer 2025-26


Incwm Trethadwy
Eich Cartref
Grant Dysgu Llywodraeth Cymru
- byw oddi cartref
Benthyciad Cynhaliaeth
- byw oddi cartref
Cyfanswm  Grant & Benthyciad –  byw oddi cartref
 
Grant Dysgu Llywodraeth Cymru
- byw gyda’u rhieni

Benthyciad Cynhaliaeth
- byw gyda’u rhieni
Cyfanswm  Grant & Benthyciad - byw gyda’u rhieni
£18,370 neu lai
£8,100
£4,245
£12,345
 
£6,885
£3,595
£10,480
£25,000
£6,947
£5,398
£12,345
 
£5,930
£4,550
£10,480
£35,000
£5,208
£7,137
£12,345
 
£4,488
£5,992
£10,480
£45,000
£3,469
£8,876
£12,345
 
£3,047
£7,433
£10,480
£59,200 neu fwy
£1,000
£11,345
£12,345
 
£1,000
£9,480
£10,480

Pryd a sut i wneud cais am Gyllid Myfyrwyr

  • Mae bosib gwneud cais am Fenthyciad Ffioedd Dysgu, Benthyciad Cynhaliaeth a’r Grant Dysgu Llywodraeth Cymru trwy gwblhau un ffurflen cais - PN1.
  • Mae bosib i fyfyrwyr wneud cais ar y we neu drwy lawr lwytho ffurflen oddi ar wefan Cyllid Myfyrwyr Cymru: cyllidmyfyrwyrcymru.co.uk
  • Mi fydd y ffurflenni cais ar gyfer 2025-26 ar gael nawr.
  • Peidiwch â disgwyl tan fyddwch wedi cael cadarnhad o le Prifysgol Bangor cyn gwneud cais.
  • Fe’ch cynghorir i lenwi'r ffurflen cyn gynted â phosib fel bod yr asesiad ariannol wedi ei gwblhau ymhell cyn i'ch cwrs ddechrau ym mis Medi 2025.

Sut y byddwch yn derbyn eich cyllid myfyrwyr?

Mae’r grantiau a benthyciad cynhaliaeth yn cael ei talu i mewn i'ch cyfrif banc mewn tri rhandaliad. 

  • Y taliad cyntaf ar ôl cofrestru yn y Brifysgol,
  • yr ail ran daliad ddechrau mis Ionawr
  • ar rhandaliad olaf ar ôl Pasg.

Ad-dalu eich Benthyciadau Cynhaliaeth a Ffioedd Dysgu

  • Mae’n rhaid i fenthyciad cynhaliaeth gael ei ad-dalu unwaith y byddwch wedi gorffen eich cwrs ac yn ennill mwy na £28,470 y flwyddyn
  • Fel rheol bydd eich cyflogwr yn tynnu’r arian o’ch cyflog trwy’r system dreth PAYE, yn yr un ffordd a threth incwm a chyfraniadau Yswiriant Gwladol.
  • Am ragor o wybodaeth am ad-dalu'ch benthyciad, ewch i'r wefan.

Myfyrwyr gyda phlant neu oedolion dibynnol

Am ragor o wybodaeth ariannu benodol ewch i gwefan Myfrywyr gyda Theuluoedd.