Tîm Ymateb Datgelu

Mae'r Tîm Ymateb i Ddatgeliadau (DRT) yn rhwydwaith o aelodau staff sydd wedi'u hyfforddi'n arbennig o bob rhan o Brifysgol Bangor ac sy'n gallu derbyn datgeliadau sy'n ymwneud â chamymddygiad rhywiol, trais, aflonyddu a digwyddiadau casineb.

Mae'r DRT yn bodoli i sicrhau bod myfyrwyr yn cael mynediad at ymateb diogel, cefnogol a gwybodus pan fyddant yn dymuno trafod profiad sydd wedi effeithio arnynt.

Nid oes angen i chi wneud adroddiad ffurfiol er mwyn siarad ag aelod o'r DRT.

 

Beth Gall Aelod o'r DRT Eich Helpu Ag Ef?

Gall aelod o'r DRT:

  • wrando ar eich pryderon heb farnu;

  • darparu lle diogel i siarad am eich profiadau;

  • egluro'r cymorth sydd ar gael o fewn a thu allan i'r Brifysgol;

  • trafod yr opsiynau sydd ar gael i chi;

  • egluro polisïau a gweithdrefnau perthnasol y Brifysgol;

  • eich helpu i ddeall prosesau adrodd;

  • eich cyfeirio at wasanaethau cymorth arbenigol; a

  • ateb unrhyw gwestiynau sydd gennych ynghylch beth sy'n digwydd nesaf.

Chi sy'n rheoli faint o wybodaeth rydych yn dewis ei rhannu ac a ydych yn dymuno cymryd unrhyw gamau pellach.

 

Pwy All Siarad ag Aelod o'r DRT?

Gall unrhyw fyfyriwr gysylltu ag aelod o'r DRT os yw wedi:

  • profi camymddygiad rhywiol;

  • profi trais rhywiol;

  • profi aflonyddu;

  • profi digwyddiad casineb;

  • gweld ymddygiad sy'n peri pryder;

  • cefnogi ffrind neu gyd-fyfyriwr sydd wedi profi un o'r ymddygiadau hyn; neu

  • gael ei effeithio gan ddigwyddiad ac yn dymuno cael cyngor neu gymorth.

Nid oes rhaid i chi fod yn sicr bod yr hyn a ddigwyddodd yn dod o fewn diffiniad penodol cyn siarad ag aelod o'r DRT.

 

Sut Ydw i'n Cysylltu ag Aelod o'r DRT?

Gallwch gysylltu ag aelod o'r DRT yn uniongyrchol drwy ddefnyddio'r manylion cyswllt a restrir isod.

Fel arall, os nad ydych yn siŵr gyda phwy i gysylltu, gallwch gysylltu â Desg Gymorth Achosion Myfyrwyr drwy anfon e-bost at studentcases@bangor.ac.uk a gofyn i gael eich cysylltu ag aelod o'r Tîm Ymateb i Ddatgeliadau.

 

Coleg y Celfyddydau, Dyniaethau a Gwyddorau Cymdeithas

Ysgol Busnes Albert Gubay

Mahshid Bagheri

Bethan Hughes

Ysgol y Gyfraith

Briony Collins

Ysgol y Celfyddydau a'r Dyniaethau

Andrew Webb

Karin Koehler

Sarah Pogoda

John Cunningham

Sue Niebrzydowski

Lucy Huskinson

Ysgol Addysg Gogledd Cymryu

Ysgol y Gymraeg

Manon Williams

 

Coleg Gwyddoniaeth a Pheirianneg

Ysgol Cyfrifiadureg a Pheirianneg

Mohammed Mabrook

Cameron Gray

Ysgol Gwyddorau Amgylcheddol a Naturiol

Heli Gittins

Joanna Smith

Ewa Krzyszczyk

Manuel Esperon Rodriguez

Siobhan Jones

Ysgol Gwyddorau Eigion

Laura Grange

Charlotte Colvin

 

Coleg Meddygaeth a Iechyd

Ysgol Feddygol Gogledd Cymru

Bethan Davies Jones

Alyson Moyes

Dylan Jones

Ysgol Gwyddorau Iechyd

Elizabeth Mason

Kat Ford

Ceryl Davies

Ysgol Seicoleg

Fay Short

Tracey Lloyd

Ysgol Gwyddorau Chwaraeon

 

Canolfan Addysg Ryngwladol / Coleg Rhyngwladol Bangor

Laura Mckenzie

Claire Hall

Sabine Roberts

 

Undeb (Undeb y Myfyriwr)

Tara Hine

Natasha Sellers

Kat Hughes

Helen Nardo Smithson Bird

 

Gwasanaethau Myfyrwyr ac Academaidd

Ayeisha Hughes

Jo Mitchell

Esther Griffiths

Stephanie Horne

Annette Williams

Marcel Clusa

Briony Collins

Deirdre McIntyre

Gwasanaethau Corfforaethol - Lauren Roberts

Swyddfa Neuaddau - Anne Marie Jones

Marchnata - Tesni Walker-Owen

IRIS – Iwan Jones

 

Beth Sy'n Digwydd Pan Fyddaf yn Siarad ag Aelod o'r DRT?

Bydd aelod o'r DRT yn gwrando ar eich pryderon ac yn trafod y cymorth sydd ar gael i chi.

Gallant egluro:

  • beth yw datgeliad;

  • pa gymorth sydd ar gael;

  • pa opsiynau adrodd a allai fod ar gael;

  • sut mae gweithdrefnau'r Brifysgol yn gweithio; a

  • ble y gallwch gael mynediad at gymorth arbenigol.

Ni ddisgwylir i chi fel arfer benderfynu ar unwaith a ydych yn dymuno gwneud adroddiad ffurfiol.

Yn dilyn y datgeliad, bydd aelod o'r DRT yn rhannu'r wybodaeth gyda'r Tîm Achosion Myfyrwyr. Yna bydd aelod o'r Tîm Achosion Myfyrwyr yn cysylltu â chi i sicrhau eich bod yn ymwybodol o unrhyw opsiynau adrodd sydd ar gael i chi, pe byddech yn dymuno eu harchwilio ymhellach.

Nid yw gwneud datgeliad yn eich gorfodi i wneud adroddiad ffurfiol na chymryd unrhyw gamau pellach.

 

Cyfrinachedd

Bydd y Brifysgol yn trin datgeliadau mewn ffordd sensitif a pharchus.

Dim ond ar sail yr angen i wybod y bydd gwybodaeth yn cael ei rhannu, yn unol â pholisïau'r Brifysgol, rhwymedigaethau cyfreithiol a chyfrifoldebau diogelu.

Gall aelod o'r DRT egluro trefniadau cyfrinachedd a rhannu gwybodaeth yn fwy manwl cyn i chi benderfynu pa wybodaeth yr hoffech ei datgelu.

 

Cymorth sydd ar Gael

Dim ond un o'r opsiynau cymorth sydd ar gael i fyfyrwyr yw siarad ag aelod o'r DRT.

Gall cymorth ychwanegol fod ar gael gan:

Gall aelod o'r DRT eich helpu i nodi'r cymorth sydd fwyaf addas ar gyfer eich amgylchiadau.