Cyngor ariannol

O ddydd Llun, 20 Medi, bydd staff Cefnogi Myfyrwyr yn ôl yn Rathbone ac yn gallu cwrdd wyneb yn wyneb, neu os byddai'n well gennych trwy alwad fideo Microsoft Teams neu alwad ffôn cyffredin. Ffoniwch ni ar 01248 38 3566 / 3637 neu anfonwch e-bost at cymorthariannol@bangor.ac.uk yn y lle cyntaf a byddwn yn trefnu'r hyn sydd orau i chi. Os byddwch angen  siarad â ni cyn hynny, gallwch ein ffonio/anfon e-bost atom i drefnu apwyntiad ymlaen llaw. 

Sut allwn eich helpu

Dylai eich amser yn y Brifysgol fod yn bleserus ac yn werth chweil, ac mae Prifysgol Bangor yn anelu i roi ichi wybodaeth a chefnogaeth a fydd yn eich galluogi i fanteisio i’r eithaf ar eich profiad yn y Brifysgol. Mae’n arbennig o bwysig nad yw pryderon ariannol diangen yn amharu ar eich amser yma.

Mae’r Uned Cymorth Ariannol yn rhan o dîm Cefnogi Myfyrwyr a gall ein staff profiadol ddarparu cyngor, gwybodaeth ac arweiniad ar bob agwedd o gyllid myfyrwyr gan gynnwys:

• Cyllid israddedig ar gyfer cyrsiau llawn amser a rhan amser
• Cyrsiau Israddedig wedi eu cyllido gan y GIG
• Cyllid ôl-raddedig
• Cyllidio ar gyfer cyrsiau Diploma Addysg Uwch ac MSc GIG
• Bwrsariaethau ac Ysgoloriaethau Prifysgol
• Cyllid i Fyfyrwyr Presennol
• Cronfa Caledi a Grantiau Argyfwng
• Cyllidebu
• Cefnogaeth i fyfyrwyr sydd wedi Ymddieithrio
• Cefnogi Myfyrwyr sy’n Ofalwyr

Ble i ddod o hyd i’r Uned Cymorth Ariannol

Mae’r Uned ar y Llawr Cyntaf, Neuadd Rathbone, Ffordd y Coleg, Bangor, LL57 2DF.

Adeilad rhif 70 ar fap y Brifysgol ydi Neuadd Rathbone

Ydych chi’n fyfyriwr Prifysgol Bangor mewn lleoliad tu allan i Fangor?

Dim ots ble yr ydych yn astudio mae croeso i chi wrth gwrs dderbyn yr un gefnogaeth gan yr Uned Cymorth Ariannol. Ffoniwch ni ar 01248 38 3566 / 3637 neu gyrrwch neges atom i cymorthariannol@bangor.ac.uk yn y lle cyntaf a byddwn yn trefnu beth sydd orau i chi.

Ffôn: 01248 38 3566 / 3637

Ebost: cymorthariannol@bangor.ac.uk

Eich Adborth

Yr ydym yn croesawu eich adborth. Os oes gennych unrhyw adborth, cysylltwch ag un o’r canlynol: